Mathiơ 14:6 - Sơ̆p Hlabơar Nơ̆r 'Bok Kei-Dei

⁶ Lăp trŏ năr đe tơpŭ kơ Hêrôt, đe sa et pơrŏ na kon adruh duch Hêrôđia mơ̆t suang tơ anih đe et sa, na pơtao Hêrôt lăp đon dêh.

Mathiơ 14:6 Iomraidhean Croise

Bl 40:20

Truh tơ năr mă pêng, trŏ năr tơpŭ kơ Pharaôn, sư hơmet et sa chơt hiôk krao đĭ lu 'bok tih păng tơlĕch hloi 'bok lăng hơmet đak nhă hăm 'bok pơm 'bĕng đơ̆ng hnam phak.

Esther 2:18

Đơ̆ng noh pơtao pơih sŏng sa tih, krao lu kuan tih păng lu yŏng pơgơ̆r, hăm asong ăn đĕch tơmam kơ kon pơlei păng pơtao kư̆m tơjur thuê̆ lăp ai ăn kơ rim tơring.

Mathiơ 14:3

Sơ̆ pơtao Hêrôt wơh đe năm rôp chô̆ Yôhan tah tơ lăm hnam phak, yua kơ minh 'nu duch anăn sư Hêrôđia wă kơ thoi noh. Duch Hêrôđia ei akăn oh pơtao Hêrôt, anăn sư Philip. Mă-lei 'nhŏng sư Hêrôt tơgar iŏk akăn oh sư.

Mathiơ 14:7

Na sư mah khan kơ adruh noh thoi âu: “Dah inh hơlĕnh mă 'Bok Kei-Dei phak inh, ih wă kơ kiơ inh kư̆m ăn.”

Mathiơ 22:24

“Ơ 'Bok Thây, tơdrong juăt Môis chih ată kơ bơ̆n sơ̆ thoi âu: ‘Dah 'nhŏng bu lôch, mi sư adro ưh kơ đei kon, oh sư noh athei iŏk mi sư pơm akăn na pơjing kon kơ 'nhŏng sư.’

Markôs 6:14

Pơtao Hêrôt kơtơ̆ng ang tơdrong Yêsu, yua kơ đe ư-ang anăn Yêsu. Na lu mơ'nah khan Yôhan bơngai mă pơm 'batem kơ đe, sư lôch boih na dang ei sư iung arih dơ̆ng. Thoi noh na sư gơh pơm tôm tơdrong mơsêh âu.

Markôs 6:17

Sơ̆ pơtao Hêrôt wơh đe năm rôp Yôhan tah lăm hnam phak tơpă, yua kơ minh 'nu duch anăn sư Hêrôđia wă kơ thoi noh. Duch Hêrôđia ei akăn oh Hêrôt, anăn sư Philip. Mă-lei 'nhŏng sư Hêrôt tơgar iŏk akăn oh sư.

Markôs 6:19

Kơlih kơ Yôhan khan thoi noh na duch Hêrôđia hil kơ Yôhan, athei đe pơlôch sư, mă-lei ưh kơ gơh,

Markôs 8:15

Yêsu khan kơ lu sư: “Iĕm athei kơchăng weh ataih kơ 'buih 'bĕng mi pông đe Pharisi păng 'buih 'bĕng mi pông Hêrôt.”

Luka 13:31

Kơplah Yêsu oei bơtho 'bơ̆t ei đei lu bơngai Pharisi năm tơ Sư păng khan: “Ih athei weh tơ nai yua kơ Hêrôt wă chă pơlôch Ih.”

Luka 23:11

Na Hêrôt păng lu linh sư che bơle pơ'brơh kơ Yêsu. Lu sư pơhrŭk ăn kơ Yêsu ao tai rŏ tơpă pơm thoi pơtao na tơwih Sư tơ Pilat dơ̆ng.

Luka 23:7

Lu sư khan kơ Pilat thoi âu: “Sư bơngai Galilê tơpă.” Na mă Pilat wơh đe anhăk ba Sư tơ pơtao Hêrôt, yua kơ Hêrôt pơgơ̆r dêh Galilê. Hêrôt hơtai ei sư năm ngôi tơ Pơlei Jêrusalem.

Luka 3:1

'Bok Kei-Dei tơbăt kơ Yôhan mă kon Sachari nơ̆r Sư tơ char glă sơ̆. Kơplah noh sơ̆ 'bok Tiberi pơm pơtao tơm lu bơngai Rôm đei mơjĭt-pơđăm sơnăm boih. Bonsơ Pilat pơgơ̆r dêh char Juđê, na Hêrôt pơgơ̆r dêh char Galilê. Đơ̆ng noh dơ̆ng 'bok Philip, oh Hêrôt, sư pơgơ̆r dêh char Itur păng dêh char Trachônit. Na 'bok Lisan pơgơ̆r dêh char Abilen. Kơplah ei sơ̆ 'bok Ana păng 'bok Kaiphe oei pơm 'bok soi tơm đe Juđê.

Luka 3:19

Yôhan khă pơtao Hêrôt yua kơ sư tơgar iŏk Hêrôđia, akăn oh sư păng Hêrôt kư̆m pơm lơ tơdrong kơnê̆ nai dơ̆ng.

Luka 8:3

Yă Jôanna akăn Chusa. Chusa noh sư wei-lăng tơmam pơtao Hêrôt. Yă Susana păng kư̆m đei lơ drŏ-kăn nai dơ̆ng kiơ̆ hơdai Yêsu. Lu sư tơgŭm Yêsu păng lu bơngai pơhrăm păng Sư bơ̆n tơmam, bơ̆n jên.

Jang 12:1

Hơtai ei pơtao Hêrôt rôp lu bơngai lui kơ Yêsu mơ'nah wă kơ pơrăm lu sư.

Jang 4:27

Lăm Pơlei Jêrusalem âu lu kră pơgơ̆r hlôi ayăt kơ Kon Ih Yêsu mă 'lơ̆ng tơpăt, Sư boih 'Bok Krist mă Ih ăn pơgơ̆r nhôn. 'Bok pơtao Hêrôt păng 'bok pơgơ̆r Pilat, bre sư pơm minh đon păng lu bơngai dêh đe tơmoi păng lu bơngai Isơrael wă ayăt kơ Yêsu; trŏ tơpă yua kơ đơ̆ng nơ̆r Ih khan lê̆ hơdrol sơ̆, truh dang ei 'blep tơpă boih.