Mathiơ 15:26 - Sơ̆p Hlabơar Nơ̆r 'Bok Kei-Dei

²⁶ Yêsu khan: “Lu bơngai Isơrael dang kon Inh, dah Inh tơgŭm ih bơngai tơmoi, lei dang Inh klơ̆m tŭk tơmam sa kon Inh ăn kơ kŏ sa.”

Mathiơ 15:26 Iomraidhean Croise

Mathiơ 15:25

Na bơngai drŏ-kăn ei kơkuh 'nap 'bơ̆t anăp Sư păng khan: “Ơ 'Bok, apinh Ih mơnat tơgŭm inh 'biơ̆ bĕ.”

Mathiơ 15:27

Bơngai drŏ-kăn ei khan: “Ơ 'Bok, trŏ boih, mă-lei inh wă kơ Ih tơgŭm inh 'biơ̆, yua kơ phŏ phŏ inh kư̆m 'bôh kŏ năm alep sa đêl kon hơ'lơ̆p sa asĭ.”

Mathiơ 7:6

“Iĕm 'nĕ pă bơtho tơdrong 'Bok Kei-Dei kơ lu bơngai mă ưh kơ lui mă wă pơjăm pơjuă iĕm ling-lang. 'Noh dang bơ̆n tŭk 'nhĕm giĕng ăn kơ kŏ sa, dang dơmŏng đe gĭt mă ăn kơ nhŭng, hli kơ lu sư pơm kơnê̆ kơ iĕm dơ̆ng.

Rom 9:4

Lu sư boih đe anăn bơngai Isơrael, lu sư boih 'Bok Kei-Dei jô̆ khan kon Sư; 'Bok Kei-Dei oei hơdai hăm lu sư, pơkă khan wă tơgŭm lu sư. 'Bok Kei-Dei pơkă kơ lu sư tơdrong juăt wă kơ lu sư kiơ̆ păng bơtho lu sư soi sơmah kơkuh kiơ̆ trŏ thoi Sư wă.

Galati 2:15

Nhôn bơngai Juđê đơ̆ng mĕ bơ̆n tơpŭ. Nhôn ưh kơ sĭ bơngai nai ôh. Nhôn kiơ̆ tơdrong juăt 'Bok Kei-Dei pơkă, lu bơngai nai ưh kơ kiơ̆ ôh.

Êphêsô 2:12

Sơ̆ iĕm ưh tam mă đei 'Bok Krist, iĕm ưh tam mă jing kon 'Bok Kei-Dei thoi lu bơngai Juđê. Dôm tơdrong 'Bok Kei-Dei pơkă wă tơgŭm lu bơngai Juđê, iĕm kư̆m ưh kơ đei. Iĕm ưh kơ đei bu wă tơgŭm. Iĕm ưh kơ băt kơ 'Bok Kei-Dei Sư thoi yơ.

Philip 3:2

Iĕm kơchăng hli kơ lu bơngai kăt tơdra akar, lu sư pơgŏ iĕm kăt kiơ̆ thoi lu sư. Tơdrong noh ưh kơ sĭ lu sư kăt kiơ̆ kơ tơdrong 'Bok Kei-Dei pơkă tơpă ôh. Lu sư kăt dang wă pơjĭ akâu đĕch. Lu sư dang kŏ, jang tơdrong kư̆ kă mơ̆ng kơ jơhngơ̆m hưch.

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.