Mathiơ 2:13 - Sơ̆p Hlabơar Nơ̆r 'Bok Kei-Dei

¹³ Hlôi đe noh wih boih, Yôsep tep kơmăng apo 'bôh linh jang 'lơ̆ng đơ̆ng 'Bok Kei-Dei khan kơ sư thoi âu: “Jah iung, pŭ nge Yêsu hăm anhăk ba mĕ Sư jăk oei tơ dêh Êyiptơ. Iĕm oei hloi tơ noh tơ̆p inh athei iĕm wih tơ âu na iĕm wih, yua kơ dang ei Hêrôt wă chă nge Yêsu wă pơlôch.”

Mathiơ 2:13 Iomraidhean Croise

I Pot 11:17

Mă-lei, Hađat hơdai hăm lu bơngai Eđôm đĭch đam 'bă sư kơdâu klĕnh tơ char Êyiptơ kơplah 'noh Hađat oei 'lơ̆p.

I Pot 3:5

Tơ pơlei Gibeôn Kră Yang tơ'bôh akâu sư kơ Sôlômôn lăm tơdrong apo kiơ̆ kơmăng Kră Yang 'Bok Kei-Dei khan: “Apinh bĕ tơdrong kiơ ih wă kơ Inh ăn kơ ih.”

Jop 33:15

Lăm tơdrong apo, lăm tơdrong tơ'bôh tơ kơmăng. Kơplah kon bơngai oei tep hlơ̆k, 'Bĭch tep tơ kơpal giơng sư,

Jop 33:17

Wă kơ kon bơngai weh đơ̆ng tơdrong pơm kơnê̆, păng hŭt lê̆ jơhngơ̆m juăt pơang.

Le 1:22

Pharaôn khan tơtă kơ đĭ-đăng kon pơlei sư kơdih thoi âu: Mưh iĕm 'bôh lu bơngai Hêbrơ 'nao tơpŭ kon drŏ-nglo iĕm klơ̆m lê̆ tơ đak krong Nil; kon drŏ-kăn iĕm rong sư arih.

Mathiơ 1:20

Kơplah sư oei tơchĕng tơdrong 'noh, na măng noh sư apo 'bôh linh jang 'lơ̆ng 'Bok Kei-Dei jur khan kơ sư thoi âu: “Ơ Yôsep, kon sâu Đawit, ih 'nĕ kơ hli iŏk Mari pơm akăn ih, mă sư oei anăp dang ei noh đơ̆ng Yang Bơhngol 'Lơ̆ng ăn kơ sư.

Mathiơ 10:23

Dah đe pơm kơnê̆ kơ iĕm tơ pơlei âu, iĕm kơdâu bơtho pơlei nai dơ̆ng. Inh khan kơ iĕm tơpă, kơplah iĕm oei chă bơtho đe tam mă jơ̆p kơ dêh Isơrael, Inh Kon Bơngai jur boih.

Mathiơ 2:12

Lu 'bok pơjâu hnhoi sơnglŏng ei tep kơmăng apo 'bôh 'Bok Kei-Dei khan kơ lu sư khă kuă ăn wih tơ pơtao Hêrôt. Na lu sư iung wih trong nai, wih tơ pơlei lu sư kơdih.

Mathiơ 2:14

Yôsep iung đơ̆ng tep thar hơmet tơmam hloi anhăk ba nge Yêsu hăm mĕ Sư măng noh hloi na jăk oei tơ dêh Êyiptơ.

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Mathiơ 2:22

Lăp Yôsep kơtơ̆ng đe khan Kêlôih kon pơtao Hêrôt wă iung pơm pơtao păl 'bă sư oei tơ dêh Juđê dơ̆ng, na Yôsep hli kơ oei tơ dêh noh. Sư đei apo 'bôh linh jang 'lơ̆ng khan kơ sư kuă ăn oei tơ noh, athei năm oei tơ dêh Galilê.

Jang 10:22

Lu sư khan: “'Bok Kôrnei sư yŏng linh, sư athei nhôn năm tơ ih tơ âu. Sư bơngai tơpăt, lui kơ 'Bok Kei-Dei mơ̆n. Đĭ-đăng lu bơngai Juđê kư̆m khan sư 'lơ̆ng. Linh jang 'lơ̆ng đơ̆ng 'Bok Kei-Dei athei sư krao ih năm tơ hnam sư wă kơ sư gơh kơtơ̆ng nơ̆r ih bơtho.”

Jang 10:7

Đơ̆ng rŏng kơ linh jang 'lơ̆ng brŏk, 'bok Kôrnei krao 'bar 'nu bơngai jang kơ sư păng minh 'nu linh juăt awih awăn păng sư. Linh ei kư̆m lui kơ 'Bok Kei-Dei mơ̆n.

Jang 12:11

“Ơ tơpă boih, inh băt kơ 'Bok Kei-Dei wơh linh jang 'lơ̆ng Sư jur tơdŏng inh đơ̆ng 'bok pơtao Hêrôt păng lu bơngai Juđê wă pơlôch inh.”

Jang 12:7

Mă-lei lăm hnam ei đei hloi ŭnh hơdah, linh jang 'lơ̆ng 'Bok Kei-Dei năm wă tơlĕch Pêtrôs. Linh jang 'lơ̆ng 'Bok Kei-Dei pel 'bơ̆t sơngiĕng păng râu Pêtrôs, khan hloi: “Iung mă kuăng wăi.” Na tơlei glang đêl đe chô̆ ti Pêtrôs ei tơyaih hloi.

Jang 16:36

Kră wei-lăng hnam phak ei pơtruh kơ Pôl khan: “Lu kră pơlei khan kơ inh, athei inh pơtruh kơ biĕm nơ̆r lu sư khan ưh pă wă phak biĕm boih. Na dang ei ăn biĕm lĕch đơ̆ng hnam phak boih, năm kơ biĕm mă 'lơ̆ng bĕ.”

Jang 5:19

Mă-lei đei linh jang 'lơ̆ng đơ̆ng Kră Yang 'Bok Kei-Dei năm pơih ăn kơ lu sư 'măng kơmăng tơlĕch lu sư păng khan:

Jang 7:19

'Bok pơtao ei pơm kơnê̆ kơ lu 'bok kơdră bơ̆n sơ̆ păng sư pơgŏ lu sư athei hŭt pơơ̆t đĭ kon nge lu sư wă kơ lu kon nge jah lôch.

Jôsuê 3:13

Păng mưh lu 'bok soi tung Hom tơdrong pơgơ̆p Kră Yang, Sư Kră Yang pơgơ̆r plĕnh teh, lăp lu sư 'nao jur tong jơ̆ng tơ lăm đak Krong Jôrđăn, đak kơtĕch tơklah păng akŭm jing minh 'bôt.”

Jôsuê 3:17

lu 'bok soi tung Hom Pơgơ̆p Kră Yang lu sư đơ̆ng kơjăp 'bơ̆t trong teh hrĕng lăm đak Krong Jôrđăn, kơplah lu kon pơlei Isơrael kư̆m yak năm rok teh hrĕng, gô dĭng truh đĭ kon pơlei yak hlôi boih kơ đak Krong Jôrđăn.

Jôsuê 4:10

Lu 'bok soi tung Hom Pơgơ̆p dơ̆ng tŏk-bŏk đak Krong Jôrđăn dĭng truh keh tôm tơdrong mă Kră Yang đei athei Jôsuê khan ăn kơ kon pơlei, kiơ̆ thoi Môis đei pơkă kơ Jôsuê, kon pơlei yak hăt hot hlôi kơ đak krong.

Jôsuê 4:18

Lu 'bok soi tung Hom Pơgơ̆p Kră Yang tŏk hlôi kơ đak krong jơ̆ng lu sư hiŏng 'nao wă juă tơ kông anih hrĕng, na đak krong Jôrđăn 'blip tơ'bưh dang đêl, ro 'bĕnh thoi so.

Tơdrông Tơ'bôh 12:14

Mă-lei 'Bok Kei-Dei ăn kơ bơngai drŏ-kăn ei minh blah ao pơnăr klang tih, wă kơ sư gơh păr jăk tơ anih kueng chơngue, tơ anih mă 'Bok Kei-Dei gô hiĕm 'me sư kơplah pêng sơnăm minh puăt. Na yă-grai ei sư tôch đon ưh kơ gơh pơm kiơ kơ sư.

Tơdrông Tơ'bôh 12:4

Kiĕng sư hor ba lu sơnglŏng đơ̆ng plĕnh huŏng tơ teh minh pah lăm pêng. Klaih kơ noh na sư năm 'bơ̆t anăp bơngai drŏ-kăn mă jĭ anăp wă tơpŭ noh, sư răp gô bơngai noh tơpŭ wă luŏn sa kon nge sư.

Tơdrông Tơ'bôh 12:6

Na bơngai drŏ-kăn ei kơdâu ôn hloi akâu sư tơ anih kueng chơngue, tơ anih mă 'Bok Kei-Dei hơmet lê̆ kơ sư boih. 'Bok Kei-Dei hiĕm 'me sư tơ noh kơplah minh-rơbâu 'bar-hrĕng tơdrâu-jĭt năr.