Mathiơ 20:13 - Sơ̆p Hlabơar Nơ̆r 'Bok Kei-Dei

¹³ Na 'bok tơ'ngla mir ei khan kơ minh 'nu lăm lu sư: ‘Ơ ma, inh ưh kơ pơma hơlĕnh kơ ih ôh, inh apah lu iĕm minh hlak jên noh, kiơ̆ kơ nơ̆r ba pơma băl pơgê hei. Jên âu ưh kơ đei jên bu ôh jên inh kơdih.

Mathiơ 20:13 Iomraidhean Croise

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

Jop 35:2

Ih tơchĕng ih pơma trŏ hă? Ih khan: “Inh ưh kơ pơm yoch 'bơ̆t anăp Kră Yang 'Bok Kei-Dei.”

Jop 40:8

Ih hăm pơ̆n sơngah hŭt lê̆ tơdrong Inh sek tơlang? Khan jô̆ Inh yoch wă pôk kơdih ih khan tơpăt hă?

Mathiơ 20:14

Iŏk jên noh brŏk kơ ih bĕ, inh apah lu bơngai jang đơ̆ng rŏng ih dôm ăi kơ ih kư̆m bưh.

Mathiơ 20:2

Sư chă đei boih na sư pơma tơdrong jên kơ lu bơngai wă jang kơ sư, minh năr minh hlak jên so sơ̆. Đơ̆ng noh na lu đe ei năm jang tơ mir hơmu sư.

Mathiơ 22:12

'Bok pơtao khan kơ bơngai ei: ‘Ơ ma, lơliơ ih mơ̆t tơ lăm anih âu mă ưh kơ hrŭk tơplih hơbĕn ao tơdrong juăt pơkong?’ Mă-lei bơngai ei ưh kơ pơ̆n drơ̆ng sư thoi yơ.

Mathiơ 26:50

Yêsu khan: “Ơ buăl, pơm bĕ tơdrong ih wă pơm.” Na lu sư tơkan rôp kơjăp Yêsu hloi.

Rom 9:20

Inh khan kơ iĕm tơpă, tơdrong noh tơdrong jang 'Bok Kei-Dei, bơ̆n ưh kơ gơh pơma tơwih kơ Sư ôh. Pơtih gia bơngai man gŏ ge, sư kư̆ kơ man gô mơ̆ng kơ sư wă. Lu gŏ ge mă sư man ưh kơ trŏ kơ pơma tơwih kơ sư khan: “Man kiơ kơ inh kơnê̆ thoi âu?”