Mathiơ 14:29 - Sơ̆p Hlabơar Nơ̆r 'Bok Kei-Dei

²⁹ Na Yêsu khan: “Năm tơ âu wăi.” Na Pêtrôs jur hloi đơ̆ng thŏng-nan yak kơpal đak năm tơ Sư.

Mathiơ 14:29 Iomraidhean Croise

Mathiơ 14:28

Pêtrôs khan kơ Sư: “Ơ 'Bok, tơ̆ng Ih tơpă lei Ih ăn kơ inh gơh yak kơpal đak năm tơ Ih.”

Mathiơ 14:30

Pêtrôs sư hli kơ kial hơbŭt tih na akâu sư hiŭp hiŭp wă krăm hloi, na sư jah tơtom krao Yêsu khan: “Ơ 'Bok, hiot inh bĕ.”

Mathiơ 17:20

Yêsu khan: “'Noh yua kơ tơdrong lui iĕm oei rơdu iĕ. Inh khan kơ iĕm tơpă, mă khan tơdrong lui iĕm rơdu iĕ tŏ găr sơ'bei dah sư rai wơ̆ thoi găr sơ'bei chăt kơjung lei iĕm gơh pơm tôm tơdrong nai hai. Pơtih gia iĕm sơkat kơ kông âu khan thoi âu: Ơ kông, hiŏng jăk kơdih tơ nai, na sư hiŏng hloi kơdih tơ nai.”

Mathiơ 21:21

Yêsu khan kơ lu sư: “Inh khan kơ iĕm tơpă, dah iĕm đei đon lui kơjăp, 'nĕ kơ pơngiĕl, lei ưh kơ sĭ kơ pôm 'long hơra âu đĕch ôh iĕm gơh sơkat. Dah iĕm wă sơkat kơ kông âu gơh mơ̆n. Iĕm khan thoi âu: ‘Weh bĕ e, hiŏng kơtah kơdih tơ đak dơsĭ to.’ Tơdrong iĕm pơma noh gô 'bôh hloi tơpă.

Markôs 9:23

Yêsu khan kơ sư: “Dah ih đei đon lui, lei kon ih gô klaih. Bơngai bu đei đon lui, bơngai 'noh sư gơh pơm tôm tơdrong.”

Luka 17:6

Na Kră Yang Yêsu khan kơ lu sư: “Dah tơdrong lui iĕm wơ̆ thoi găr sơ'bei, lei iĕm gơh sơkat kơ 'long tơpang âu khan: ‘Tơgloh pơtăm kơ e kơdih tơ đak dơsĭ to,’ na sư kư̆m chu ih mơ̆n.

Jang 3:16

Yua kơ Yêsu, bơngai âu jing pran dơ̆ng. Iĕm băt boih kơ bơngai hơwen hơwo âu đơ̆ng sơ̆. Yua kơ nhôn gơnang kơ Yêsu tơpă na bơngai hơwen hơwo âu gơh klaih. Dang ei iĕm 'bôh sư klaih boih.

Philip 4:13

Inh kĕ iŏk dôm tơdrong 'noh yua kơ inh gơnang kơ Yêsu Krist na Sư ăn kơ inh kĕ iŏk dôm tơdrong 'noh. Tơ̆ng ưh, inh ưh kơ kĕ ôh.