Mathiơ 15:27 - Sơ̆p Hlabơar Nơ̆r 'Bok Kei-Dei

²⁷ Bơngai drŏ-kăn ei khan: “Ơ 'Bok, trŏ boih, mă-lei inh wă kơ Ih tơgŭm inh 'biơ̆, yua kơ phŏ phŏ inh kư̆m 'bôh kŏ năm alep sa đêl kon hơ'lơ̆p sa asĭ.”

Mathiơ 15:27 Iomraidhean Croise

Bl 32:10

Inh âu ưh kơ rơ-a na ưh kơ hơnhŏ gơh đei pŭn hiôk păng dôm tơdrong 'lơ̆ng tơpăt Ih mă đei pơm boih kơ đĭch đam Ih adrol sơ̆. Wă tŏk găn đak Krong Jôrđăn inh đei lăp minh pôm 'long jra đĕch, kơna dang ei inh đei 'bar khŭl bơngai âu.

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Da 9:18

Ơ Kră Yang 'Bok Kei-Dei inh, apinh Ih pơgling đon păng mơ̆ng. Apinh Ih lar măt lăng bĕ dôm anih juơ juŏ lu nhôn păng pơlei mă krao anăn Ih! Ưh kơ sĭ gơnang kơ tơdrong tơpăt nhôn kơdih na krao apinh Ih, mă-lei gơnang kơ đơ̆ng tơdrong Ih 'mêm mơnat kơ đĭ-đăng.

Mathiơ 15:26

Yêsu khan: “Lu bơngai Isơrael dang kon Inh, dah Inh tơgŭm ih bơngai tơmoi, lei dang Inh klơ̆m tŭk tơmam sa kon Inh ăn kơ kŏ sa.”

Mathiơ 15:28

Sư pơma trŏ thoi noh, na Yêsu khan: “Ơ yă, ih lui kơjăp tơpă. Tơdrong ih apinh noh gô đei kơ ih.” Kơplah noh kon adruh sư klaih hloi.

Mathiơ 5:45

thoi noh na iĕm gơh jing kon 'Bok Kei-Dei 'Bă bơ̆n tơ plĕnh ti, yua kơ Sư kư̆m 'mêm kơ lu bơngai noh, na Sư ăn măt 'năr pơchrang hơdah kơ đĭ-đăng bơngai, mă bơngai 'lơ̆ng mă bơngai kơnê̆. Sư ăn đak 'mi lei-lăi mơ̆n ưh kơ 'mêm kơ bu wă pơdê bu ôh.

Mathiơ 8:8

'Bok tih linh ei khan: “Ơ 'Bok, inh ưh kơ hơnhŏ wă anhăk ba Ih tơ hnam inh ôh, inh wă kơ Ih sơkat đơ̆ng âu đĕch na sư tơ hnam klaih.

Markôs 7:28

Na bơngai drŏ-kăn ei khan kơ Yêsu: “Ơ 'Bok, trŏ boih, mă-lei inh wă kơ Ih tơgŭm inh 'biơ̆, yua kơ phŏ phŏ inh kư̆m 'bôh kŏ năm alep sa đêl kon hơ'lơ̆p sa asĭ.”

Luka 16:21

Sư wă răp tơmam sa mă đêl rơkah đơ̆ng bơngai mơdrŏng ei sa. Lu kŏ kư̆m liơh jĭ sư mơ̆n.

Luka 18:13

“Mă-lei bơngai mă chă iŏk jên thuê̆ noh oei ataih đơ̆ng bơngai Pharisi ei. Sư ưh kơ pơ̆n ngơk muh măt sư tơ plĕnh, mă-lei sư tŭr kơdih kơtơh păng khan: ‘Ơ 'Bok Kei-Dei, apinh Ih mơnat kơ inh 'biơ̆ yua kơ inh bơngai yoch.’ ”

Rom 10:12

Kră Yang Yêsu Krist Sư lăng rim khŭl bơngai lei-lăi đĕch, ưh kơ phara ôh. Sư lăng bơngai Isơrael kư̆m dang bơngai nai. Sư wei-lăng tơgŭm tơpă rim khŭl bơngai mă băt kơ krao khan apinh Sư.

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Rom 3:29

Bĭ iĕm tơchĕng thoi yơ, 'Bok Kei-Dei Sư Kră Yang lu bơngai Juđê đĕch dah lu bơngai nai hai? Sư Kră Yang lu bơngai nai hai mơ̆n.

Rom 3:4

Đêl Sư pơkă lê̆ hơdrol Sư gô pơm 'blep thoi Sư pơkă tơpă. Mă kon bơngai bơ̆n juăt kơ hơlĕnh kơ Sư, kuă kơ kiơ̆ 'bơ̆r đon Sư mă-lei Sư oei pơm 'blep kơ nơ̆r Sư pơkă đĕch, Sư ưh kơ hơlĕnh thoi bơ̆n ôh. Na tơdrong noh 'blep thoi tơdrong đe chih roi lê̆ sơ̆ tơpă, sư khan thoi âu: “Ơ Kră Yang, Ih pơma 'lơ̆ng, pơma tơpăt ling-lang. Na kon bơngai wă sek tơlang tơdrong Ih, mă-lei lu sư ưh kơ gơh sek tơlang thoi yơ, yua kơ Ih pơm tơpăt kiơ̆ kơ nơ̆r Ih pơkă ngăl.”

Êphêsô 3:19

Inh apinh Sư ăn kơ iĕm băt kơ Yêsu 'mêm kơ bơ̆n tih tơpă, mă ưh kơ băt tih dang yơ, jrŭ să sư dang yơ. Păng inh kư̆m apinh 'Bok Kei-Dei oei lăm jơhngơ̆m rim 'nu kơ lu iĕm.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.