Mathiơ 20:31 - Sơ̆p Hlabơar Nơ̆r 'Bok Kei-Dei

³¹ Lu bơngai tơpôl ei khă bre sư kuă ăn krao dơ̆ng ră, mă-lei bre sư rai krao 'bơ̆r re: “Ơ 'Bok Krist Kon Sâu pơtao Đawit, apinh Ih mơnat kơ nhi 'biơ̆ bĕ.”

Mathiơ 20:31 Iomraidhean Croise

Mathiơ 15:23

Mă-lei Yêsu ưh kơ tơl sư. Na lu bơngai pơhrăm păng Sư khan kơ Sư thoi âu: “Apinh Ih jah tơgŭm sư, na sư jah brŏk, sư kiơ̆ bơ̆n nŏng kơ pơma 'bơ̆r re.”

Mathiơ 19:13

Kơplah ei đe anhăk lu hơ'lơ̆p tơ Yêsu wă kơ Sư pel kơ̆l krao khan kơ 'Bok Kei-Dei apinh Sư wei-lăng lu hơ'lơ̆p, mă-lei lu bơngai pơhrăm păng Sư khă kuă ăn năm tơ Sư.

Mathiơ 20:30

Tơ anăp lu sư đei 'bar 'nu bơngai măt tol oei ngôi 'bơ̆t cheng trong. Lăp bre sư kơtơ̆ng đe khan Yêsu wă yak trong bre sư, na bre sư krao 'bơ̆r re khan: “Ơ Yêsu, ơ 'Bok Krist Kon Sâu pơtao Đawit, apinh Ih mơnat kơ nhi 'biơ̆ bĕ.”

Mathiơ 20:32

Na Yêsu dơ̆ng jet bre sư: “Biĕm wă kơ kiơ?”

Mathiơ 9:27

Yêsu lĕch đơ̆ng noh, kơplah oei rok trong đei 'bar 'nu bơngai măt tol năm kiơ̆ Sư. Na bre sư pơma 'bơ̆r re khan: “Ơ 'Bok Krist Kon Sâu pơtao Đawit, apinh Ih mơnat kơ nhi 'biơ̆ bĕ.”

Luka 18:39

Lu bơngai mă yak hơdrol kơ Yêsu khă sư 'nĕ pă krao, mă-lei sư rai krao 'bơ̆r re: “Ơ Kon Sâu pơtao Đawit, apinh Ih mơnat kơ inh 'biơ̆ bĕ.”

Kôlôsê 4:2

Iĕm athei adrin gah tơdrong krao khan. Kơplah iĕm oei krao khan, iĕm athei tơchĕng kơ tơdrong krao khan đĕch, 'nĕ kơ tơchĕng tơdrong nai. Păng ling-lang athei bơnê kơ 'Bok Kei-Dei.