Mathiơ 20:21 - Sơ̆p Hlabơar Nơ̆r 'Bok Kei-Dei

²¹ Yêsu jet sư: “Ih wă kơ kiơ?” Akăn Sêbêđê khan: “Inh wă kơ Ih ăn kơ 'bar 'nu kon inh âu oei minh 'nu gah 'ma, minh 'nu gah 'ngiĕo, kơplah Ih pơm pơtao nhôn ning-mônh.”

Mathiơ 20:21 Iomraidhean Croise

I Pot 2:19

Yă Batsêba năm tơ'bơ̆p pơtao Sôlômôn wă roi ăn kơ sư tơdrong Adonija wă noh, na pơtao Sôlômôn iung năm sơng păng kŭp kơ̆l kơkuh kơ mĕ sư, đơ̆ng noh sư hơ-oei tơ tang-dŏ pơtao sư păng athei đe iŏk ăn kơ mĕ sư tang-dŏ wă kơ hơ-oei, na mĕ sư hơ-oei gah 'ma kơ sư.

I Pot 3:5

Tơ pơlei Gibeôn Kră Yang tơ'bôh akâu sư kơ Sôlômôn lăm tơdrong apo kiơ̆ kơmăng Kră Yang 'Bok Kei-Dei khan: “Apinh bĕ tơdrong kiơ ih wă kơ Inh ăn kơ ih.”

Esther 5:3

Pơtao pơma apinh. Ơ yă pơtao Esther ih wă apinh inh tơdrong kiơ? Ih wă kơ inh ăn kơ ih kiơ? Mă ih apinh minh puăt teh đak inh kư̆m ăn kơ ih.

Horiso 110:1

Kră Yang khan kơ yŏng inh thoi âu: “Oei gah 'ma kơ Inh bĕ! Dĭng truh tơ Inh dan lu ayăt kơ ih tơ ala kơnơl jơ̆ng ih.”

Horiso 45:9

Lăm lu drŏ-kăn mă pơtao gĭt noh đei lu bia, Akăn pơtao oei gah 'ma kơ Ih, Pơguăng păng maih Ôphir.f

Je 45:5

Lei na, ih oei chă tơdrong plơ̆ng dah kiơ? 'Nĕ kơ chơchă, âu Inh gô ăn tơdrong răm truh kơ đĭ kon bơngai; mă-lei ih, Inh gô ăn kơ ih arih, tơ rim anih ayơ mă ih năm, Kră Yang khan thoi noh.’

Mathiơ 18:1

Hơtai noh lu bơngai pơhrăm păng Sư năm jet Sư khan: “Dôm lu bơngai 'Bok Kei-Dei pơgơ̆r bu pơm tih 'biơ̆?”

Mathiơ 19:28

Yêsu khan: “Inh khan kơ iĕm tơpă, ning-mônh lăp 'Bok Kei-Dei pơjing plĕnh teh 'nao dơ̆ng, Inh Kon Bơngai gô oei kơpal tang-dŏ pơtao 'lơ̆ng rŏ tơpă, na lu iĕm mơjĭt-'bar 'nu kiơ̆ Inh âu, lu iĕm kư̆m gô oei kơpal tang-dŏ pơtao mơ̆n, gô sek tơlang mơjĭt-'bar khŭl bơngai Isơrael.

Mathiơ 20:22

Yêsu khan kơ bre kon sư: “Lơliơ biĕm ưh kơ pơwao tơdrong biĕm wă noh? Biĕm hăm kĕ iŏk tơdrong anat thoi Inh iŏk?” Bre sư khan: “Nhi kĕ iŏk.”

Mathiơ 20:32

Na Yêsu dơ̆ng jet bre sư: “Biĕm wă kơ kiơ?”

Markôs 10:51

Yêsu khan kơ sư: “Ih wă kơ Inh pơm kiơ?” Bơngai măt tol ei khan: “Ơ 'Bok Thây, inh wă kơ Ih pơklaih măt inh gơh 'bôh hơdah.”

Markôs 16:19

Đang kơ Kră Yang Yêsu khan kơ lu bơngai pơhrăm păng Sư thoi noh boih, na 'Bok Kei-Dei atŏk Sư tơ plĕnh oei gah 'ma kơ 'Bă Sư 'Bok Kei-Dei.

Markôs 6:22

Na kon adruh duch Hêrôđia mơ̆t suang lăm hnam ei, pơtao Hêrôt păng lu 'bok mă năm hơpong kơ sư ei lăp đon tơpă. Na pơtao Hêrôt mah khan kơ adruh ei: “Apinh bĕ, ih wă kơ kiơ, inh kư̆m ăn.”

Luka 18:41

“Ih wă kơ Inh pơm kiơ?” Na bơngai măt tol ei khan: “Ơ 'Bok, inh wă kơ Ih pơklaih măt inh gơh 'bôh hơdah.”

Luka 19:11

Đang tơdrong noh na Yêsu pơma pơtih gia dơ̆ng kơ lu bơngai mă mơ̆ng Sư kiơ̆ ei. Sư oei tơ Pơlei Jêrikô wă jê̆ truh tơ Pơlei Jêrusalem boih. Lu bơngai ei ngêh kơ 'Bok Kei-Dei wă ăn Yêsu pơm 'bok Pơtao pơgơ̆r tơ ala teh âu kơplah noh hloi.

Luka 22:24

Lu bơngai pơhrăm păng Yêsu pơjah pơjăng dih băl kơ tơdrong lăm lu sư bu tih hloh kơ tơduă sư.

Yo 15:7

“Dah iĕm oei lăm Inh, lei dôm nơ̆r Inh bơtho oei lăm iĕm păng dah iĕm apinh Inh tơdrong kiơ Inh gô ăn kơ iĕm tơdrong 'noh mơ̆n păng sĭt gô đei tơpă.

Jang 1:6

Na dôm lu sư âu oei akŭm dih băl jet Yêsu thoi âu: “Ơ Kră Yang, hăm trŏ dang ei Ih wă ăn dêh Isơrael rơngei dơ̆ng?”

Rom 12:10

Bơ̆n 'mêm kơ bôl, athei dang bơ̆n 'mêm kơ 'nhŏng oh bơ̆n kơdih. Bơ̆n 'nĕ bơnê kơ akâu bơ̆n kơdih, bơ̆n ling-lang athei bơnê kơ đe, pơm hiôk kơ jơhngơ̆m đe.

Rom 8:34

Lăm lu bơ̆n hăm đei đe jô̆ khan bơngai 'Bok Kei-Dei wă phak? Kră Yang Yêsu Krist ưh kơ đei jô̆ thoi noh ôh, na mă Sư gơh lôch tang bơ̆n. Mă-lei Sư iung arih boih, Sư tŏk oei gah 'ma kơ 'Bok Kei-Dei, Sư apinh 'Bok Kei-Dei tơgŭm bơ̆n ling-lang.

Kôlôsê 3:1

'Bok Kei-Dei dang tơiung arih iĕm hơdai hăm Yêsu Krist boih, na iĕm athei adrin chă dôm tơdrong tơ kơpal plĕnh ti, anih mă Yêsu oei pơgơ̆r gah 'ma kơ 'Bă Sư 'Bok Kei-Dei.