Mathiơ 17:17 - Sơ̆p Hlabơar Nơ̆r 'Bok Kei-Dei

¹⁷ Na Yêsu khan: “Ơ lu iĕm mă oei lui rơdu hơnơ̆ng kư̆m oei pơm yoch, iĕm wă kơ Inh oei hơdai iĕm đunh dang yơ 'mơ̆i na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm”

Mathiơ 17:17 Iomraidhean Croise

Horiso 95:10

Lăm puăn-jĭt sơnăm Inh hil mĭl dêh kơ adrĕch adrung noh; Inh khan: “Noh minh adrĕch đei jơhngơ̆m yoch păng lu sư ưh kơ băt trong inh;”

Le 10:3

Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Le 16:28

Kră Yang khan kơ Môis: Lu iĕm ưh kơ chu yom wei răk nơ̆r tơtă păng khôi juăt Inh dĭng truh dang yơ dơ̆ng?

Tơdrông Pơđơk 1:22

Ơ lu bơngai kơtul kơwao, Lu iĕm 'mêm kơ tơdrong kơtul kơwao dĭng dang yơ? Lu bơngai pơjăm pơjuă chơt hiôk pơjăm pơjuă dĭng dang yơ? Lu bơngai kơtul areh kơ tơdrong hơgei dĭng dang yơ?

Tơdrông Pơđơk 6:9

Ơ lu bơngai hơlah, ih oei 'bĭch tep dĭng dang yơ? Dang yơ ih iung đơ̆ng tep?

Êsai 19:14

Kră Yang tuh ăn tơdrong tơchĕng hơwơ̆l kơ bơngai Êyiptơ, lu sư gô wơ̆l jrok lăm tôm tơdrong jang, thoi bơngai suai hăk rah năm rah tơ 'ma tơ 'ngiĕo kơ hăk sư.

Je 4:14

Ơ kon pơlei Jêrusalem ôp mă rơgoh bĕ jơhngơ̆m kơnê̆ iĕm, wă kơ iĕm gơh đei dŏng pơklaih. Lu iĕm răk mong tơdrong kơnê̆ tơ lăm jơhngơ̆m lu iĕm dĭng dang yơ?

Jo 14:11

Kră Yang khan kơ Môis thoi âu: Kon pơlei 'nâu hil areh păng ưh kơ lui kơ Inh dĭng dang yơ, mă khan Inh đei pơm tơ'bôh tơdrong hlĭch 'bơ̆t anăp lu sư boih ră?

Jo 14:27

Oei pă dang yơ dơ̆ng Inh gô mơ̆ng lu tơpôl bơngai kơnê̆ âu jŏk? Inh đei kơtơ̆ng boih lu tơpôl kon pơlei Isơrael jŏk chrih kơ Inh.

Mathiơ 13:58

Yêsu ưh kơ wă pơm tơ'bôh tơdrong mơsêh tơ pơlei Sư lơ ôh, yua kơ pơlei pơla Sư kuă lui kơ Sư.

Mathiơ 16:8

Yêsu băt kơ lu sư pơma gah tơdrong lu sư hiơt kơ chĕp 'bĕng mi na Yêsu khan: “Lơliơ iĕm lui oei rơdu hơnơ̆ng, Inh pơma tơdrong nai mă iĕm khan Inh jô̆ kơ iĕm hiơt kơ chĕp 'bĕng mi?

Mathiơ 17:16

Inh năm apinh ră boih tơ lu bơngai pơhrăm păng Ih, mă-lei lu sư ưh kơ gơh pơklaih.”

Mathiơ 17:18

Đơ̆ng noh na Yêsu pơpuh yang kơnê̆ lĕch đơ̆ng akâu bơngai 'lơ̆p noh. Yang kơnê̆ lĕch jăk hloi ưh pă pơm kơ bơngai 'lơ̆p noh pơ̆k dơ̆ng.

Mathiơ 6:30

Tơdrong lui iĕm rơdu dêh, iĕm kuă kơ kiơ tơchĕng kơ lu pơkao 'nhĕt bri brah: Sư 'bônh kơ hơlŭng, klaih hơlŭng đe soh hŭt lê̆ lăm ŭnh, mă-lei 'Bok Kei-Dei kư̆m ăn kơ sư 'lơ̆ng dang noh, pơma kiơ kơ iĕm kon bơngai kăl hloh kơ sư, 'Bok Kei-Dei gô ăn kơ iĕm hơbĕn ao tơpă.

Mathiơ 8:26

Yêsu khan kơ lu đe ei: “Yua kơ kiơ iĕm hli, iĕm tam băt gơnang kơ Inh hă?” Sư iung khă hloi kial hăm đak poh-yă. Kial thĕng hloi, đak poh-yă kư̆m pă adrŏ adrĕnh.

Markôs 16:14

Đơ̆ng rŏng kơ noh Sư tơ'bôh dơ̆ng akâu Sư kơ mơjĭt-mônh 'nu bơngai pơhrăm păng Sư kơplah lu sư oei sŏng sa. Na Sư lach kơ lu sư, kơlih kơ lu sư ưh kơ lui păng arăng kơ̆l, yua kơ lu sư ưh kơ lui kơ bơngai mă 'bôh Yêsu đơ̆ng rŏng kơ Sư iung arih đơ̆ng lôch.

Markôs 9:19

Na Yêsu khan kơ lu sư: “Ơ lu iĕm mă oei lui rơdu hơnơ̆ng, iĕm wă kơ Inh oei hơdai iĕm đunh dang yơ 'mơ̆i, na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm.”

Luka 24:25

Na Yêsu khan kơ bre sư thoi âu: “Ơ lu bơngai kơhlôh, biĕm anat tơpă kơ lui dôm tơdrong lu bơngai mă pơtruh nơ̆r 'Bok Kei-Dei khan lê̆ hơdrol đơ̆ng sơ̆.

Luka 9:41

Na Yêsu khan: “Ơ lu iĕm mă oei lui rơdu hơnơ̆ng kư̆m oei pơm yoch, iĕm wă kơ Inh oei hơdai iĕm đunh dang yơ 'mơ̆i na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm.”

Yo 20:27

Păng Sư khan kơ Thôm: “Pel ti ih 'bơ̆t âu, lăng ti Inh păng chro ti ih tŏt 'bơ̆t rơhiĕo Inh. Ih 'nĕ pă sơngah, athei ih lui bĕ.”

Jang 13:18

Kơplah puăn-jĭt sơnăm lu bơngai Isơrael pơm lơ tơdrong ưh kơ chu kơ 'Bok Kei-Dei tơ char glă. Mă-lei 'Bok Kei-Dei 'mêm mơnat kơ lu sư tơpă.

Jang 2:40

Pêtrôs bơtho lơ tơdrong dơ̆ng hăm pơlung lu sư thoi âu: “Lu iĕm athei weh đơ̆ng adrĕch adrung bơngai pơm kơnê̆ 'nâu.”

II Kor 11:1

Dang ei inh kư̆m dang pơang akâu kơdih, apinh iĕm adrin mơ̆ng 'biơ̆ inh bơngai kơhlôh kơwao, inh chă pơma sa kơ iĕm, thoi iĕm mơ̆ng đơ̆ng sơ̆.

Both 32:5

Mă-lei iĕm oei hư răm. Ưh pă rŏ trŏ jing kon drŏ-nglo Kră Yang dơ̆ng.