Mathiơ 15:29 - Sơ̆p Hlabơar Nơ̆r 'Bok Kei-Dei

²⁹ Đơ̆ng noh Yêsu năm tơ jih đak dơsĭ Galilê, đang ngôi kiơ̆ jih đak noh Sư tŏk tơ kông tơoei pơdơh ngôi 'biơ̆.

Mathiơ 15:29 Iomraidhean Croise

Êsai 9:1

Kon pơlei năm lăm măng mu 'bôh bơih tơdrong hơdah tih; păng tơdrong hơdah pơchrang bơih kơ lu bơngai oei lăm dêh măng mu gueo.

Mathiơ 13:2

Đei lơ bơngai akŭm tăp dăr kơ Sư, na Sư tŏk oei kơpal thŏng-nan tơ đak, lu bơngai tơpôl oei tơ jih đak.

Mathiơ 4:18

Kơplah Yêsu năm kiơ̆ ter jih đak dơsĭ Galilê, Sư 'bôh 'bar 'nu 'nhŏng oh, anăn bre sư Simôn păng đe kư̆m anăn sư Pêtrôs, oh sư Andrê; bre sư oei traih jal chă ka lăm đak dơsĭ yua kơ bre sư bơngai juăt kơ chă ka ling-lang.

Mathiơ 5:1

Yêsu 'bôh lơ bơngai wă năm tơ Sư, na Sư tŏk tơ kông; truh kơpal kông boih na Sư tơoei wă bơtho đe, lu bơngai pơhrăm păng Sư năm tơ Sư tơ ei.

Markôs 1:16

Kơplah Sư năm kiơ̆ ter jih đak dơsĭ Galilê Sư 'bôh bre Simôn păng oh sư Andrê oei traih jal chă ka tơ đak dơsĭ, yua kơ bre sư bơngai juăt kơ chă ka ling-lang.

Luka 5:1

Minh năr ei Yêsu oei tơ jih đak dơsĭ Galilê mă đe kư̆m anăn dơsĭ Gênêsaret, na lu đe tơpôl hmĕt hmot Sư yua kơ wă mơ̆ng Sư bơtho tơdrong 'Bok Kei-Dei.

Yo 21:1

Đơ̆ng rŏng kơ noh Yêsu tơ'bôh akâu Sư minh wơ̆t dơ̆ng kơ lu bơngai pơhrăm păng Sư tơ jih đak dơsĭ Galilê. Sư tơ'bôh akâu Sư thoi âu:

Yo 6:1

Đunh 'biơ̆ đơ̆ng ei, Yêsu tŏk pah to đak dơsĭ Galilê mă đe kư̆m anăn dơsĭ Tiberia.

Yo 6:23

Mă-lei năr đơ̆ng rŏng đei lơ thŏng-nan nai đơ̆ng Pơlei Tiberia năm truh tơ anih Kră Yang Yêsu krao khan bơnê kơ 'Bok Kei-Dei na asong kơ lu bơngai tơpôl tơmam sa.

Jôsuê 12:3

Sư kư̆m pơgơ̆r wei-lăng đĭ tơ lăm thŭng truh tơ đak dơsĭ Kinêrot gah hơlĕch thŭng đak Dơsĭ 'Boh, tơ gah hơlĕch kơ Bêt Jêsamôt, sư kư̆m wei-lăng truh lăm thŭng gah gơal jê̆ jơ̆ng kông Pisga,