Mathiơ 15:31 - Sơ̆p Hlabơar Nơ̆r 'Bok Kei-Dei

³¹ Lu bơngai tơpôl ei 'bôh tơdrong noh hlĭch tơpă: Bơngai kơmlo mah gơh pơma, bơngai kue jo kư̆m klaih 'lơ̆ng, bơngai măt tol gơh 'bôh hơdah, na lu sư ư-ang kơ Kră Yang 'Bok Kei-Dei bơngai Isơrael juăt kơkuh đơ̆ng sơ̆.

Mathiơ 15:31 Iomraidhean Croise

Bl 32:28

Bơngai ei khan: “Anăn ih ưh pă Jakôp dơ̆ng boih. Mă-lei krao anăn ih Isơrael, b yua kơ ih tơglơ̆m hăm Kră Yang 'Bok Kei-Dei păng bơngai nai; tă kơ jei ih ngăl.”

Bl 33:20

Tơ anih noh sư pơm chơnang soi, sư anăn Êl Êlôhe Isơraelc

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 50:23

Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”

Le 24:10

Tơmang 'bôh Kră Yang 'Bok Kei-Dei Isơrael tơ ala jơ̆ng Sư đei minh pôm tơmam thoi trong lơ̆k tơmo gĭt rang, nhen thoi hơdah plĕnh.

Mathiơ 15:30

Mă-lei kư̆m đei lơ bơngai năm chă Sư anhăk lu bơngai kue jo, mơ'nah măt tol, mơ'nah kơmlo, lơlap lơlang bơngai jĭ jăn nai. Lu sư tơ'bĭch pơdă 'bơ̆t anăp Yêsu, na Yêsu tơgŭm pơklaih đĭ dôm lu bơngai jĭ jăn noh.

Mathiơ 18:8

“Dah minh pah ti iĕm dah jơ̆ng iĕm pơm kơ iĕm yoch, chơ̆ng tŭk minh pah ti dah jơ̆ng noh, na oei pă minh pah ti dah jơ̆ng noh, mă-lei gơh mơ̆t oei hăm 'Bok Kei-Dei ling-lang. 'Noh 'lơ̆ng hloh kơ iĕm oei tôm 'bar pah jơ̆ng ti mă-lei wă huŏng pơđĭ hăm akâu tơ dơnâu ŭnh ưh kơ layơ păt.

Mathiơ 21:14

Kơplah noh đei lu bơngai măt tol, lu bơngai jơ̆ng kue năm tơ Sư, na Sư pơklaih hloi.

Mathiơ 8:10

Yêsu kơtơ̆ng 'bok tih linh khan thoi noh, Sư mah hlĭch kơ đon yua kơ 'bok noh đei đon lui tơpă. Thoi noh na Sư khan kơ lu bơngai kiơ̆ ei: “Inh khan kơ iĕm tơpă, đơ̆ng sơ̆ Inh tam mă 'bôh ôh khŭl bơngai Juđê lui kơjăp dang bơngai Rôm âu.

Mathiơ 9:32

Lăp bre noh 'nao wă lĕch tơ nai, đei bơngai nai năm ba minh 'nu bơngai yang mơ̆t pơm kơ sư kơmlo.

Mathiơ 9:33

Na Yêsu pơpuh yang kơnê̆ ei lĕch đơ̆ng akâu bơngai noh na bơngai noh gơh pơma hloi. Đĭ-đăng lu bơngai tơpôl oei kiơ̆ ei lăng hlĭch, na lu sư khan: “Dêh char Isơrael bơ̆n đơ̆ng sơ̆ ưh kơ đei bu gơh pơm tơdrong mơsêh mơyang thoi âu ôh ii?”

Mathiơ 9:8

Lu đe oei kiơ̆ ei 'bôh tơdrong noh, lu sư hli na ư-ang kơ 'Bok Kei-Dei khan: “Bơngai âu 'Bok Kei-Dei ăn wă pơklaih yoch păng jĭ jăn kon bơngai tơpă.”

Markôs 2:12

Sư iung hloi iŏk anhŭn sư lĕch brŏk 'bơ̆t anăp đe tơpôl lơ. Thoi noh na đĭ-đăng lu bơngai oei kiơ̆ ei 'bôh hlĭch tơpă păng ư-ang kơ 'Bok Kei-Dei khan: “Đơ̆ng sơ̆ bơ̆n tam 'bôh ôh tơdrong thoi âu iih?”

Markôs 7:37

Lu sư kư̆m băt chrêu kơ đon păng khan: “Yêsu gơh pơm tôm tơdrong 'lơ̆ng tơpă iih? Sư pơm kơ bơngai klĭk klot gơh kơtơ̆ng, bơngai kơmlo mah gơh pơma.”

Markôs 9:43

“Dah minh pah ti iĕm pơm kơ iĕm yoch, chơ̆ng lê̆ minh pah ti iĕm 'noh, na oei pă minh pah 'noh iĕm gơh mơ̆t oei păng 'Bok Kei-Dei. 'Noh 'lơ̆ng hloh kơ iĕm oei tôm 'bar pah ti ră, mă-lei wă huŏng lăm dơnâu ŭnh mă ưh kơ layơ păt.

Luka 14:13

Dah ih chă wơ̆n đe năm sŏng sa tơ hnam ih, lei ih athei wơ̆n lu bơngai dơnuh hin, lu bơngai jơ̆ng jo go kơdŭ, lu bơngai măt tol.

Luka 14:21

“Đam 'nei brŏk brăi tơ hnam na sư roi kơ tơ'ngla sư dôm tơdrong 'nei. Na tơ'ngla sư kơtơ̆ng thoi ei, sư 'blut tơpă, na sư khan hloi kơ đam sư: ‘Ih dah chă năm rim kơ trong jơ̆p lăm pơlei âu chă krao wơ̆n lu bơngai dơnuh hin, lu bơngai jơ̆ng jo go kơdŭ, lu bơngai măt tol, tĕnh.’

Luka 18:43

Đang Yêsu pơma thoi noh măt sư 'bôh hơdah hloi. Sư kiơ̆ hloi Yêsu. Sư pơma ư-ang kơ 'Bok Kei-Dei, lu bơngai tơpôl kư̆m pơma ư-ang kơ 'Bok Kei-Dei mơ̆n.

Luka 7:16

Đĭ-đăng lu bơngai kiơ̆ ei hli ngăl, na lu sư ư-ang kơ 'Bok Kei-Dei khan: “Bơngai pơtruh nơ̆r 'Bok Kei-Dei mơsêh tơpă năm tơ bơ̆n boih.” Lu sư kư̆m khan dơ̆ng: “Dang ei 'Bok Kei-Dei wă tơgŭm lu bơngai Isơrael tơpă.”

Yo 9:24

Na lu sư krao bơngai đêl măt tol ei minh 'măng dơ̆ng na jet sư: “Ih bơnê kơ 'Bok Kei-Dei đĕch hŏ măt ih gơh 'bôh hơdah boih. Gah nhôn băt kơ Yêsu bơngai yoch tơpă.”