Mathiơ 20:26 - Sơ̆p Hlabơar Nơ̆r 'Bok Kei-Dei

^26-27 Mă-lei iĕm 'nĕ kơ rok lu 'bok pơgơ̆r noh hŏ. Dah bu lăm lu iĕm 'maih pơm yŏng pơgơ̆r lu iĕm, bơngai noh athei pơm thoi lĕ đĭch đam iĕm.

Mathiơ 20:26 Iomraidhean Croise

Êsêkiên 24:13

Tơdrong 'mê̆-'mach ih pơm pơyô kư̆ kă, Inh wă ôp rơgoh ih, mă-lei ih ưh kơ wă tơdrong 'mê̆-'mach ih ôp rơgoh, lei ih ưh pă gơh ôp rơgoh bơih dĭng layơ tơdrong inh hil ngach 'mơ̆i.

Mathiơ 25:44

Kơplah noh lu sư kư̆m pơma dŏng kơdih khan: ‘Ơ Kră Yang, layơ nhôn 'bôh Ih pơngot, layơ nhôn 'bôh Ih ol kơ đak, dah bơngai tơmoi, dah kơ'bah kơ hơbĕn ao, dah jĭ jăn păng Ih khan đe tah Ih tơ hnam phak mă nhôn ưh kơ năm ngôi păng tơgŭm?’

Mathiơ 27:55

Kư̆m đei lơ lu drŏ-kăn oei tơ anih đe pơlôch Yêsu noh, lu sư lăng đơ̆ng ataih. Lu drŏ-kăn noh đêl kiơ̆ awih awăn kơ Yêsu đơ̆ng dêh Galilê.

Markôs 10:43

Mă-lei iĕm 'nĕ kơ rok lu 'bok pơgơ̆r noh hŏ. Bơngai bu 'maih pơm 'bok tih lăm lu iĕm, bơngai 'noh athei pơm thoi lĕ đĭch đam iĕm.

Markôs 10:45

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Markôs 9:35

Yêsu tơoei păng krao mơjĭt-'bar 'nu bơngai pơhrăm păng Sư. Na Sư khan: “Dah bu wă pơm yŏng pơgơ̆r lu iĕm, bơngai 'noh athei pơm thoi lĕ đĭch đam kơ đĭ-đăng kơ iĕm.”

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Luka 22:26

Mă-lei iĕm 'nĕ kơ pơm rok lu 'bok pơgơ̆r noh hŏ. Bơngai bu 'maih pơm 'bok tih lăm lu iĕm, lei bơngai noh athei pơm iĕ hloh kơ đe. Dah bơngai bu 'maih pơm yŏng pơgơ̆r lăm lu iĕm, bơngai noh athei pơm thoi lĕ đĭch iĕm.

Yo 18:36

Yêsu khan: “Tơdrong Inh pơm Pơtao ưh kơ sĭ thoi lu 'bok pơtao tơ ala teh âu ôh. Dah Inh pơm pơtao thoi lu sư, đei bơngai linh kiơ̆ Inh, tơblah păng lu bơngai Juđê 'noh wă kơ lu sư huay kơ rôp Inh. Tơdrong Inh pơm Pơtao ưh kơ sĭ đơ̆ng kon bơngai ăn kơ Inh pơm ôh.”

Jang 13:5

Bre sư truh tơ Pơlei Salêmin dêh Chiprơ ei boih, bre sư bơtho tơdrong 'Bok Kei-Dei tơ lu hnam akŭm đe Juđê. Yôhan mă đe kư̆m anăn Markôs sư kư̆m năm hơdai păng bre sư wă tơgŭm bre sư mơ̆n.

II Kor 1:24

Mă-lei ưh kơ sĭ nhôn wă pơgŏ pơđep tơdrong lui iĕm ôh. Kơlih kơ nhôn 'bôh iĕm lui kơjăp, na nhôn wă jang hơdai iĕm, wă kơ iĕm chơt.

II Tim 1:18

Inh apinh 'Bok Kei-Dei mơnat kơ Ônêsip lăm năr Sư wă sek tơlang ning-mônh. Ih băt boih Ônêsip tơgŭm inh lơ tơpă kơplah tơ Pơlei Êphêsô sơ̆.

Phil 1:13

Inh oei lăm hnam phak kơlih inh bơtho tơdrong 'nao 'lơ̆ng Yêsu. Inh wă ră kơ Ônêsim oei păng inh khŏm khŏm tơdŏng tơdrong jang inh, sư jang tang ih kư̆m dang ih jang mơ̆n.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.

I Pet 5:3

Mă-lei iĕm 'nĕ kơ pơgŏ pơđep lu sư, mă khan 'Bok Kei-Dei pơjao lu sư kơ iĕm. Iĕm athei pơm mă 'lơ̆ng dang pơm trong kơ lu sư wă kơ lu sư gơh kiơ̆ iĕm.

Tơdrông Tơ'bôh 17:6

Păng inh 'bôh sư suai kơ pham lu bơngai lui, lu bơngai năm ră roi tơdrong Kră Yang Yêsu. Inh 'bôh bơngai drŏ-kăn noh inh sơleng kơ đon, ưh kơ hlôh tơdrong kiơ.