Mathiơ 18:15 - Sơ̆p Hlabơar Nơ̆r 'Bok Kei-Dei

¹⁵ “Dah bôl buăl bơngai lui pơm kơnê̆ kơ iĕm, iĕm athei khan kơ sư kơdrô̆ biĕm. Dah sư chu kơ iĕm khan, lei iĕm oei hiôk hăm sư.

Mathiơ 18:15 Iomraidhean Croise

Horiso 141:5

Ăn kơ bơngai tơpăt teh inh, chrih kơ inh hăm tơdrong 'lơ̆ng. Noh thoi tuh đak rơmă tơ kơ̆l inh; 'Nĕ ăn kơ inh sơngah kơ tơdrong noh. Yua kơ inh ngăl krao khan blah tơdrong kơnê̆ đe pơm.

Tơdrông Pơđơk 11:30

Bơngai 'lơ̆ng tơpăt gô đei nhen thoi tơnơm 'long arih, Bơngai gơh hơgei đei dŏng bơhngol đe.

Lêwi 19:17

'Nĕ kơ đei jơhngơ̆m areh arĕnh kơ 'nhŏng oh bơ̆n, athei bơtho pơlung rông 'bôt ih, 'nĕ kơ ăn kơdih akâu puh yoch yua kơ lu sư pơm glăi.

Mathiơ 18:14

Mă 'Bă bơ̆n tơ plĕnh ti kư̆m thoi noh mơ̆n, Sư ưh kơ wă kơ minh 'nu bơngai 'lơ̆p thoi âu hiong răm.

Mathiơ 18:21

Pêtrôs năm jet Yêsu: “Ơ 'Bok, dah inh đei 'nhŏng oh bơngai lui, sư pơm kơnê̆ hil kơ inh, truh dôm 'măng sư hil inh huay kơ jô̆ yo? Hăm trŏ hloh kơ tơpơh 'măng na inh jô̆ yo?”

Mathiơ 18:35

Tơdrong 'noh thoi noh boih, na 'Bă bơ̆n tơ plĕnh ti gô pơm kơ iĕm thoi noh mơ̆n, dah iĕm ưh kơ mơnat kơ tơdrong yoch 'nhŏng oh iĕm hăm đĭ jơhngơ̆m.”

Rom 12:21

Thoi noh na bơ̆n 'nĕ pơm tơwih kơ sư tơdrong kơnê̆; bơ̆n pơm 'lơ̆ng kơ sư đĕch wih jei bơ̆n.

I Kor 8:12

Iĕm pơm thoi noh ưh kơ trŏ, rai pơm tơ'bôh kơ 'nhŏng oh iĕm tơdrong yoch păng pơm kơ Yŏng bơ̆n Yêsu Krist ưh kơ lăp đon kơ iĕm.

II Kor 7:12

Mă-lei kơthơ noh ưh kơ sĭ kơ inh chih kơdrô̆ tơdrong bơngai mă yoch hăm bơngai mă pŭ tơdrong pơ'brơh noh ôh; inh kư̆m chih wă tơ'blŏk kơ iĕm tơdrong iĕm 'maih kiơ̆ nhôn tơpă mă đơ̆ng sơ̆ khơ̆ dang ei, tơdrong noh 'Bok Kei-Dei kư̆m băt.

Galati 6:1

Ơ 'nhŏng oh, dah iĕm 'bôh lu 'nhŏng oh bơ̆n bơngai lui pơm tơdrong yoch, na lu iĕm mă lui kơjăp, iĕm athei tơgŭm sư pơm mă 'lơ̆ng hŏ. Iĕm tơgŭm sư, iĕm kư̆m athei 'mêm mơnat kơ sư mơ̆n, 'nĕ hil kơ sư păng iĕm athei kơchăng akâu iĕm kơdih mơ̆n, hli kơ yang Satan kư̆m wă pơhlŭ pơlung iĕm.

Kôlôsê 3:13

Mă tơduă buăl bơ̆n bơngai lui pơm ưh kơ lăp hăm bơ̆n, bơ̆n hơhrĕng đĕch 'nĕ kơ jô̆ yo. Kră Yang Yêsu ưh pă jô̆ yo kơ bơ̆n boih, na bơ̆n kư̆m lei-lăi 'nĕ kơ jô̆ yo kơ buăl bơ̆n.

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.

II Tes 3:15

Mă-lei iĕm 'nĕ mah hil kơ sư dêh. Iĕm athei bơtho khan adar adeh, mơnat kơ sư mơ̆n yua kơ sư kư̆m 'nhŏng oh bơngai lui.

Tit 3:10

Bơngai lui bu mă bơtho tơdrong 'Bok Kei-Dei sư bơtho chroih tơ nai, sư wă kơ đe kiơ̆ gah tơdrong sư đĕch, ih athei khă sư truh 'bar 'măng hŏ. Na ih khă dơ̆ng truh pêng 'măng boih, sư tam mă chu kơ ih, ih pơih sư 'nĕ pă ăn sư bơtho dơ̆ng.

I Pet 3:1

Kư̆m lei-lăi thoi noh, lu bơngai drŏ-kăn, iĕm athei chu yom kơ klo iĕm. Dah klo iĕm ưh kơ lui kơ nơ̆r 'Bok Kei-Dei, iĕm kư̆m athei pơm 'lơ̆ng kơ sư ling-lang; khŏm khŏm sư kư̆m lui mơ̆n mă khan ưh kơ đei bu bơtho.