Mathiơ 20:1 - Sơ̆p Hlabơar Nơ̆r 'Bok Kei-Dei

¹ “Pơtih gia 'Bok Kei-Dei wă pơgơ̆r bơ̆n thoi âu: Thoi minh 'nu tơ'ngla mir đơ̆ng pơgê hrôih chă bơngai jang tơ mir hơmu sư.

Mathiơ 20:1 Iomraidhean Croise

Mathiơ 13:24

Yêsu pơma pơtih gia dơ̆ng kơ đe tơdrong 'Bok Kei-Dei wă pơgơ̆r bơ̆n thoi âu: “Đei minh 'nu bơngai năm rei adrĕch 'ba 'lơ̆ng tơ mir sư.

Mathiơ 13:31

Yêsu pơma pơtih gia dơ̆ng kơ lu bơngai tơpôl noh thoi âu: “Lu bơngai 'Bok Kei-Dei pơgơ̆r, lu sư thoi lĕ kơ găr sơ'bei, găr noh iĕ hloh kơ đĭ-đăng găr nai.

Mathiơ 13:33

Yêsu oei bơtho pơtih gia kơ lu sư dơ̆ng: “Tơdrong 'Bok Kei-Dei pơgơ̆r kon bơngai thoi lĕ kơ 'buih pông. Minh 'nu drŏ-kăn iŏk 'buih pông tŏ sĕt bơlŭ păng tơpŭng mi minh kơthŭng na tơpŭng noh kư̆m pông pơđĭ kơ minh kơthŭng noh mơ̆n.”

Mathiơ 13:47

“'Bok Kei-Dei pơgơ̆r bơ̆n thoi âu: Pơtih gia thoi lu bơngai juăt kơ traih jal tơ đak dơsĭ sư đei ka lơ, ka đe gĭt, ka đe ưh,

Mathiơ 20:2

Sư chă đei boih na sư pơma tơdrong jên kơ lu bơngai wă jang kơ sư, minh năr minh hlak jên so sơ̆. Đơ̆ng noh na lu đe ei năm jang tơ mir hơmu sư.

Mathiơ 21:28

Yêsu khan dơ̆ng kơ lu sư: “Minh 'nu bơngai đei 'bar 'nu kon. Sư wơh kon kơdră sư năm jang: ‘Ơ dăm, năr âu e năm jang tơ mir hơmu bơ̆n ho.’

Mathiơ 22:2

“'Bok Kei-Dei pơgơ̆r kon bơngai thoi âu: Minh 'nu 'bok pơtao hơmet tơmam sa pơkong kơ kon sư iŏk akăn.

Mathiơ 23:37

“Ơ lu bơngai Pơlei Jêrusalem, iĕm pơlôch kơ kiơ lu bơngai 'Bok Kei-Dei wơh pơtruh nơ̆r Sư kơ iĕm, iĕm iŏk tơmo klơ̆m pơlôch lu sư? Inh lung iĕm năm akŭm tơ Inh lơ wơ̆t boih ră, dang iĕr krao kon sư wă krôp ră, mă-lei iĕm kuă kơ năm.

Mathiơ 25:1

“Kơplah năr ei kơnh lu bơngai mă khan 'Bok Kei-Dei pơgơ̆r lu sư ră, mă-lei lu sư thoi lĕ kơ mơjĭt 'nu adruh âu, rim 'nu kơ lu sư chĕp ŭnh kơđeng ngăl wă năm ngôi hơpong kơ bơngai 'nao iŏk akăn. Lu sư chang gô bơngai mă 'nao iŏk akăn ei wă truh.

Mathiơ 25:14

“Lu bơngai mă khan 'Bok Kei-Dei pơgơ̆r sư năr ei kơnh, lu sư thoi bơngai jang kơ yŏng sư, yŏng sư wă năm tơ dêh tơmoi ataih, na sư pơjao ăn kơ lu bơngai jang kơ sư wei-lăng mŭk tơmam sư.

Mathiơ 3:2

Sư bơtho đe thoi âu: “Iĕm athei tơbral kơdih tơdrong yoch, yua kơ 'Bok Kei-Dei wă pơgơ̆r iĕm boih.”

Markôs 13:34

Tơdrong ei thoi lĕ kơ minh 'nu bơngai wă năm tơ dêh tơmoi ataih. Hơdrol kơ sư wă yak đơ̆ng hnam, sư pơkă kơ lu đĭch đam sư wei-lăng hnam păng rim 'nu lu sư jang kiơ̆ kơ tơ'ngla sư pơkă păng khan kơ bơngai gak 'măng athei kơchăng.

Yo 15:1

Yêsu bơtho dơ̆ng thoi âu: “Inh âu boih thoi lĕ tơm 'long hơmu, na 'Bă Inh thoi lĕ bơngai pơtăm.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

Hêbrơ 13:21

Na inh apinh 'Bok Kei-Dei oei păng iĕm, ăn kơ iĕm tôm tơdrong hiôk chơt, wă kơ iĕm gơh jang trŏ thoi Sư wă, Sư ăn kơ Yêsu Krist jang lăm jơhngơ̆m đon lu bơ̆n tôm tơdrong thoi Sư lăp đon, trŏ kơ bơ̆n ư-ang Sư ling-lang ưh kơ layơ tôch. A-men.