Mathiơ 19:22 - Sơ̆p Hlabơar Nơ̆r 'Bok Kei-Dei

²² Lăp bơngai tơdăm ei kơtơ̆ng thoi noh sư sơ'ngon dêh yua kơ sư mơdrŏng tơpă. Đơ̆ng noh na sư brŏk hloi.

Mathiơ 19:22 Iomraidhean Croise

Horiso 17:14

Ơ Kră Yang, yua ti Ih dŏng pơklaih inh đơ̆ng lu kon bơngai. Lu bơngai arih lăm teh đak đĕch. Lu bơngai mă Ih pơm ăn kơ klak lu sư 'bĕnh hăm mŭk gĭt Ih;d Lu sư hiôk yua kơ kon lu sư, kư̆m đei 'măn lê̆ tơmam rơkah kơ kon sâu se sư.

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Mathiơ 13:22

Lu mơ'nah thoi lĕ kơ găr 'ba huŏng 'bơ̆t 'nhĕt jơla. Lu sư kơtơ̆ng đe bơtho tơdrong 'Bok Kei-Dei ră mă-lei lu sư wă tơchĕng tơdrong arih sư kăl hloh, sư wă kơ mơdrŏng; thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Mathiơ 14:9

Lăp pơtao Hêrôt kơtơ̆ng thoi noh sư sơ'ngon dêh. Mă-lei đêl nơ̆r sư pơkă hơdrol mah hiap akâu sư kơdih 'bơ̆t anăp lu bơngai et sa, na sư ưh kơ gơh lê̆ ôh, sư hơloh athei lu linh sư năm chơ̆ng kơ̆l Yôhan tơ hnam phak na ăn kơ adruh noh.

Mathiơ 16:26

Mă bu mơdrŏng đei tôm mŭk tơmam tơ teh âu, dah sư ưh kơ arih ling-lang, lei truh sư lôch ưh pă đei yua kiơ boih. Mă sư mơdrŏng kư̆m ưh kơ gơh răt tơdrong arih sư ôh.

Mathiơ 19:21

Yêsu khan kơ sư: “Dah ih wă kiơ̆ tôm tơdrong 'Bok Kei-Dei pơkă lei ih athei tĕch đĭ mŭk tơmam ih chă asong kơ lu bơngai dơnuh hin, na kiơ̆ hloi Inh. Thoi noh na ih gô đei mŭk tơmam tơ kơpal plĕnh ti ning-mônh.”

Mathiơ 19:23

Na Yêsu khan kơ lu bơngai pơhrăm păng Sư: “Inh khan kơ iĕm tơpă, lu bơngai mơdrŏng wă mơ̆t tơ dêh char 'Bok Kei-Dei pơgơ̆r anat dêh.

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Markôs 10:22

Yêsu pơma thoi noh, na 'bok mơdrŏng ei sơ'nhoi. Sư sơ'ngon dêh kơlih kơ sư đei mŭk tơmam lơ tơpă, na sư brŏk hloi.

Markôs 6:26

Lăp pơtao Hêrôt kơtơ̆ng thoi noh sư sơ'ngon dêh. Mă-lei đêl nơ̆r sư pơkă hơdrol mah hiap akâu sư kơdih 'bơ̆t anăp lu bơngai et sa, sư ưh pă gơh lê̆ yua kơ sư pơkă kơ adruh ei boih.

Luka 18:23

'Bok noh kơtơ̆ng Yêsu pơma thoi noh na sư sơ'ngon dêh, yua kơ sư mơdrŏng tơpă.

Yo 16:20

Inh khan kơ iĕm tơpă wă kơ iĕm băt: Pă 'biơ̆ lu iĕm nhơ̆m hmoi ơh ol. Mă-lei lu bơngai ala teh âu 'nă hal. Pă 'biơ̆ mơ̆n jơhngơ̆m iĕm gô sơ'ngon, klaih kơ noh iĕm gô chhơp dơ̆ng.

Êphêsô 5:5

Dôm lu bơngai đi, lu bơngai pơm pơyô kư̆ kă, lu bơngai hưch hanh lơ tơdrong, bơ̆n băt boih lu bơngai oei pơm thoi noh ưh kơ gơh oei hơdai Yêsu Krist hăm 'Bok Kei-Dei kơplah Sư pơgơ̆r pơm Pơtao ning-mônh ôh. Lu bơngai thoi noh lu sư dang bơngai kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

Kôlôsê 3:5

Kơlih kơ thoi noh bơ̆n athei lê̆ đĭ dôm tơdrong yoch thoi kơ pơm pơyô kư̆ kă, pơm tơdrong kơnê̆ 'mê̆-'mach, hưch hanh kơ tơmam âu tơmam to, hưch hanh lơ tơdrong. Lu bơngai thoi noh mă sư khan sư lui kơ 'Bok Kei-Dei, dang sư kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.