Mathiơ 18:11 - Sơ̆p Hlabơar Nơ̆r 'Bok Kei-Dei

¹¹ Inh Kon Bơngai truh wă pơklaih kon bơngai hiong hiơt kơ 'Bok Kei-Dei.

Mathiơ 18:11 Iomraidhean Croise

Mathiơ 10:6

Iĕm athei năm tơ tơring bơngai Isơrael bơ̆n, yua kơ lu sư dang triu jrok trong.

Mathiơ 15:24

Yêsu khan: “Liơ, 'Bok Kei-Dei wơh Inh wă kơ Inh tơgŭm lu bơngai Isơrael, yua kơ lu bơngai Isơrael thoi triu jrok trong, na iĕm khan wă kơ Inh tơgŭm sư?”

Mathiơ 18:12

“Pơtih gia minh 'nu bơngai đei minh-hrĕng tŏ triu na hiong minh pôm tơ nai, sư lê̆ tơsĭn-jĭt tơsĭn noh chă sa tơ groi, na tơ'ngla sư năm chă minh pôm hiong noh tơ̆p 'bôh.

Mathiơ 9:12

Yêsu kơtơ̆ng hloi lu sư pơma thoi noh na Yêsu khan kơ lu sư thoi âu: “Lu bơngai liĕm akâu ưh kơ kăl kơ 'bok pơgang ôh, pôm lu bơngai jĭ jăn đĕch kăl kơ 'bok pơgang.

Luka 15:24

yua kơ kon inh nhen lĕ lôch boih, mă-lei arih dơ̆ng. Sư hiong boih, mă-lei dang ei 'bôh sư dơ̆ng.’ Thoi noh lu sư ngôi pơchơt băl hloi.

Luka 15:32

Trŏ mơ̆n ba ngôi păng oh e, yua kơ sư nhen lôch boih mă-lei dang ei sư arih dơ̆ng; sư hiong đơ̆ng ba, mă-lei dang ei ba 'bôh sư dơ̆ng.’ ”

Luka 19:10

Inh Kon Bơngai jur tơ ala teh âu wă chă lu bơngai mă kuơ̆l kơ trong wă pơklaih yoch sư.”

Luka 9:56

Đơ̆ng noh na lu sư weh tơ pơlei nai đĕch.

Yo 10:10

Bơngai chă tơtông truh, sư wă tơtông iŏk đĕch păng wă pơrăm đĕch. Mă-lei inh truh tơ âu wă ăn kơ triu arih păng hiôk chơt tơpă.

Yo 12:47

Bơngai bu mơ̆ng nơ̆r Inh bơtho, mă-lei sư ưh kơ lui, bơngai 'noh Inh ưh kơ sek tơlang sư ôh; kơlih kơ Inh jur tơ ala teh âu ưh kơ sĭ wă sek tơlang kon bơngai ôh. Inh jur tơ ala teh âu wă pơklaih kon bơngai yoch.

Yo 3:17

'Bok Kei-Dei wơh Kon Sư jur tơ ala teh âu wă pơklaih kon bơngai đơ̆ng tơdrong yoch, ưh kơ sĭ wă phak kon bơngai ôh.

I Tim 1:15

Tơdrong âu trŏ tơpă, bơ̆n gơh lui tơpă: Kră Yang Yêsu Krist jur oei tơ ala teh âu wă kơ pơklaih lu bơngai yoch. Inh boih bơngai mă pơm yoch lơ hloh kơ đĭ-đăng bơngai nai.