Mathiơ 21:13 - Sơ̆p Hlabơar Nơ̆r 'Bok Kei-Dei

¹³ Sư khan kơ lu bơngai ei thoi âu: “Đe chih roi nơ̆r 'Bok Kei-Dei lăm sơ̆p hla bơar Sư thoi âu: ‘Hnam akŭm kơkuh kơ Inh wă lê̆ kơ đe krao khan kơ Inh lăm noh,’ Mă-lei iĕm mơdro lăm noh, pơgŏ athei đe răt kăp jên, iĕm pơm kơ hnam âu thoi lĕ kơ anih hnam đe tơtông klĕ.”

Mathiơ 21:13 Iomraidhean Croise

Horiso 93:5

Ơ Kră Yang, dôm tơdrong Ih tơtă kơjăp sĭt; Hnam Ih 'lơ̆ng rơgoh tơpă truh tơ ning-mônh hloi.

Êsai 56:7

Na Inh gô anhăk lu sư tŏk tơ kơpal kông rơgoh Inh ngăl, Ăn kơ lu sư hiôk chơt lăm hnam Inh krao khan. Tơmam soi 'buh păng tơmam soi nai lu sư pơyơ̆r, tơ kơpal chơnang soi Inh gô sơng iŏk; yua kơ hnam Inh gô krao hnam krao khan ăn kơ đĭ-đăng adrĕch adrung kon pơlei.

Je 7:11

Lei lu iĕm lăng hnam âu, anih Anăn Inh, thoi anih tơtông klĕ hă? Âu Inh, Inh 'bôh boih dôm tơdrong noh, Kră Yang khan thoi noh.

Mathiơ 2:5

Lu sư khan: “Tơ Pơlei Betlehem lăm dêh Juđê bơ̆n, yua kơ 'bok khan lê̆ hơdrol sơ̆ chih roi thoi âu:

Markôs 11:17

Na Sư bơtho khan kơ lu bơngai ei thoi âu: “Đe chih roi nơ̆r 'Bok Kei-Dei lăm sơ̆p hla bơar Sư thoi âu: ‘Hnam akŭm kơkuh kơ Inh wă lê̆ kơ đĭ-đăng bơngai jơ̆p kơ teh đak akŭm krao khan lăm noh.’ Mă-lei iĕm mơdro lăm noh, pơgŏ athei đe răt kăp jên, iĕm pơm kơ hnam akŭm âu thoi lĕ kơ anih hnam đe tơtông klĕ.”

Luka 19:45

Yêsu mơ̆t tơ hnam akŭm 'Bok Kei-Dei tơm na Sư pơpuh đe mơdro lăm noh.

Luka 19:46

Yêsu khan kơ lu sư thoi âu: “Đe chih roi nơ̆r 'Bok Kei-Dei lăm sơ̆p hla bơar sư thoi âu: ‘Hnam akŭm kơkuh kơ Inh, wă lê̆ kơ đe krao khan kơ Inh lăm noh.’ Mă-lei lu iĕm mơdro lăm noh, pơgŏ athei đe răt kăp jên, iĕm pơm kơ hnam akŭm âu thoi lĕ kơ anih hnam đe tơtông klĕ.”

Yo 15:25

Đe chih khan lê̆ hơdrol lăm sơ̆p hla bơar tơdrong juăt lu sư sơ̆ khan: ‘Lu sư hil areh kơ Inh ưh kơ đei tơdrong kiơ.’ Yua kơ chih thoi noh na dang ei bơ̆n 'bôh 'blep trŏ thoi noh tơpă.