Mathiơ 17:27 - Sơ̆p Hlabơar Nơ̆r 'Bok Kei-Dei

²⁷ Mă-lei ba ưh kơ wă pơkăl kơ lu bơngai iŏk thuê̆ ôh, ba athei duh pơyom. Na dang ei ih năm wah kơ ba ka tơ đak dơsĭ bĕ. Ih 'bôh ka mă kăp wah hơdrol ih iŏk pŏ 'bơ̆r sư hŏ, lăm 'bơ̆r sư noh đei minh hlak jên. Jên noh lăp tôm hloi kơ ba ăn thuê̆. Na ih iŏk jên noh ăn kơ lu bơngai mă iŏk thuê̆, khan kơ lu sư ba ăn tôm boih.”

Mathiơ 17:27 Iomraidhean Croise

Bl 1:28

Kră Yang 'Bok Kei-Dei ăn pŭn hiôk kơ kon bơngai păng khan thoi âu: “Athei pơjing chek lar rai lơ, wă kơ 'bĕnh jơ̆p kơ teh; athei pơm ăn kơ teh đak chu yom, athei pơgơ̆r lu ka lăm đak dơsĭ, khŭl sem păr kơpal plĕnh păng đĭ-đăng kon sem brem adrŏ kơpal teh.”

I Pot 17:4

Ih gô nhă đak thong Kêrit 'noh păng Inh gô wơh sem ak 'me rong ih tơ noh.”

Horiso 8:8

Đĭ kơ lu sem păr tơ plĕnh hăm đĭ lu ka glơi tơ lăm trong đak dơsĭ sŭng.

Jôna 1:17

Mă-lei Kră Yang hơmet lê̆ ka tih luăn Jôna. Jôna oei lăm klak ka pêng năr pêng măng.

Jôna 2:10

Kră Yang athei ka, na ka năm hăk lê̆ Jôna tơ jih đak dơsĭ.

Mathiơ 17:26

Na Pêtrôs khan kơ Sư: “Lu sư iŏk thuê̆ đơ̆ng bơngai nai.” Yêsu khan kơ Pêtrôs: “'Noh bơ̆n băt kơ 'bok pơtao kuă ăn kon sư duh thuê̆, bơ̆n kư̆m ưh kơ duh ôh, yua kơ bơ̆n kon pơtao 'Bok Kei-Dei.

Mathiơ 18:6

Bơngai bu pơtuah lu bơngai hơ'lơ̆p mă lui kơ Inh 'lơ̆ng hloh đe jah chô̆ ako sư hăm tơpăl tơmo tih, hơtat lê̆ sư tơ klŏng đak dơsĭ, lei sư hiôk 'biơ̆ yua kơ sư huay kơ gơh pơtuah lu hơ'lơ̆p.

Mathiơ 18:8

“Dah minh pah ti iĕm dah jơ̆ng iĕm pơm kơ iĕm yoch, chơ̆ng tŭk minh pah ti dah jơ̆ng noh, na oei pă minh pah ti dah jơ̆ng noh, mă-lei gơh mơ̆t oei hăm 'Bok Kei-Dei ling-lang. 'Noh 'lơ̆ng hloh kơ iĕm oei tôm 'bar pah jơ̆ng ti mă-lei wă huŏng pơđĭ hăm akâu tơ dơnâu ŭnh ưh kơ layơ păt.

Mathiơ 5:29

Dah minh pah măt iĕm gah 'ma pơm kơ iĕm yoch, kuek tŭk minh pah măt iĕm noh, na oei pă minh pah măt, 'noh 'lơ̆ng hloh kơ iĕm oei tôm 'bar pah măt, mă-lei wă huŏng pơđĭ hăm akâu tơ lăm dơnâu ŭnh 'Bok Kei-Dei phak.

Mathiơ 5:30

Dah minh pah ti iĕm gah 'ma pơm kơ iĕm yoch, chơ̆ng lê̆ minh pah ti iĕm noh, na oei pă minh pah ti, 'noh 'lơ̆ng hloh kơ iĕm oei tôm 'bar pah ti mă-lei wă huŏng pơđĭ hăm akâu tơ lăm dơnâu ŭnh 'Bok Kei-Dei phak.

Markôs 9:42

“Bơngai bu pơtuah bơngai 'lơ̆p mă lui kơ Inh thoi âu boih, pơtih gia đe dah chô̆ ako sư tơ tơpăl tơmo tih sơ̆, hơtat lê̆ sư tơ klŏng đak dơsĭ, lei sư hiôk 'biơ̆ yua kơ sư huay kơ gơh pơtuah lu hơ'lơ̆p dang ei.

Markôs 9:43

“Dah minh pah ti iĕm pơm kơ iĕm yoch, chơ̆ng lê̆ minh pah ti iĕm 'noh, na oei pă minh pah 'noh iĕm gơh mơ̆t oei păng 'Bok Kei-Dei. 'Noh 'lơ̆ng hloh kơ iĕm oei tôm 'bar pah ti ră, mă-lei wă huŏng lăm dơnâu ŭnh mă ưh kơ layơ păt.

Luka 17:2

Bơngai bu dang ei juăt pơhlŭ lu bơngai 'nao lui pơm yoch, pơtih gia đe dah chô̆ ako sư tơ tơpăl tơmo sơ̆, hơtat lê̆ sư tơ klŏng đak dơsĭ, lei sư hiôk 'biơ̆, yua kơ sư huay kơ gơh pơhlŭ đe pơm yoch dang ei.

Yo 6:61

Mă-lei Yêsu băt kơdih lu bơngai ei pơma mơmơnh kơ tơdrong Sư bơtho hei. Na Yêsu khan kơ lu sư: “Inh bơtho thoi noh hei trŏ tơpă, mă-lei iĕm ơh hă?

Rom 14:21

Tơ̆ng bơ̆n kuă kơ pơyoch 'nhŏng oh bôl buăl, lei bơ̆n 'nĕ kơ pơm minh tơdrong kiơ kiơ hli kơ sư yoch, thoi lĕ kơ sa 'nhĕm 'nhot, dah et sik, dah tơdrong kiơ kiơ nai.

I Kor 8:13

Dah inh sa tơmam đe sơmah kơ yang, na 'nhŏng oh bơ̆n hơdai sa kiơ̆ inh, lei tơdrong yoch noh yua kơ inh, na ning-mônh inh ưh pă layơ wă sa dôm tơmam đe sơmah kơ yang dơ̆ng boih.

I Kor 8:9

Iĕm khan iĕm gơh sa kư̆ kă tơmam đe sơmah kơ yang kư̆m bưh, huay kơ kơ̆m ôh; mă-lei iĕm athei kơchăng 'biơ̆ hŏ, iĕm 'nĕ kơ pơm thoi noh hli kơ lu bơngai 'nao lui jing hơwơ̆l na hơdai wang pơm kiơ̆ thoi iĕm.

II Kor 6:3

Nhôn ưh kơ đei pơm kơnê̆ kơ đe minh tơdrong kiơ, wă kơ đe huay kơ pơjăm tơdrong jang nhôn.

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

I Tes 5:22

Dah tơdrong glăi iĕm săi tŭk.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.