Mathiơ 14:27 - Sơ̆p Hlabơar Nơ̆r 'Bok Kei-Dei

²⁷ Mă-lei Yêsu thar khan kơ lu sư: “Iĕm 'nĕ pă hli, Inh âu lah.”

Mathiơ 14:27 Iomraidhean Croise

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 41:14

Ơ adrĕch Jakôp thoi hơdrông, ơ lu kon pơlei Isơrael, 'nĕ kơ hli kơ kiơ, Inh gô tơgŭm iĕm, Kră Yang pơma thoi noh, Tơ'ngla 'Lơ̆ng tơpăt đe Isơrael păng Tơ'ngla huai iŏk lu iĕm.

Êsai 41:4

Bu đei pơm bơih tơdrong âu? Bu krao iŏk jơhnơr kon bơngai đơ̆ng blŭng-a? Noh Inh bơih Kră Yang blŭng-a, mă kư̆m oei dang ei truh kơ tôch. Inh bơih Kră Yang noh.

Êsai 51:12

Inh bơih, inh jơ̆ Tơ'ngla pơlung lu iĕm, iĕm 'nĕ kơ hli kơ kon bơngai juăt kơ lôch? Ngăl hli kơ kon bơngai tơdrong arih nhen thoi 'nhĕt.

Mathiơ 14:28

Pêtrôs khan kơ Sư: “Ơ 'Bok, tơ̆ng Ih tơpă lei Ih ăn kơ inh gơh yak kơpal đak năm tơ Ih.”

Mathiơ 17:7

Yêsu năm tơiung lu sư păng khan: “Iung bĕ, huay kơ hli ôh.”

Mathiơ 28:10

Yêsu khan: “Biĕm 'nĕ pă hli, biĕm jah năm khan kơ lu 'nhŏng oh Inh athei lu sư năm tơ dêh Galilê, lu sư gô tơ'bơ̆p Inh tơ noh hloi.”

Mathiơ 28:5

Linh jang 'lơ̆ng khan kơ bre drŏ-kăn noh khan: “Biĕm 'nĕ kơ hli, inh băt kơ biĕm năm tơ âu chă Yêsu mă đe pơ̆ng pơlôch tơ 'long pơglang.

Mathiơ 9:2

Tơ noh đe tung ba minh 'nu bơngai hơwen hơwo kơpal anhŭn anhăk tơ Yêsu. Yêsu 'bôh tơdrong lui đe noh 'lơ̆ng tơpă na Sư khan kơ bơngai hơwen hơwo ei thoi âu: “Ơ dăm, hiôk bĕ ih, yua kơ tơdrong yoch ih Inh pơklaih đĭ boih.”

Markôs 6:50

Đĭ dôm lu sư 'bôh tôm, na lu sư hli tơrơ tơpă. Mă-lei Yêsu khan hloi kơ lu sư: “Iĕm 'nĕ pă hli âu, Inh lah.”

Luka 1:13

Mă-lei linh jang 'lơ̆ng ei khan kơ sư: “Ih 'nĕ kơ hli. 'Bok Kei-Dei kơtơ̆ng nơ̆r ih krao khan apinh sư wă kơ đei kon. Na akăn ih ning-mônh gô tơpŭ kơ minh 'nu kon drŏ-nglo. Na ih anăn sư Yôhan.

Luka 1:30

Linh jang 'lơ̆ng ei khan kơ sư dơ̆ng: “Ơ Mari, ih 'nĕ kơ hli yua kơ 'Bok Kei-Dei lăp đon kơ ih tơpă.

Luka 12:32

“Ơ lu 'nhŏng oh, iĕm bơngai kơtuei ră, mă-lei iĕm 'nĕ kơ hli, yua kơ 'Bă bơ̆n 'Bok Kei-Dei wă ăn kơ iĕm gơh pơgơ̆r đe ning-mônh.

Luka 2:10

Linh jang 'lơ̆ng khan kơ lu sư: “Iĕm 'nĕ kơ hli, yua kơ inh wă roi kơ iĕm tơdrong 'lơ̆ng, tơdrong mă đĭ-đăng kon bơngai 'nă hal.

Luka 5:10

Bôl mă jang hơdai sư ei kư̆m sơleng kơ đon mơ̆n. Anăn bre sư ei Yakơ păng Yôhan, kon Sêbêđê. Na Yêsu khan kơ Simôn: “Ih 'nĕ pă hli. Đơ̆ng âu tơ anăp kơnh ih gô krao chă kon bơngai wă kơ sư lui kơ 'Bok Kei-Dei.”

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Yo 6:20

Yêsu khan hloi kơ lu sư: “Iĕm 'nĕ pă hli, Inh boih lah.”

Jang 23:11

Măng kơnh Kră Yang Yêsu dơ̆ng jê̆ Pôl hăm khan kơ Pôl: “Ih 'nĕ kơ hli. Ih bơtho tơdrong Inh tơ Pơlei Jêrusalem âu boih, na ih athei bơtho tơdrong Inh tơ Pơlei Rôm dơ̆ng.”