Mathiơ 16:16 - Sơ̆p Hlabơar Nơ̆r 'Bok Kei-Dei

¹⁶ Simôn Pêtrôs khan: “Ih 'Bok Krist, Kon 'Bok Kei-Dei mă arih ling-lang.”

Mathiơ 16:16 Iomraidhean Croise

Horiso 2:7

Inh gô roi tơblang nơ̆r tơtă mă Kră Yang khan kơ inh: “Ih boih kon inh; Năr âu inh pơjing ih.

Horiso 42:2

Bơhngol inh rơhing kơ Kră Yang 'Bok Kei-Dei jơ̆ Kră Yang 'Bok Kei-Dei arih ling-lang. Layơ inh gô tơ'bơ̆p Kră Yang 'Bok Kei-Dei.

Da 6:26

Inh chih tơbăt, ăn jơ̆p kơ lăm dêh char 'bôh, đĭ-đăng athei hli yom tơtơ̆ 'bơ̆t anăp Kră Yang 'Bok Kei-Dei arih ling-lang hlŏng hloi, Kră Yang 'Bok Kei-Dei Đaniel teh đak Sư ưh kơ đei layơ hiong răm păng tơdrong mơsêh mơyang Sư oei oei ling-lang truh năr tôch.

Mathiơ 1:16

Jakôp pơjing Yôsep, Yôsep klo Mari. Mari pơjing Yêsu, mă đe anăn Krist. Yêsu Krist âu boih bơngai mă 'Bok Kei-Dei ăn wă pơm pơtao bơ̆n.

Mathiơ 14:33

Lu bơngai pơhrăm păng Sư oei lăm thŏng-nan sơtơ̆p kŭl-tăng kơkuh kơ Sư păng khan: “Ih Kon 'Bok Kei-Dei tơpă.”

Mathiơ 16:15

Na Yêsu khan kơ lu sư: “Bĭ iĕm khan Inh bu?”

Mathiơ 26:63

Mă-lei Yêsu oei thĕng ưh kơ đei tơl sư thoi yơ ôh. 'Bok soi tơm jet Sư dơ̆ng: “Đei 'Bok Kei-Dei arih tơpă păng Sư 'bôh tôm tơdrong Ih pơm, na Ih athei roi kơ nhôn mă tơpăt, hăm trŏ kơ Ih 'Bok Krist, Kon 'Bok Kei-Dei tơpă dah ưh?”

Mathiơ 27:54

'Bok tih linh păng lu linh sư wei Yêsu, lu sư 'bôh teh adrŏ păng dôm tơdrong hlĭch noh, lu sư hli dêh, na lu sư khan: “Sư âu Kon 'Bok Kei-Dei tơpă.”

Mathiơ 4:3

Na yang Satan năm tơ Sư păng khan: “Dah Ih Kon 'Bok Kei-Dei tơpă, Ih kuă kơ kiơ sơkat kơ tơmo âu jing 'bĕng?”

Markôs 14:61

Mă-lei Yêsu oei thĕng ưh kơ đei tơl sư thoi yơ ôh. 'Bok soi tơm jet Sư dơ̆ng: “Hăm trŏ kơ Ih 'Bok Krist Kon 'Bok Kei-Dei mă bơ̆n ư-ang dah ưh?”

Luka 2:11

Măng 'nâu tơ pơlei Đawit, đe tơpŭ kơ minh 'nu 'Bok Dŏng Pơklaih, 'Bok Kră Yang, Krist.

Yo 1:49

Nathanel khan kơ Sư dơ̆ng: “Ơ 'Bok Thây, lei Ih boih Kon Kră Yang 'Bok Kei-Dei, Ih Pơtao bơngai Isơrael tơpă.”

Yo 11:27

Mathê drơ̆ng: “Ơ 'Bok, inh lui tơpă. Inh lui kơ Ih 'Bok Krist, Kon 'Bok Kei-Dei mă nhôn chang gô jur tơ ala teh âu wă dŏng pơklaih nhôn.”

Yo 20:31

Lu tơdrong chih lăm hla bơar 'nâu wă kơ lu iĕm lui kơ Yêsu Krist, Sư 'Bok Dŏng Pơklaih bơ̆n, Sư Kon 'Bok Kei-Dei. Dah lu iĕm lui lei lu iĕm gơh arih ling-lang yua kơ Sư.

Yo 6:57

'Bă Inh mă arih ling-lang, Sư wơh Inh na Inh oei arih yua kơ 'Bă Inh. Thoi noh mơ̆n bơngai mă sa sĕch akar Inh, sư gô oei arih yua kơ Inh.

Yo 6:68

Pêtrôs khan kơ Sư: “Ơ 'Bok, nhôn wă kiơ̆ bu dơ̆ng lĕ? Tơdrong Ih bơtho khan wă ăn kơ nhôn gô arih ling-lang tơpă.

Yo 6:69

Nhôn lui boih kơ Ih. Nhôn băt kơ Ih Kon 'Bok Kei-Dei mă 'lơ̆ng tơpăt.”

Jang 14:15

“Ơ bre, iĕm wă pơm kiơ? Nhi kư̆m kon bơngai lei-lăi thoi iĕm mơ̆n. Nhi wă bơtho kơ iĕm Tơdrong 'Nao 'Lơ̆ng, wă kơ iĕm tŭk lê̆ dôm lu yang iĕm pơm kơkuh noh mă ưh kơ yua kiơ, na iĕm lui kiơ̆ kơ 'Bok Kei-Dei đĕch. 'Bok Kei-Dei arih ling-lang. Sư pơjing plĕnh teh, đak dơsĭ păng đĭ-đăng sem tơmam oei lăm ala teh đak.

Jang 8:36

Kơplah bre sư oei yak rok trong ei, bre sư 'bôh đak. Na bơngai ei khan kơ Philip: “Ih lăng 'bơ̆t âu đei đak glung. Ih hăm gơh pơm kơ inh 'batem dang ei dah ưh?”

Jang 8:37

Philip khan: “Dah ih lui hăm đĭ jơhngơ̆m klơm klak ih, gơh mơ̆n pơm.” Na bơngai pơm tih ei khan: “Inh lui kơ Yêsu Krist Kon 'Bok Kei-Dei.”

Jang 9:20

Sư kư̆m bơtho hloi tơdrong Yêsu tơ hnam akŭm đe Juđê. Sư khan Yêsu Kon 'Bok Kei-Dei tơpă.

Rom 1:4

Yang Bơhngol 'Lơ̆ng tơbăt ăn kơ bơ̆n Yêsu Yang, Kon 'Bok Kei-Dei. Sư tơbăt ăn kơ bơ̆n tơdrong Yêsu Kon 'Bok Kei-Dei, Sư tơ'bôh kơ bơ̆n 'bôh Sư mơsêh mơyang gơh iung arih đơ̆ng lôch. 'Noh bơ̆n băt kơ Yêsu Sư Yang tơpă.

II Kor 1:19

Yêsu Krist Kon 'Bok Kei-Dei, mă nhôn đe Silas, Timôthê năm bơtho tơ tŏk-bŏk iĕm sơ̆, Sư pơkă wă tơgŭm bơ̆n ưh kơ sĭ phŏ 'blep phŏ ưh. Ưh ôh. Sư pơkă ling-lang 'blep ngăl.

II Kor 3:3

Iĕm dang kơthơ Yêsu Krist mă nhôn chih. Mă-lei ưh kơ sĭ chih păng đak mơ̆k ôh. Yang Bơhngol 'Lơ̆ng 'Bok Kei-Dei mă arih ling-lang Sư chih tơgŭm nhôn mă ưh kơ sĭ chih tơ tơmo lat thoi tơdrong 'Bok Kei-Dei pơkă hơdrol sơ̆ ôh, Sư chih tơ'băk tơ lăm jơhngơ̆m đon iĕm.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

Both 5:26

Hăm đei bu kơtơ̆ng boih nơ̆r Kră Yang 'Bok Kei-Dei oei pơma đơ̆ng lăm ŭnh, nhen thoi lu nhôn, mă-lei oei arih?

I Tes 1:9

Đe kơtơ̆ng thoi noh, đe kư̆m roi kơ nhôn mơ̆n tơdrong iĕm sơng iŏk nhôn păng tơdrong iĕm ưh pă wă kơkuh kơ lu rup yang dơ̆ng, na iĕm lui hloi kơ Kră Yang 'Bok Kei-Dei. 'Bok Kei-Dei Sư Yang tơpă, Sư arih ling-lang.

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

I Tim 4:10

Thoi noh na bơ̆n athei adrin tơpă jang tơdrong 'Bok Kei-Dei yua kơ bơ̆n băt tơpă boih Sư arih ling-lang păng dŏng pơklaih đĭ-đăng bơngai đơ̆ng tơdrong yoch, dôm lu bơngai lui kơ Sư.

Hêbrơ 10:31

Na bơ̆n pơm ưh kơ 'blep trŏ kơ tơ'ngla mă arih ling-lang, hơmơt dêh hli kơ Sư phak.

Hêbrơ 12:22

Mă-lei kông mă 'Bok Kei-Dei wă tơ'bôh kơ bơ̆n, ưh kơ sĭ kơ kông Sinai lu bơngai noh sơ̆ ôh. Bơ̆n gô tŏk truh tơ kông Siôn tơ plĕnh ti mă đe anăn Pơlei Jêrusalem, pơlei tơ'ngla 'Bok Kei-Dei mă arih ling-lang. Tơ ei ưh kơ băt dôm rơbâu rơngan 'nu lu linh jang 'lơ̆ng akŭm kơkuh kơ 'Bok Kei-Dei hiôk chơt.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

I Yo 4:15

Bơngai bu khan Yêsu Kon 'Bok Kei-Dei, 'Bok Kei-Dei oei lăm bơngai 'noh, bơngai 'noh sư pôm đon păng 'Bok Kei-Dei tơpă boih.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.

I Yo 5:5

Dôm tơdrong ala teh âu thuơ kơ bu? Dôm tơdrong ala teh âu thuơ kơ lu bơngai mă lui kơ Yêsu Kon 'Bok Kei-Dei.

Tơdrông Tơ'bôh 7:2

Đơ̆ng noh inh 'bôh dơ̆ng minh 'nu linh jang 'lơ̆ng nai sư tŏk đơ̆ng gah hơlĕch chĕp đŏng yâu wă chơ̆m tơ klĕng lu bơngai lui kơ 'Bok Kei-Dei, 'Bok mă arih ling-lang. Na linh jang noh pơma 'bơ̆r re kơ lu linh jang 'lơ̆ng nai mă dơ̆ng tơ puăn pah mum teh đak mă 'Bok Kei-Dei ăn pơrăm teh, đak dơsĭ, lu 'long noh, khan: