Mathiơ 18:20 - Sơ̆p Hlabơar Nơ̆r 'Bok Kei-Dei

²⁰ Mă rim anih tơ yơ yơ, mă 'bar pêng 'nu bơngai dah akŭm băl tơdrong Inh, Inh kư̆m oei hơdai lu bơngai noh tơ noh.”

Mathiơ 18:20 Iomraidhean Croise

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Êsêkiên 46:10

Yŏng pơgơ̆r oei hơdai hăm lu kon pơlei. Tơdah lu kon pơlei mơ̆t sư kư̆m mơ̆t. Tơdah lu kon pơlei lĕch sư kư̆m lĕch hơdai.

Sa 2:5

Yua kơ Inh, Kră Yang: ‘Inh gô pơm dur pơlei noh hăm ŭnh păng gô đei tơdrong ư-ang tơ lăm sư.’ ”

Mathiơ 18:21

Pêtrôs năm jet Yêsu: “Ơ 'Bok, dah inh đei 'nhŏng oh bơngai lui, sư pơm kơnê̆ hil kơ inh, truh dôm 'măng sư hil inh huay kơ jô̆ yo? Hăm trŏ hloh kơ tơpơh 'măng na inh jô̆ yo?”

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Yo 20:19

Hơdrơ̆m kơsơ̆ năr mă mônh lăm giĕng ei, lu bơngai pơhrăm păng Yêsu oei hơdai lăm hnam, 'măng chơkăl lê̆ ngăl yua kơ lu sư hli kơ khŭl Juđê. Thoi noh Yêsu mơ̆t dơ̆ng 'bơ̆t tŏk-bŏk lu đe ei păng khan: “Oei hiôk bĕ lu iĕm.”

Yo 20:26

Minh 'măng giĕng đơ̆ng rŏng kơ năr 'noh, lu bơngai pơhrăm păng Yêsu năm akŭm lăm hnam dơ̆ng. Thôm sư kư̆m akŭm hơdai mơ̆n. 'Măng hnam oei chơkăl lê̆, mă-lei Yêsu dơ̆ng 'bơ̆t tŏk-bŏk lu sư păng khan: “Oei hiôk bĕ lu iĕm.”

Yo 8:58

Yêsu khan kơ lu sư: “Inh khan kơ iĕm tơpăt, hơdrol kơ Abraham tam mă đei, Inh đei boih.”

I Kor 5:4

Mă iĕm akŭm tơ noh dang akŭm hơdai hăm inh mơ̆n, đei Kră Yang Yêsu pơgơ̆p jơhngơ̆m đon bơ̆n hơdai, yua kơ bơ̆n jang tơdrong Sư.

I Tes 1:1

Nhôn pêng 'nu, Pôl, Silas, Timôthê, chih hơpong kơ lu bơngai lui tơ pơlei Têsalônik. 'Bă tơm bơ̆n 'Bok Kei-Dei păng Kră Yang bơ̆n Yêsu Krist wei-lăng iĕm ling-lang. Nhôn krao khan apinh Sư tơgŭm iĕm lăm tôm tơdrong wă kơ Sư ăn kơ iĕm hiôk-hian.

Phil 1:2

Păng nhi kư̆m đei nơ̆r jet gia bre Abia hăm Achĭp. Bre sư oh nhôn yua kơ sư lui. Achĭp sư kư̆m jang tơdrong 'Bok Kei-Dei thoi bơ̆n mơ̆n. Păng nhi kư̆m jet gia đĭ-đăng 'nhŏng oh bơngai lui mă juăt năm akŭm tơ hnam iĕm.

Tơdrông Tơ'bôh 2:1

“Ih chih kơthơ âu kơ kră wei-lăng hnam akŭm 'Bok Kei-Dei tơ Pơlei Êphêsô thoi âu: 'Bok mă chĕp tơpơh tŏ sơnglŏng tơ ti 'ma Sư, mă Sư nơnăm lăm tŏk-bŏk jơ̆ng kơđeng maih noh Sư wă pơma kơ iĕm thoi âu:

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.