Mathiơ 17:22 - Sơ̆p Hlabơar Nơ̆r 'Bok Kei-Dei

²² Kơplah lu sư brŏk akŭm tơ dêh Galilê Yêsu roi dơ̆ng tơdrong Sư wă lôch: “Đe gô rôp pơjao Inh Kon Bơngai tơ ti kon bơngai tơ ala teh âu.

Mathiơ 17:22 Iomraidhean Croise

Mathiơ 16:21

Đơ̆ng năr noh boih Yêsu mă đe anăn 'Bok Krist, Sư roi kơ lu bơngai pơhrăm păng Sư khan: “Inh chu năm tơ Pơlei Jêrusalem, tơ ei kơnh lu đe kră sek tơlang, lu 'bok soi tih păng lu thây bơtho tơdrong juăt đe Juđê gô pơm kơ Inh lơ tơdrong kơnê̆ păng pơlôch hloi Inh. Mă-lei kơtĕch pêng năr đơ̆ng rŏng 'Bok Kei-Dei gô tơiung arih Inh dơ̆ng.”

Mathiơ 16:28

Inh khan kơ iĕm tơpă, đei lăm lu iĕm âu mơ'nah ưh tam mă lôch ôh, lu sư gô 'bôh Inh pơgơ̆r ning-mônh.”

Mathiơ 17:12

Inh khan kơ iĕm tơpă, Êli truh boih, mă-lei đe ưh kơ kơnăl kơ sư, đe pơm kơnê̆ kơ sư kiơ̆ gô mơ̆ng kơ đe wă. Na đơ̆ng âu tơ dơning dơmônh đe kư̆m pơm kơnê̆ kơ Inh Kon Bơngai thoi noh mơ̆n.”

Mathiơ 17:23

Lu đe ei boih pơlôch Inh, mă-lei kơtĕch pêng năr đơ̆ng rŏng Inh iung arih dơ̆ng.” Lu bơngai pơhrăm păng Sư kơtơ̆ng Sư khan thoi noh, lu sư sơ'ngon dêh.

Mathiơ 17:9

Klaih kơ noh na lu sư jur đơ̆ng kông noh na Yêsu khă lu sư thoi âu: “Iĕm 'nĕ chă roi kơ đe hŏ dôm tơdrong iĕm 'bôh hei đơ̆ng dang ei truh Inh Kon Bơngai iung arih đơ̆ng lôch ning-mônh.”

Mathiơ 24:10

Kơplah noh mơ̆n đei lơ lu bơngai lui achăng lê̆ Inh, lu sư hil areh kơ lu bôl mă oei lui kơ Inh, lu sư rôp lu bôl mă oei lui kơ Inh noh, ăn kơ lu bôl sư mă ưh kơ lui tah tơ lăm hnam phak.

Mathiơ 26:16

Đơ̆ng kơplah noh hloi Juđa chă tơdrong plơ̆ plĕch Yêsu.

Mathiơ 26:46

Iung bĕ, bơ̆n jah năm tơ lu sư; iĕm lăng to bơngai mă plơ̆ plĕch Inh wă jê̆ truh boih.”

Markôs 8:31

Na Yêsu khan kơ lu sư: “Inh Kon Bơngai gô đei tơdrong pơmat-tat. Lu đe kră sek tơlang, lu đe 'bok soi tih, lu 'bok thây bơtho tơdrong juăt đe Juđê kuă chu yom kơ Inh na athei đe pơlôch Inh. Mă-lei kơtĕch pêng năr đơ̆ng rŏng Inh gô iung arih dơ̆ng.”

Luka 24:26

Đe pơlôch 'Bok Krist thoi noh trŏ tơpă boih, na dang ei Sư iung arih wă tŏk tơ plĕnh ti pơgơ̆r.”

Luka 24:46

Yêsu khan kơ lu sư: “Tơdrong đe chih lê̆ hơdrol noh sơ̆ thoi âu: 'Bok Krist gô đei tơdrong pơmat-tat na lôch, kơtĕch pêng năr Sư iung arih dơ̆ng.

Luka 9:22

Na Sư khan dơ̆ng: “Inh Kon Bơngai gô đei tơdrong pơmat-tat. Lu đe kră dêh char Juđê, lu đe 'bok soi tih, lu thây bơtho tơdrong juăt đe Juđê kuă chu yom kơ Inh na athei đe pơlôch Inh. Mă-lei kơtĕch kơ pêng năr đơ̆ng rŏng kơnh 'Bok Kei-Dei gô tơiung arih Inh dơ̆ng.”

Luka 9:43

Na đĭ-đăng lu đe 'bơ̆t ei sơleng kơ đon yua kơ 'bôh 'Bok Kei-Dei pơm tơdrong mơsêh mơyang thoi noh. Kơplah lu bơngai tơpôl oei tơchĕng sơleng kơđon kơ dôm tơdrong Yêsu pơm, na Yêsu khan kơ lu bơngai pơhrăm păng Sư kơdrô̆ lu sư thoi âu:

Jang 7:52

Lu 'bok kơdră iĕm sơ̆ pơm kơnê̆ areh kơ đĭ-đăng bơngai pơtruh nơ̆r 'Bok Kei-Dei. Lu 'bok kơdră iĕm sơ̆ pơlôch lu bơngai mă pơkă lê̆ hơdrol kơ tơdrong 'Bok Krist bơngai mă 'lơ̆ng tơpăt wă truh. Na Sư truh boih mă-lei iĕm plĕch kơ Sư păng pơlôch Sư hloi.

I Kor 11:23

Tơdrong sa et 'blŏk hơdơ̆r kơ Yêsu 'noh, inh kơtơ̆ng đơ̆ng tơ'ngla Yêsu Krist tơpă păng inh kư̆m roi ăn boih kơ iĕm tơdrong 'noh đơ̆ng sơ̆ thoi âu: Măng đe wă rôp Yêsu sơ̆, tơ'ngla Kră Yang Yêsu Krist iŏk 'bĕng mi,