Mathiơ 18:25 - Sơ̆p Hlabơar Nơ̆r 'Bok Kei-Dei

²⁵ Mă-lei sư ưh kơ đei jên wă kla ôh. Na 'bok pơtao athei sư tĕch đĭ akâu sư, kon akăn sư păng mŭk tơmam sư, wă kla tơdrong sư hre noh jah tôch.

Mathiơ 18:25 Iomraidhean Croise

II Pot 4:1

Đei minh 'nu drŏ-kăn, sư 'noh akăn minh 'nu bơngai lăm lu bơngai khan lê̆ adrol năm nhơ̆m hơdrĭ 'bơ̆t anăp Êlisê: “Klo inh mă đĭch đam ih, sư lôch bơih; ih băt sư bơngai hli yom kơ Kră Yang. Đei minh 'nu bơngai, nhôn hre kơ sư, na sư năm tơ hnam nhôn, wă rôp 'bar 'nu hơ'lơ̆p inh pơm đĭch sư.”

Ne 5:5

Akâu akar lu nhôn kư̆m nhen akâu akar lu 'nhŏng oh lu nhôn mơ̆n, kon tơdăm lu nhôn kư̆m nhen kon tơdăm lu sư mơ̆n; na dang ei lu nhôn rôp kon tơdăm păng kon adruh lu nhôn pơm đĭch hă păng kư̆m đei boih kon adruh lu nhôn pơm đĭch boih, mă tơpă lu nhôn pă đei gơh wă huai iŏk dơ̆ng; yua kơ chŭn mir păng pơgar hơmu lu nhôn đĭ tơ lu đe nai iŏk boih.

Ne 5:8

Khan thoi âu: “Kiơ̆ kơ lu bơ̆n gơh đei huai boih 'nhŏng oh lu bơ̆n, bơngai Juđa mă đe tĕch tơ lu adrĕch nai, na dang ei iĕm wă 'maih tĕch lu 'nhŏng oh bơ̆n dơ̆ng hă? Na lu sư wă tĕch tơ lu bơ̆n dơ̆ng hă?” Lu sư ngăn hreh ưh pă gơh wă pơma kiơ dơ̆ng.

Le 21:2

Tơdah ih răt đĭch đam bơngai Hêbrơ, sư gô bơ̆jang lăm tơdrâu sơnăm truh sơnăm mă tơpơh gô achăng ăn kơ sư rơngei. Ưh kơ 'mong jên ôh.

Le 22:3

Mă-lei tơdah teh pơlôch kơplah 'năr đĭ lĕch boih, 'noh sư pŭ yoch pơlôch bơngai. Mă-lei tơdah teh pơlôch kơ'năr boih, sư pŭ yoch pơlôch bơngai, bơngai tơtông athei duh; tơdah ưh kơ đei kiơ, thoi noh đe gô tĕch sư, yua kơ tơdrong tơtông klĕ sư.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Lêwi 25:39

Tơdah 'nhŏng oh jing dơnuh hin păng tĕch akâu sư kơ ih, ih 'nĕ kơ pơgŏ sư jang thoi đĭch hŏ.

Mathiơ 18:24

Sư jet lu bơngai mă hre đom kơ sư noh, na đe năm ba kơ sư minh 'nu bơngai hre kơ sư mơjĭt-rơbâu jên hu.

Luka 7:42

Mă-lei tôm kơ bre sư ưh kơ đei jên 'mong ngăl. Yua kơ thoi noh na mă 'bok tơm jên ei pơklaih kơ bre sư đĕch. Thoi noh na 'bar 'nu bre noh, ayơ mă hiôk hloh yua kơ tơ'ngla jên pơklaih hre?”