Mathiơ 16:18 - Sơ̆p Hlabơar Nơ̆r 'Bok Kei-Dei

¹⁸ Ơ Pêtrôs, Inh wă khan kơ ih, ih thoi lĕ kơ tơmo kŭk; kơpal tơmo kŭk noh boih Inh wă pơm hnam Inh, hnam noh wă khan lu bơngai lui kơ Inh. Na dôm lu yang kơnê̆ ưh kơ kĕ blah lu bơngai lui noh ôh.

Mathiơ 16:18 Iomraidhean Croise

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

II Sam 18:4

Pơtao drơ̆ng: “Ơ, inh gô pơm kiơ̆ lu iĕm 'bôh khan 'lơ̆ng.” Na, pơtao dơ̆ng 'bơ̆t 'măng jang pơlei, kơplah khŭl linh lĕch năm kiơ̆ kơ khŭl minh-hrĕng khŭl minh-rơbâu,

Jop 38:17

Hăm đei bu tơ'bôh kơ ih 'măng jang pơlei lôch? Ih tam 'bôh 'măng pơlei măng mu gueo?

Horiso 107:18

Lu sư lăng areh dêh kơ lu tơmam sa. Lu sư năm tơ jê̆ 'măng jang tơdrong lôch.

Horiso 127:5

Pŭn dêh kơ bơngai bu mă đei 'brơ̆m 'bĕnh kơ jŏ, sư huay kơ mơlâu. Dah sư pơma pơjah păng lu ayăt tơ 'măng dur pơlei.

Horiso 129:2

“Đơ̆ng kơplah inh oei 'lơ̆p lu sư ngăl pơjuă pơđep inh. Mă-lei ưh kơ jei lu sư ôh.

Horiso 69:12

Lu bơngai ngôi 'bơ̆t măng jang che bơle kơ inh; Inh jing nơ̆r lu et tơdrô hơri jô̆.

Horiso 9:13

Kră Yang ơi, mơnat bĕ kơ inh, Lăng bĕ tơdrong pơmat-tat đơ̆ng lu bơngai areh kơ inh, pơm kơ inh. Ơ Kră Yang mă pôk hơtŏk inh hlôi kơ 'măng jang tơdrong lôch Lăng bĕ tơdrong pơmat-tat inh, Mă đơ̆ng đe areh kơ inh

Tơdrông Pơđơk 24:7

Tơdrong hơgei oei kơjung dêh kơ lu bơngai kơtul, Sư kơđei ha 'bơ̆r pơma ôh 'bơ̆t 'măng jang.

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.

Êsai 28:6

Sư bơih ăn kơ lu bơngai sek tơlang đei yŏng tơpăt păng ăn jơhngơ̆m nuih pran kơ lu bơngai wă blah tơweh lu ayăt đơ̆ng 'măng jang.

Êsai 38:10

Inh khan “'Nao minh puăt chăl arih inh. Na inh năm 'măng jang dêh atâu boih, dôm lu khei sơnăm inh oei arih pă đei boih.

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

Jôna 2:6

Inh jur truh tơ tôch jơ̆ng kông lăm đak dơsĭ, teh sư chơkăl găn lê̆ inh ling-lang. Ơ Kră Yang inh, mă-lei Ih hơtŏk boih tơdrong arih inh klaih đơ̆ng sơlŭng jrŭ.

Mathiơ 10:2

Na âu jô̆ tôm lu anăn mơjĭt-'bar 'nu lu sư: Simôn mă Yêsu anăn Pêtrôs, sư pơm tih 'biơ̆ kơ bôl sư; oh sư Andrê; Yakơ hăm oh sư Yôhan. 'Bă bre sư Sêbêđê.

Mathiơ 11:23

Bĭ iĕm, ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng iĕm truh tơ dơnâu ŭnh sŭng. Dah Inh pơm lơ tơdrong mơsêh mơyang tơ Pơlei Sôđôm sơ̆ dang Inh pơm tơ pơlei iĕm dang ei, lei Pơlei Sôđôm tơbral kơdih tơdrong yoch 'bônh đĕch. Lei 'Bok Kei-Dei huay kơ soh pơlei sư ôh sơ̆, pơlei sư oei truh dang ei đĕch.

Mathiơ 18:17

Dah sư ưh tam mă chu kơ lu bơngai kơdranh pơma lei iĕm khan kơ lu bơngai mă akŭm lăm hnam 'Bok Kei-Dei. Dah sư oei sơngah ưh kơ chu kơ lu bơngai akŭm lăm hnam 'Bok Kei-Dei lei iĕm lăng sư thoi bơngai tơmoi khŭl nai păng thoi bơngai iŏk jên thuê̆ đĕch.

Mathiơ 4:18

Kơplah Yêsu năm kiơ̆ ter jih đak dơsĭ Galilê, Sư 'bôh 'bar 'nu 'nhŏng oh, anăn bre sư Simôn păng đe kư̆m anăn sư Pêtrôs, oh sư Andrê; bre sư oei traih jal chă ka lăm đak dơsĭ yua kơ bre sư bơngai juăt kơ chă ka ling-lang.

Mathiơ 7:24

“Bơngai bu mơ̆ng nơ̆r Inh bơtho, na kiơ̆ hloi, bơngai 'noh dang bơngai hơgei pơm hnam kơpal tơmo kŭk.

Yo 1:42

Thoi noh na Andrê anhăk 'nhŏng sư Simôn năm tơ Yêsu. Yêsu lăng sư păng khan: “Ih Simôn kon Yôhan, na dang ei Inh wă anăn ih Sêphaih.” Sêphaih noh nơ̆r Juđê, kiơ̆ nơ̆r Grĕk sư khan Pêtrôs. (Nơ̆r Pêtrôs noh wă khan tơmo.)

Jang 2:47

Lu sư bơnê kơkuh kơ 'Bok Kei-Dei. Lu kon tơring tơrang kư̆m hơiă kơ lu sư. Rim năr đei bơngai lui na Kră Yang pơklaih lu sư păng tơmơ̆t lu đe noh tơ lăm khŭl bơngai lui.

Jang 20:28

Na iĕm athei kơchăng akâu kơdih hăm wei-lăng đĭ-đăng lu bơngai lui. Yang Bơhngol 'Lơ̆ng ăn kơ iĕm wei-lăng bơngai lui kư̆m thoi lĕ bơngai wei-lăng triu sư. Lu bơngai lui, sư kon 'Bok Kei-Dei, yua Kon pôm Sư Yêsu lôch tuh pham tang kon bơngai yoch.

Jang 8:1

Đơ̆ng rŏng kơ đe pơlôch Êtien ei, lu bơngai ưh kơ lui pơm lơ tơdrong kơnê̆ kơ lu bơngai lui kiơ̆ kơ Yêsu tơ Pơlei Jêrusalem. Na đĭ-đăng lu bơngai lui ei jăk tơklah tơklang jơ̆p-jang kơ dêh Juđê păng dêh Samari. Pôm lu jơ̆ng 'bang Yêsu đĕch ưh kơ jăk.

I Kor 15:55

“Ơ tơdrong lôch, tơ yơ jei e? Ơ tơdrong lôch, tơ yơ e gơh pơrăm nhôn dơ̆ng?”

Galati 2:9

Thoi noh na Yakơ, Pêtrôs, Yôhan, lu sư bơngai mă đe pôk pơm tih pơgơ̆r lu bơngai lui đơ̆ng sơ̆ boih, lu sư băt tơpă kơ 'Bok Kei-Dei ăn kơ inh năm chă bơtho kơ lu bơngai mă ưh kơ khŭl Juđê, na lu sư iung rôp ti nhi 'Barna'ba dang wă khan pơgơ̆p băl minh jơhngơ̆m minh đon jang tơdrong 'Bok Kei-Dei. Lu sư bơtho tơdrong 'Bok Kei-Dei kơ lu khŭl sư bơngai Juđê, na nhi bơtho kơ lu khŭl bơngai nai.

Êphêsô 3:10

Mă dang ei Sư ăn kơ lu bơngai lui kơ Kon Sư tơbăt ăn kơ lu yŏng pơgơ̆r lu linh jang, tơbăt ăn kơ lu yŏng pơgơ̆r oei tơ kơpal plĕnh wă kơ lu sư băt kơ tơdrong tơchĕng 'Bok Kei-Dei hơgei tơpă wă tơgŭm kon bơngai.

Êphêsô 5:32

'Bok Kei-Dei tơbăt ăn kơ bơ̆n tơdrong noh kăl tơpă. Tơdrong noh wă khan Yêsu Krist hăm lu bơngai lui kơ Sư dang lĕ kơ minh sĕch minh akar boih.

Kôlôsê 1:18

Sư pơgơ̆r đĭ-đăng lu bơngai lui, kư̆m thoi kơ̆l bơ̆n pơgơ̆r lăm akâu bơ̆n mơ̆n. Sư gơh pơm kơ lu bơngai lui arih 'nao; Sư iung arih đơ̆ng lôch hơdrol kơ đe, Sư pơgơ̆r dôm lu bơngai iung arih đơ̆ng lôch. Thoi noh na lăp pôm Sư đĕch boih tih hloh kơ đĭ-đăng tơdrong nai,

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

I Tim 3:5

Tơdah sư ưh kơ gơh pơgơ̆r hnam dơnŏ kon akăn sư, thoi yơ sư gơh wei-lăng kon 'Bok Kei-Dei lĕ?

Hêbrơ 12:28

Thoi noh na bĕ bơ̆n bơnê kơ Sư, yua kơ Sư wă ăn kơ bơ̆n oei tơ minh pôm teh đak mă ưh kơ gơh pơchah răm. Bơ̆n athei kơkuh kơ Sư kiơ̆ thoi Sư lăp đon. Bơ̆n athei băt hli chu kơ Sư mă tơpă, hli kơ bơ̆n pơm ưh kơ trŏ thoi Sư lăp đon,

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Tơdrông Tơ'bôh 21:14

Đe trơn tơmo pơm pơlei ei, đei mơjĭt-'bar tăl tơmo. Mơjĭt-'bar tăl tơmo ei đe chih anăn mơjĭt-'bar 'nu jơ̆ng 'bang Kon Triu.