Mathiơ 21:28 - Sơ̆p Hlabơar Nơ̆r 'Bok Kei-Dei

²⁸ Yêsu khan dơ̆ng kơ lu sư: “Minh 'nu bơngai đei 'bar 'nu kon. Sư wơh kon kơdră sư năm jang: ‘Ơ dăm, năr âu e năm jang tơ mir hơmu bơ̆n ho.’

Mathiơ 21:28 Iomraidhean Croise

Jo 10:30

Hôbap tơl: Inh ưh kơ năm ôh, mă-lei inh wih brŏk tơ dêh char inh kơdih, noh kon pơlei inh.

Mathiơ 17:25

Pêtrôs khan: “Sư ăn mơ̆n” Lăp Pêtrôs mơ̆t tơ hnam Yêsu thar jet hloi: “Ơ Simôn, lu 'bok pơtao iŏk thuê̆ đơ̆ng bu? Sư iŏk đơ̆ng lu kon sư, dah đơ̆ng bơngai nai?”

Mathiơ 20:1

“Pơtih gia 'Bok Kei-Dei wă pơgơ̆r bơ̆n thoi âu: Thoi minh 'nu tơ'ngla mir đơ̆ng pơgê hrôih chă bơngai jang tơ mir hơmu sư.

Mathiơ 21:27

Thoi noh na lu sư khan: “Nhôn ưh kơ băt ôh.” Na Yêsu khan kơ lu sư: “Lei Inh kư̆m ưh kơ roi ăn kơ iĕm bu ăn kơ Inh pơpuh đe păng bơtho đe tơ lăm hnam akŭm âu mơ̆n.”

Mathiơ 21:29

Kon sư khan: ‘Hăt lah, inh ưh kơ wăn.’ Mă-lei pă 'biơ̆ kơ noh kon sư tơchĕng mơnat kơ 'bă sư, na sư năm jang hloi.

Mathiơ 21:33

Yêsu khan dơ̆ng kơ lu sư: “Apinh iĕm mơ̆ng tơdrong pơtih gia âu dơ̆ng: Đei minh 'nu bơngai pơm mir wă pơtăm plei hơmu. Sư war mir tăp dăr boih, lăm mir noh sư pơm minh pôm tơpăl tơmo wă peh plei hơmu chơpĕt iŏk đak sư. Păng sư pơm minh pôm hnam tông wă gak plei hơmu. Sư pơm tôm tơdrong noh boih na sư ăn kơ đe jang mơng, tơ'ngla sư năm oei tơ dêh nai.

Mathiơ 22:17

Na nhôn wă jet Ih, Ih tơchĕng thoi yơ kiơ̆ kơ tơdrong juăt bơngai Juđê bơ̆n? Bơ̆n hăm gơh ăn jên thuê̆ kơ Sêsar pơtao đe Rôm mă pơgơ̆r bơ̆n dah ưh?”

Markôs 13:34

Tơdrong ei thoi lĕ kơ minh 'nu bơngai wă năm tơ dêh tơmoi ataih. Hơdrol kơ sư wă yak đơ̆ng hnam, sư pơkă kơ lu đĭch đam sư wei-lăng hnam păng rim 'nu lu sư jang kiơ̆ kơ tơ'ngla sư pơkă păng khan kơ bơngai gak 'măng athei kơchăng.

Luka 13:4

Pơtih gia dơ̆ng, lu mơjĭt-tơhngam 'nu mă lôch kơ hnam kơjung tơgơ̆ sơ̆ jê̆ đak dơnâu Silôm, iĕm tơchĕng lu sư bơngai yoch hloh 'biơ̆ kơ tơduă lu sư bơngai Jêrusalem dah kiơ?

I Kor 10:15

Inh băt kơ iĕm bơngai hlôh wao, na dang ei iĕm gô mơ̆ng păng tơchĕng tơdrong inh pơma:

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.