Mathiơ 20:34 - Sơ̆p Hlabơar Nơ̆r 'Bok Kei-Dei

³⁴ Yêsu lăng mơnat kơ bre sư dêh, na Sư pel măt bre sư, măt bre sư 'bôh hơdah hloi na bre sư kiơ̆ hloi Yêsu.

Mathiơ 20:34 Iomraidhean Croise

Horiso 119:67

Adrol kơ đei tơdrong pơmat-tat inh đĭ jrok boih; Mă-lei dang ei inh wei răk nơ̆r Ih.

Horiso 119:71

Inh đei tơdrong pơmat, trŏ 'lơ̆ng tơpă. Wă kơ inh hŏk iŏk kiơ̆ khôi juăt Ih.

Horiso 145:8

Kră Yang băt mơnat păng đei jơhngơ̆m 'mêm. Hiơ̆ kơ blĕk păng 'bĕnh kơ tơdrong 'mêm mơnat.

Mathiơ 14:14

Lăp Yêsu jur đơ̆ng thŏng-nan Sư 'bôh lơ bơngai kiơ̆ Sư na Sư mơnat dêh kơ lu bơngai noh, na Sư pơklaih hloi lu bơngai jĭ jăn.

Mathiơ 15:32

Yêsu krao lu bơngai pơhrăm păng Sư na khan: “Inh mơnat kơ lu bơngai tơpôl âu dêh, oei hơdai bơ̆n pêng năr boih tơmam sa lu sư đĭ pă đei boih. Dah bơ̆n tơwih lu sư brŏk klak hoh Inh hli kơ lu sư rơmơ̆n rok trong.”

Mathiơ 20:33

Bre sư khan: “Ơ 'Bok, nhi wă kơ Ih pơklaih măt nhi gơh 'bôh hơdah.”

Mathiơ 21:1

Lu đe Yêsu wă jê̆ truh tơ Pơlei Jêrusalem boih, truh tơ Pơlei Betphagê 'bơ̆t kông Ôliwơ. 'Bơ̆t ei Yêsu wơh 'bar 'nu bơngai pơhrăm păng Sư khan:

Mathiơ 8:15

Yêsu pel pôm ti, sư klaih hloi kơ bơlŏ, na iung chă awih awăn kơ đe Yêsu.

Mathiơ 9:29

Na Yêsu pel măt bre sư păng khan: “Yua kơ biĕm lui na klaih.”

Mathiơ 9:36

Yêsu 'bôh lu bơngai tơpôl noh Sư mơnat dêh, lu sư oei hli sơ'ngon đon ưh kơ băt pơm thoi yơ, dang lĕ kơ triu ưh kơ đei tơ'ngla wei-lăng.

Markôs 7:33

Yêsu anhăk bơngai klĭk ei đơ̆ng bơngai lơ tơ anih nai. Na Yêsu dan 'bơ̆t đon bơngai klĭk ei hơnglâu ti Sư kơdih păng Sư kơsoh đak hai 'bơ̆t ti Sư kơdih pik tơ hơpiĕt bơngai ei.

Luka 18:43

Đang Yêsu pơma thoi noh măt sư 'bôh hơdah hloi. Sư kiơ̆ hloi Yêsu. Sư pơma ư-ang kơ 'Bok Kei-Dei, lu bơngai tơpôl kư̆m pơma ư-ang kơ 'Bok Kei-Dei mơ̆n.

Luka 22:51

Yêsu khan kơ sư: “Iĕm 'nĕ kơ koh lu sư.” Na Sư pel đon đĭch 'bok soi, na klaih hloi.

Luka 7:13

Lăp Kră Yang Yêsu 'bôh mĕ sư ei, 'brơ̆k mơnat, na Sư khan: “Ih 'nĕ pă hmoi.”

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

I Pet 3:8

Đơ̆ng âu tơ anăp đĭ-đăng kơ bơ̆n athei pơgơ̆p băl minh jơhngơ̆m minh đon, băt 'mêm mơnat dih băl, iŏk jơhngơ̆m đon dim hơlăng băl, 'nĕ pơang băl.