Mathiơ 14:9 - Sơ̆p Hlabơar Nơ̆r 'Bok Kei-Dei

^9-10 Lăp pơtao Hêrôt kơtơ̆ng thoi noh sư sơ'ngon dêh. Mă-lei đêl nơ̆r sư pơkă hơdrol mah hiap akâu sư kơdih 'bơ̆t anăp lu bơngai et sa, na sư ưh kơ gơh lê̆ ôh, sư hơloh athei lu linh sư năm chơ̆ng kơ̆l Yôhan tơ hnam phak na ăn kơ adruh noh.

Mathiơ 14:9 Iomraidhean Croise

Bôk Bơthô 5:2

'Nĕ kơ hăt pơma păng jơhngơ̆m ih 'nĕ kơ hăt hot lĕch nơ̆r pơkă 'bơ̆t anăp Kră Yang 'Bok Kei-Dei, yua kơ Kră Yang 'Bok Kei-Dei oei tơ kơpal plĕnh ti, na ih oei tơ ala teh. Lei ih athei wei 'bơ̆r rim nơ̆r pơma mă 'lơ̆ng.

Je 44:25

'Nâu Kră Yang Tih Hloh, 'Bok Kei-Dei Isơrael, khan: Lu iĕm păng akăn lu iĕm đei pơm tơpă kiơ̆ thoi 'bơ̆r iĕm khan: ‘Wă pơm pơkeh dôm tơdrong mă đêl pơkă boih: Soh nhang păng pơyơ̆r sik ăn kơ yang Drŏ-kăn pơtao kơpal plĕnh.’ Lei pơm pơkeh bĕ dôm nơ̆r mă lu iĕm pơkă. Wei mă 'blep bĕ đêl nơ̆r iĕm pơkă.

Mathiơ 14:1

Kơplah noh pơtao Hêrôt kơtơ̆ng ang tơdrong mơsêh Yêsu. Pơtao Hêrôt kơplah noh sư pơgơ̆r dêh Galilê.

Mathiơ 14:5

Yua kơ tơdrong noh na pơtao Hêrôt athei đe rôp tah Yôhan lăm hnam phak. Sư wă pơlôch kơplah noh hloi ră mơ̆n mă-lei sư ưh kơ pơ̆n, hli kơ lu kon pơlei pơla Juđê yua kơ lu bơngai Juđê băt kơ Yôhan bơngai pơtruh nơ̆r 'Bok Kei-Dei tơpă.

Mathiơ 14:8

Na mĕ sư athei kon sư apinh chơ̆ng kơ̆l Yôhan. Na adruh ei khan kơ pơtao: “Inh wă kơ ih chơ̆ng ăn kơ inh kơ̆l Yôhan 'măn 'bơ̆t pơnhan chhĕr dang ei hloi; bơngai mă pơm 'batem kơ đe, 'noh boih inh wă.”

Markôs 6:14

Pơtao Hêrôt kơtơ̆ng ang tơdrong Yêsu, yua kơ đe ư-ang anăn Yêsu. Na lu mơ'nah khan Yôhan bơngai mă pơm 'batem kơ đe, sư lôch boih na dang ei sư iung arih dơ̆ng. Thoi noh na sư gơh pơm tôm tơdrong mơsêh âu.

Markôs 6:20

kơlih kơ pơtao Hêrôt hli kơ Yôhan. Hêrôt băt kơ Yôhan bơngai tơpăt păng bơngai đon 'lơ̆ng ling-lang. Thoi noh na sư ưh kơ ăn pơlôch, kơplah sư mơ̆ng Yôhan bơtho jơhngơ̆m sư wơ̆l wang ră mă-lei sư 'maih mơ̆ng mơ̆n.

Markôs 6:26

Lăp pơtao Hêrôt kơtơ̆ng thoi noh sư sơ'ngon dêh. Mă-lei đêl nơ̆r sư pơkă hơdrol mah hiap akâu sư kơdih 'bơ̆t anăp lu bơngai et sa, sư ưh pă gơh lê̆ yua kơ sư pơkă kơ adruh ei boih.

Luka 13:32

Na Yêsu khan: “Iĕm jah năm tơ 'bok hơlĕnh pơdăr noh khan kơ sư thoi âu: ‘Năr âu păng dơning Inh chă pơpuh yang kơnê̆ păng chă pơklaih đe jĭ jăn. Na năr dơmônh Inh đang tơdrong jang Inh boih.’

Lu 11:39

Truh đĭ 'bar khei, sư wih wơ̆t brŏk tơ 'bă sư; đơ̆ng noh 'bă sư pơm kơ kon sư kiơ̆ kơ nơ̆r sư đei pơkă pơkăm boih. Kon adruh sư oei hơlai hơnĭl ưh tam băt kơ drŏ-nglo ôh. Yua kơ đơ̆ng noh lu bơngai Isơrael sư đei tơdrong juăt:

Lu 21:1

Tơ lăm pơlei Mispa, lu kon pơlei Isơrael đei pơkă pơkăm băl: Lăm lu bơ̆n ưh kơ gơh ăn kon drŏ-kăn bơ̆n iŏk klo đơ̆ng bơngai Bênjamin.

I Sam 14:24

Kŭm lăm năr 'noh, bơngai Isơrael lap pă kĕ boih yua kơ Sôl athei 'blŏk nơ̆r đei pơkă pơkăm: Trŏ kơ hiap pơtê̆ bơngai ayơ mă sa tơmam kiơ adrol kơ 'năr kơsơ̆ huơ huĭnh wă măng, đang adrol kơ inh blah lu bơngai ayăt kơ inh! Yua kơ noh, na đĭ-đăng kon pơlei kơ̆m kơ pơ̆n sa tơmam kiơ hloi.

I Sam 14:28

Đei bơngai lăm kon pơlei khan: 'Bă ih đei pơkă hăm kon pơlei: Trŏ kơ hiap pơtê̆ bơngai bu mă sa tơmam kiơ lăm năr âu. Na kon pơlei rơmơ̆n pă kĕ kơ pơngot.

I Sam 25:22

Hơpơi kơ Kră Yang 'Bok Kei-Dei phak inh thoi âu dah mă trăp hloh! Tơdah truh tơ dơning inh oei lê̆ minh 'nu bơngai drŏ-nglo ayơ oei arih lăm hnam dơnŏ sư.

I Sam 28:10

Sôl pao anăn Kră Yang pơkă hăm bơngai drŏ-kăn: Inh pao anăn Kră Yang mă arih ling-lang pơkă, ih ưh kơ đei yoch kiơ lăm tơdrong jang 'nâu.