Mathiơ 20:22 - Sơ̆p Hlabơar Nơ̆r 'Bok Kei-Dei

²² Yêsu khan kơ bre kon sư: “Lơliơ biĕm ưh kơ pơwao tơdrong biĕm wă noh? Biĕm hăm kĕ iŏk tơdrong anat thoi Inh iŏk?” Bre sư khan: “Nhi kĕ iŏk.”

Mathiơ 20:22 Iomraidhean Croise

Horiso 75:3

Mă khan teh păng kon pơlei oei kơpal teh pơpơ̆, Inh boih pơkơ̆ng jrăng sư kơjăp. Sêla

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

Êsai 51:17

Hơđơ̆r bĕ, hơđơ̆r bĕ! Ơ Jêrusalem iung dơ̆ng bĕ! Iĕm bơngai huch kơchŏk tơdrong hil mĭl đơ̆ng Kră Yang. Ih huch dĭng mah hrơ̆ đơ̆ng kơchŏk. Kơchŏk mă pơm kơ iĕm pơ̆k iung.

Êsai 51:22

Kră Yang 'Bok Kei-Dei mă dŏng kon pơlei Sư khan: “'Nâu Inh gô iŏk pơdrâu kơchŏk 'noh đơ̆ng lăm ti iĕm kơchŏk mă pơm kơ iĕm pơ̆k iung. Iĕm gô ưh pă đei huch dơ̆ng ôh kơchŏk mă Inh hil mĭl.

Je 49:12

Kră Yang khan: Tơdah lu bơngai mă ưh kơ trŏ huch pơnhan 'nâu, athei huch; lei liơ ih hăm gơh klaih đơ̆ng phak ưh? Ih ưh kơ gơh klaih ôh đơ̆ng tơdrong phak. Sĭt tơpă ih gô huch pơnhan 'nâu.”

Mathiơ 26:35

Mă-lei Pêtrôs khan: “Mă đe wă pơlôch inh hơdai păng Ih, inh kư̆m kuă kơ sơngah ôh.” Đĭ-đăng lu bôl sư kư̆m khan lei-lăi thoi noh mơ̆n.

Mathiơ 26:39

Yêsu năm ataih 'biơ̆ đơ̆ng lu pêng 'nu noh na Sư 'nap kŭp kơ̆l krao khan kơ 'Bă Sư thoi âu: “Ơ 'Bă, dah gơh, ăn kơ Inh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Mathiơ 26:42

Yêsu năm krao khan mă 'bar Sư khan thoi âu: “Ơ 'Bă, dah Ih wă kơ Inh chu iŏk tơdrong gleh âu tơpă, kư̆m bưh, gô mơ̆ng kơ Ih wă.”

Mathiơ 26:56

Mă-lei dôm tơdrong noh 'Bok Kei-Dei ăn wă kơ 'blep kơ tơdrong lu bơngai pơtruh nơ̆r Sư chih roi lê̆ hơdrol tơ sơ̆p hla bơar Sư sơ̆.” Đang Sư pơma thoi noh bru đĭ-đăng lu bơngai pơhrăm păng Sư achăng lê̆ Sư kơdâu jăk tơ nai.

Markôs 14:36

Sư khan: “Aba, ơ 'Bă, Ih gơh pơm tôm tơdrong. Apinh Ih ăn kơ Inh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Luka 12:50

Inh gô đei tơdrong lôch pơmat, na jơhngơ̆m Inh ưh kơ hiôk tơ̆p hloh kơ năr Inh 'nei 'mơ̆i na Inh hiôk.

Luka 22:42

Sư khan: “Ơ 'Bă, dah gơh, lei ăn kơ Inh gơh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Yo 18:11

Na Yêsu khan kơ Pêtrôs: “Tah lê̆ dao ih tơ anglop bĕ. 'Bă Inh ăn tơdrong anat anot âu truh kơ Inh, trŏ kơ Inh iŏk boih.”

Rom 8:26

Bơ̆n kơdih ưh kơ gơh, mă-lei đei Yang Bơhngol 'Lơ̆ng tơgŭm bơ̆n. Bơ̆n ưh kơ băt wă krao khan kơ 'Bok Kei-Dei thoi yơ, mă-lei Yang Bơhngol 'Lơ̆ng Sư tơgŭm bơ̆n gơh krao khan hăm đĭ jơhngơ̆m.

Ya 4:3

Phŏ iĕm kư̆m krao khan apinh ră, mă iĕm apinh ưh kơ trŏ kơ tơdrong Sư wă, na Sư ưh kơ ăn. Iĕm apinh tơdrong wă yua kơ akâu iĕm kơdih đĕch.