Mathiơ 21:30 - Sơ̆p Hlabơar Nơ̆r 'Bok Kei-Dei

³⁰ 'Bă sư wơh dơ̆ng kon sư mă 'bar kư̆m thoi sư khan kơ kon kơdră sư hei. Kon sư drơ̆ng: ‘Ŏ, inh năm jang 'bă.’ Mă-lei sư ưh kơ năm jang tơpă ôh, sư hơlĕnh kơ 'bă sư đĕch.

Mathiơ 21:30 Iomraidhean Croise

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Mathiơ 21:29

Kon sư khan: ‘Hăt lah, inh ưh kơ wăn.’ Mă-lei pă 'biơ̆ kơ noh kon sư tơchĕng mơnat kơ 'bă sư, na sư năm jang hloi.

Mathiơ 21:31

Thoi noh boih na iĕm tơchĕng lăng, 'bar 'nu kon noh, kon ayơ chu kơ nơ̆r 'bă sư?” Lu sư khan: “Kon kơdră chu.” Na Yêsu khan: “Inh khan kơ iĕm tơpă, lu bơngai iŏk jên thuê̆, lu drŏ-kăn pơm đi, lu sư chu thoi kon kơdră noh boih. Lu sư băt ăn kơ 'Bok Kei-Dei pơgơ̆r lu sư boih mă-lei gah lu iĕm tam mă chu 'mơ̆i.

Mathiơ 23:3

Iĕm athei pơm kiơ̆ thoi sư bơtho păng rok dôm tơdrong sư pơkă. Mă-lei iĕm 'nĕ kiơ̆ thoi tơdrong arih lu sư. Tơdrong lu sư bơtho 'lơ̆ng ră, mă-lei lu sư ưh kơ kiơ̆ tơdrong 'lơ̆ng noh ôh.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.