Mathiơ 18:31 - Sơ̆p Hlabơar Nơ̆r 'Bok Kei-Dei

³¹ Lu bôl buăl nai 'bôh sư pơm kơ bôl sư thoi noh, lu sư sơ'ngon dêh păng năm roi hloi kơ 'bok pơtao dôm tơdrong sư pơm kơ bôl sư noh.

Mathiơ 18:31 Iomraidhean Croise

Bl 37:2

'Nâu roi tơdrong adrĕch adrung Jakôp. Jôsep sư mơjĭt-tơpơh sơnăm, sư wei triu hơdai hăm lu đe 'nhŏng oh sư, sư pơm buăl juăt hăm lu kon Bila hăm kon Yilpa, 'bar 'nu akăn kơnhŏng 'bă sư. Jôsep sư roi kơ 'bă sư tơdrong lu đe noh pơm kơnê̆.

Horiso 119:136

Đak măt inh lĕch ro nhen thoi đak glung. Yua kơ đe kuă kơ wei răk khôi juăt Ih.

Horiso 119:158

Inh 'bôh lu bơngai hơlĕnh pơdăr, lăng krưp areh dêh kơ lu sư; Yua kơ lu sư ưh kơ wei răk nơ̆r Ih.

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Mathiơ 14:9

Lăp pơtao Hêrôt kơtơ̆ng thoi noh sư sơ'ngon dêh. Mă-lei đêl nơ̆r sư pơkă hơdrol mah hiap akâu sư kơdih 'bơ̆t anăp lu bơngai et sa, na sư ưh kơ gơh lê̆ ôh, sư hơloh athei lu linh sư năm chơ̆ng kơ̆l Yôhan tơ hnam phak na ăn kơ adruh noh.

Mathiơ 18:28

Bơngai mă hre kơ 'bok pơtao noh brŏk tơ hnam, sư tơ'bơ̆p minh 'nu bôl sư kư̆m jang kơ 'bok pơtao. Bôl sư hre kơ sư lăp minh hlak jên hu đĕch, mă-lei sư pơplŏng rôp ket ako bôl sư păng khan: ‘Duh tôm bĕ na inh achăng.’

Mathiơ 18:30

Mă-lei bơngai mă đêl hre kơ 'bok pơtao noh ưh kơ băt mơnat kơ bôl sư, sư tah bôl sư lăm hnam phak tơ̆p mă bôl sư duh tôm na tơlĕch.

Mathiơ 18:32

'Bok pơtao kơtơ̆ng thoi noh krao sư păng khan: ‘Ơ bơngai jang kơ inh, ih pơm kơnê̆ dêh. Inh tŭk đĭ dôm jên ih hre kơ inh noh boih yua kơ ih apinh inh athei mơnat kơ ih,

Markôs 3:5

Na Yêsu hue lăng đĭ-đăng kơ lu sư, Sư hil kơ lu sư. Sư sơ'ngon yua kơ lu sư arăng kơ̆l. Na Sư khan kơ bơngai ti kue: “Chro ti ih bĕ.” Bơngai ti kue ei chro ti sư, na klaih 'lơ̆ng hloi.

Luka 14:21

“Đam 'nei brŏk brăi tơ hnam na sư roi kơ tơ'ngla sư dôm tơdrong 'nei. Na tơ'ngla sư kơtơ̆ng thoi ei, sư 'blut tơpă, na sư khan hloi kơ đam sư: ‘Ih dah chă năm rim kơ trong jơ̆p lăm pơlei âu chă krao wơ̆n lu bơngai dơnuh hin, lu bơngai jơ̆ng jo go kơdŭ, lu bơngai măt tol, tĕnh.’

Luka 19:41

Yêsu năm wă jê̆ truh tơ Pơlei Jêrusalem. Lăp Sư tơmang 'bôh Pơlei Jêrusalem Sư nhơ̆m hmoi mơnat kơ Pơlei Jêrusalem.

Rom 12:15

Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

II Kor 11:21

Lu sư jô̆ kơ inh khan bơngai rơdu, trŏ boih yua kơ inh ưh kơ pơ̆n pơm thoi noh ôh. Na dang ei inh chă pơma kơ iĕm kư̆ kă thoi bơngai kơhlôh kơbăt na đe pơang akâu thoi yơ, inh kư̆m pơang thoi noh mơ̆n.

Hêbrơ 13:17

Iĕm athei yom kơ bơngai mă pơgơ̆r iĕm, yua kơ sư adrin wei-lăng tơdrong lui iĕm, dang lĕ kơ wei-lăng bơhngol iĕm. Tơ̆ng sư wei-lăng ưh kơ 'blep, 'Bok Kei-Dei kư̆m chrih kơ sư mơ̆n. Iĕm athei yom kơ sư na sư jang hiôk kơ jơhngơ̆m huay kơ sơ'ngon. Tơ̆ng sư sơ'ngon, noh ưh kơ pơyua iĕm boih.

Hêbrơ 13:3

Iĕm athei mơnat kơ lu bơngai mă đe phak, kư̆m dang đe phak iĕm mơ̆n. Păng iĕm athei băt mơnat kơ lu bơngai mă đe pơmat sư, yua kơ bơ̆n kư̆m hơdai minh sĕch akar thoi sư.