Mathiơ 18:27 - Sơ̆p Hlabơar Nơ̆r 'Bok Kei-Dei

²⁷ 'Bok pơtao 'bôh bơngai hre pơma sơdrĭ sơdrôi thoi noh na sư mơnat. Sư ăn bơngai mă hre kơ sư noh brŏk tơ hnam păng tŭk đĭ dôm rơbâu đêl hre noh.

Mathiơ 18:27 Iomraidhean Croise

Ne 9:17

Lu sư ưh kơ chu kiơ̆ păng ưh kơ 'blŏk dôm tơdrong mơsêh mơyang Ih đei pơm boih tŏk-bŏk lu sư; mă-lei lu sư arăng kơ̆l, lăm tơdrong lu sư pơm kơchu rơih chă minh 'nu bơngai pơm yŏng wă chông hơlơ̆k brŏk tơ dêh char Êyiptơ dơ̆ng mă đêl lu sư pơm đĭch. Mă-lei Ih boih Kră Yang 'Bok Kei-Dei huay kơ jô̆ yo băt kơ 'mêm mơnat, hiơ̆ kơ hil păng 'bĕnh hăm tơdrong 'mêm mơnat, Ih ưh kơ achăng lê̆ lu sư ôh.

Horiso 145:8

Kră Yang băt mơnat păng đei jơhngơ̆m 'mêm. Hiơ̆ kơ blĕk păng 'bĕnh kơ tơdrong 'mêm mơnat.

Horiso 78:38

Mă-lei yua kơ tơdrong 'mêm mơnat Sư huay kơ jô̆ yoch, ưh kơ wă pơrăm lu sư; Lơ wơ̆t sư gơ̆t lê̆ kơ hil, Sư ưh kơ mah tơ'bôh dêh tơdrong Sư hil.

Horiso 86:15

Mă-lei, ơ Kră Yang! Ih boih Kră Yang 'Bok Kei-Dei mă 'mêm băt mơnat. Hiơ̆ kơ hil, 'bĕnh kơ tơdrong 'mêm păng tơdrong tơpăt sĭt.

Horiso 86:5

Ơ Kră Yang! Ih 'lơ̆ng tơpăt băt mơnat ăn. Ih 'bĕnh kơ 'mêm mơnat rơkah rơkai kơ đĭ-đăng lu bơngai mă krao chă Ih.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Mathiơ 18:28

Bơngai mă hre kơ 'bok pơtao noh brŏk tơ hnam, sư tơ'bơ̆p minh 'nu bôl sư kư̆m jang kơ 'bok pơtao. Bôl sư hre kơ sư lăp minh hlak jên hu đĕch, mă-lei sư pơplŏng rôp ket ako bôl sư păng khan: ‘Duh tôm bĕ na inh achăng.’

Mathiơ 18:32

'Bok pơtao kơtơ̆ng thoi noh krao sư păng khan: ‘Ơ bơngai jang kơ inh, ih pơm kơnê̆ dêh. Inh tŭk đĭ dôm jên ih hre kơ inh noh boih yua kơ ih apinh inh athei mơnat kơ ih,

Luka 7:42

Mă-lei tôm kơ bre sư ưh kơ đei jên 'mong ngăl. Yua kơ thoi noh na mă 'bok tơm jên ei pơklaih kơ bre sư đĕch. Thoi noh na 'bar 'nu bre noh, ayơ mă hiôk hloh yua kơ tơ'ngla jên pơklaih hre?”

Luka 7:43

Simôn khan: “Rŏ lăng bơngai mă hre lơ 'biơ̆, sư hiôk hloh.” Yêsu khan: “Ih tơl trŏ boih.”

Lu 10:16

Lu sư hŭt lê̆ đĭ lu yang nai đêl lu sư kơkuh păng awih awăn chu kiơ̆ Kră Yang. Kră Yang Sư sơ'ngon dêh 'bôh lu bơngai Isơrael pơmat-tat.