Mathiơ 15:9 - Sơ̆p Hlabơar Nơ̆r 'Bok Kei-Dei

⁹ Lu sư kơkuh kơ Inh ưh kơ yua kiơ. Lu sư bơtho tơdrong ala teh; mă-lei khan tơdrong 'Bok Kei-Dei.’ ”

Mathiơ 15:9 Iomraidhean Croise

Horiso 39:6

Tơpă rim 'nu yak năm, thoi lĕ kơ yơ̆p. Sư bơ̆jang gleh lap, tơdrong kơ đei. Bơngai mă mong mŭk tơmam, mă-lei ưh kơ băt bu wă iŏk yua.

Horiso 73:13

Tơdrong kơ đei inh kư̆ hrăn wei jơhngơ̆m rơgoh, ôp ti huay kơ pơm yoch.

Le 20:7

Iĕm 'nĕ yua anăn Kră Yang 'Bok Kei-Dei iĕm wă pơma kư̆ kă, yua kơ Kră Yang ưh kơ achăng ôh bơngai bu yua anăn Kră Yang 'Bok Kei-Dei mă pơma kư̆ kă.

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Lêwi 26:16

Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.

Lêwi 26:20

Jơhngơ̆m pran lu iĕm gô hiong tơdrong kơ đei, teh đak ưh pă đei chăt lu hla 'nhot, tơm 'long lăm char lu iĕm kư̆m ưh pă đei plei sa.

Malachi 3:14

Lu iĕm đei khan: “Đe mă bơ̆jang kơ Kră Yang 'Bok Kei-Dei noh tơdrong ưh kơ đei; lu bơ̆n wei nơ̆r Sư bơtho pơkă, athei bơwei păng yak nơnăm lăm tơdrong ơh sơ'ngon 'bơ̆t anăp Kră Yang Tih Hloh, na lơi kiơ?

Mathiơ 15:10

Yêsu krao đĭ-đăng lu bơngai kiơ̆ ei na khan: “Apinh iĕm mơ̆ng Inh 'biơ̆ păng pơwao kơdih:

Markôs 7:7

Lu sư kơkuh kơ Inh ưh kơ yua kiơ. Lu sư bơtho tơdrong ala teh, mă-lei khan tơdrong 'Bok Kei-Dei.’ ”

I Kor 15:2

Yua kơ tơdrong 'nao 'lơ̆ng 'nâu, na iĕm gơh klaih. Dang ei đĭ kơ iĕm hăm oei răk tơdrong 'nao 'lơ̆ng mă đêl inh bơtho kơ lu iĕm dah ưh? Tơ̆ng ưh, tơdrong lu iĕm lui ưh kơ đei yua kiơ ôh.

Both 12:32

Lu iĕm athei kơchăng; pơm kiơ̆ mă trŏ thoi noh 'nĕ kơ hŭt dah pơthim kiơ.

I Tim 1:4

Ih athei lu sư hŭt lê̆ tơdrong roi kư̆ kă gah adrĕch adrung yă 'bok so sơ̆. Kơlih kơ sư bơtho tơdrong 'noh na lu sư pơjah ling-lang. Lu tơdrong 'noh ưh kơ yua wă tơgŭm bơ̆n ôh. Bơ̆n chu lui kơ Sư mă tơpă na bơ̆n gơh jang tơdrong Sư.

Tit 1:14

Păng ih khan kơ lu sư 'nĕ pă lui kơ tơdrong hơ'mon lu bơngai Juđê. Athei lu sư hŭt đĭ lu tơdrong 'noh yua kơ tơdrong 'noh đơ̆ng kon bơngai tơchĕng đĕch. Kơlih kơ bơngai mă nŏng bơtho đe hơ'mon 'noh sư hŭt lê̆ tơdrong 'Bok Kei-Dei boih.

Hêbrơ 13:9

Iĕm 'nĕ kơ lui kơ tơdrong đe bơtho phara pha, hli kơ iĕm lui chroih tơ nai. Pơtih gia dah đe bơtho khă bơ̆n gah tơdrong sa et tơmam giĕng; tơdrong giĕng noh ưh kơ gơh pơm kơ bơ̆n lui kơjăp ôh. Tơdrong lui kơjăp noh đơ̆ng Yang Bơhngol 'Lơ̆ng gơh pơm kơ bơ̆n.

Ya 2:20

Ơ lu bơngai kơhlôh, iĕm ưh tam băt 'mơ̆i hă, tơdrong bơngai mă khan sư lui boih mă sư ưh kơ pơm kiơ̆, na iĕm wă kơ inh tơ'bôh kơ iĕm tơdrong bơngai mă lui ưh kơ yua noh hă?

Tơdrông Tơ'bôh 22:18

Na 'nâu inh Yôhan wă khan lê̆ kơ đe bu mă kơtơ̆ng boih hla bơar 'Bok Kei-Dei chih tơbăt kơ bơ̆n âu: Tơ̆ng bu pơma pơthim nơ̆r sư tơ lăm hla bơar âu, bơngai noh 'Bok Kei-Dei kư̆m pơthim ăn kơ sư tơdrong pơmat kiơ̆ thoi Sư pơkă tơ lăm hla bơar âu.

I Sam 25:21

Đawit đei pơma khan: Tơpă pih pang gleh lap đĕch lu nhôn hlôi bơwei dôm tơmam bơngai 'nâu lăm char glă, sư huay kơ'bah dah hiong minh tơdrong kiơ, mă-lei sư iŏk tơdrong kơnê̆ 'mong tơdrong 'lơ̆ng inh pơm.