Mathiơ 16:11 - Sơ̆p Hlabơar Nơ̆r 'Bok Kei-Dei

¹¹ Na lơliơ iĕm tơchĕng khan Inh jô̆ kơ iĕm hiơt kơ chĕp 'bĕng mi? Ưh kơ sĭ Inh jô̆ tơdrong noh ôh. Inh athei iĕm kơchăng weh ataih kơ 'buih pông đe Pharisi păng Sađusê.”

Mathiơ 16:11 Iomraidhean Croise

Mathiơ 16:1

Khŭl Pharisi păng khŭl Sađusê năm apinh Yêsu pơm tơdrong mơsêh đơ̆ng plĕnh ti. Lu sư khan wă kơ băt Yêsu đơ̆ng 'Bok Kei-Dei tơpă dah ưh. Mă tơpă sư wă pơlong Yêsu hăm gơh pơm dah ưh.

Mathiơ 16:12

Yêsu pơma thoi noh boih na lu sư băt kơ Yêsu ưh kơ athei sư kơchăng kơ 'buih 'bĕng mi pông tơpă ôh. Sư athei kơchăng weh ataih kơ 'bơ̆r đon đe Pharisi păng đe Sađusê bơtho, hli kơ apoh kơ lu sư.

Mathiơ 16:6

Yêsu khan kơ lu sư: “Iĕm athei kơchăng weh ataih kơ 'buih pông đe Pharisi păng đe Sađusê.”

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?

Markôs 4:40

Na Sư khan kơ lu đe ei: “Yua kơ kiơ iĕm hli? Iĕm tam băt gơnang kơ Inh hă?”

Markôs 8:15

Yêsu khan kơ lu sư: “Iĕm athei kơchăng weh ataih kơ 'buih 'bĕng mi pông đe Pharisi păng 'buih 'bĕng mi pông Hêrôt.”

Markôs 8:21

Yêsu khan kơ lu sư: “Iĕm tam mă hlôh 'mơ̆i dah kiơ?”

Luka 12:1

Klaih kơ noh đei lơ rơbâu 'nu bơngai akŭm tơ Yêsu truh kơ lu sư mah tơhmĕt tơhmot dih băl. Na Yêsu pơma kơdrô̆ kơ lu bơngai pơhrăm păng Sư thoi âu: “Iĕm athei kơchăng kơ lu bơngai Pharisi hŏ yua kơ lu sư bơngai 'bơ̆r đak klak ŭnh.

Luka 12:56

Ơ lu bơngai hơlĕnh, iĕm kơnăl kơ plĕnh wă 'mi dah 'năr wă tŏ ră, mă-lei liơ iĕm pơm ưh kơ băt kơ 'Bok Kei-Dei wă pơgơ̆r lu iĕm dang ei ră?

Yo 8:43

Inh tơhlôh ăn kơ iĕm thoi noh boih, kơlih kơ kiơ iĕm ưh kơ wao tơdrong Inh bơtho? Hăm trŏ iĕm arăng kơ̆l ưh kơ wă lui kơ nơ̆r Inh bơtho?