Mathiơ 16:20 - Sơ̆p Hlabơar Nơ̆r 'Bok Kei-Dei

²⁰ Đang Sư pơma thoi noh boih na Sư khă lu bơngai pơhrăm păng Sư kuă ăn roi kơ đe Sư boih 'Bok Krist.

Mathiơ 16:20 Iomraidhean Croise

Mathiơ 1:16

Jakôp pơjing Yôsep, Yôsep klo Mari. Mari pơjing Yêsu, mă đe anăn Krist. Yêsu Krist âu boih bơngai mă 'Bok Kei-Dei ăn wă pơm pơtao bơ̆n.

Mathiơ 16:16

Simôn Pêtrôs khan: “Ih 'Bok Krist, Kon 'Bok Kei-Dei mă arih ling-lang.”

Mathiơ 17:9

Klaih kơ noh na lu sư jur đơ̆ng kông noh na Yêsu khă lu sư thoi âu: “Iĕm 'nĕ chă roi kơ đe hŏ dôm tơdrong iĕm 'bôh hei đơ̆ng dang ei truh Inh Kon Bơngai iung arih đơ̆ng lôch ning-mônh.”

Mathiơ 8:4

Yêsu khan: “Ih 'nĕ chă roi kơ đe. Dang ei ih klaih boih na ih năm tơ'bôh akâu ih kơ 'bok soi păng ih soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Markôs 8:30

Na Yêsu khă lu bơngai pơhrăm păng Sư kuă ăn chă roi kơ đe khan Sư 'Bok Krist.

Markôs 9:9

Klaih kơ noh lu sư jur đơ̆ng kông noh na Yêsu khă lu sư thoi âu: “Iĕm 'nĕ chă roi kơ đe hŏ dôm tơdrong iĕm 'bôh hei, đơ̆ng dang ei truh Inh Kon Bơngai iung arih đơ̆ng lôch ning-mônh.”

Luka 2:11

Măng 'nâu tơ pơlei Đawit, đe tơpŭ kơ minh 'nu 'Bok Dŏng Pơklaih, 'Bok Kră Yang, Krist.

Luka 9:21

Na Yêsu khă lu bơngai pơhrăm păng Sư kuă ăn kơ lu sư chă roi kơ đe Sư boih 'Bok Krist.

Luka 9:36

Lăp 'Bok Kei-Dei pơma thoi noh đang boih, hơloh kơ jua kơ bre Môis păng Êli, pă minh 'nu Yêsu đĕch oei 'bơ̆t ei. Kơplah ei sơ̆ lu sư ưh kơ roi ôh kơ đe tơdrong noh.

Yo 1:41

Na Andrê năm chă 'nhŏng sư Simôn, roi kơ 'nhŏng sư khan: “Nhôn 'bôh boih 'Bok Mêsi.” 'Bok Mêsi wă khan 'Bok Krist mă 'Bok Kei-Dei wơh wă pơgơ̆r kon bơngai.

Yo 1:45

Philip năm roi kơ Nathanel khan: “Nhôn 'bôh boih Yêsu kon 'bok Yôsep Pơlei Nasaret, bơngai ei mă Môis chih roi lăm sơ̆p hla bơar tơdrong juăt bơ̆n păng lu 'bok pơtruh nơ̆r 'Bok Kei-Dei kư̆m chih roi lê̆ hơdrol kơ bơ̆n đơ̆ng sơ̆.”

Yo 11:27

Mathê drơ̆ng: “Ơ 'Bok, inh lui tơpă. Inh lui kơ Ih 'Bok Krist, Kon 'Bok Kei-Dei mă nhôn chang gô jur tơ ala teh âu wă dŏng pơklaih nhôn.”

Yo 20:31

Lu tơdrong chih lăm hla bơar 'nâu wă kơ lu iĕm lui kơ Yêsu Krist, Sư 'Bok Dŏng Pơklaih bơ̆n, Sư Kon 'Bok Kei-Dei. Dah lu iĕm lui lei lu iĕm gơh arih ling-lang yua kơ Sư.

Jang 2:36

Inh wă kơ đĭ-đăng bơngai Isơrael băt mă nhên: Yêsu mă iĕm pơ̆ng pơlôch tơ 'long pơglang, Sư boih 'Bok Kei-Dei ăn pơm Yŏng bơ̆n păng 'Bok Krist mă pơgơ̆r bơ̆n kư̆m Sư mơ̆n.”

I Yo 2:22

Lei bu hơlĕnh lĕ? Bơngai bu khan Yêsu ưh kơ sĭ 'Bok Krist, bơngai 'noh boih hơlĕnh păng bơngai 'noh boih ayăt kơ Yêsu Krist, bơngai 'noh boih achăng tŭk 'Bă Sư 'Bok Kei-Dei păng Kon Sư mơ̆n.

I Yo 5:1

Bơngai bu lui kơ Yêsu 'Bok Krist mă 'Bok Kei-Dei wơh wă dŏng pơklaih bơ̆n, bơngai 'noh kon 'Bok Kei-Dei. Bơngai bu 'mêm kơ 'bă đe, bơngai 'noh kư̆m 'mêm kơ kon đe mơ̆n.