Mathiơ 14:19 - Sơ̆p Hlabơar Nơ̆r 'Bok Kei-Dei

¹⁹ Yêsu athei đĭ-đăng lu bơngai tơpôl ei tơoei kơpal 'nhĕt. Klaih kơ noh Sư iŏk pơđăm tŏ 'bĕng mi păng 'bar hlak ka ei ngoi tơ plĕnh krao khan bơnê kơ 'Bă Sư 'Bok Kei-Dei, na phĕ 'bĕng mi ăn kơ lu bơngai pơhrăm păng Sư chă asong kơ bôl buăl.

Mathiơ 14:19 Iomraidhean Croise

Mathiơ 14:18

Yêsu khan: “Iĕm ba kơ Inh tơ âu.”

Markôs 6:39

Sư athei đĭ-đăng lu đe ei tơoei lơ jơ'bôt kơpal 'nhĕt adrih.

Markôs 6:41

Sư iŏk pơđăm tŏ 'bĕng mi păng 'bar hlak ka ei, ngoi tơ plĕnh krao khan bơnê kơ 'Bă Sư 'Bok Kei-Dei, na phĕ hloi 'bĕng mi ei ăn kơ lu bơngai pơhrăm păng Sư chă asong kơ lu bôl buăl. Sư kư̆m phĕ asong 'bar hlak ka ei wă kơ bôl buăl sa.

Markôs 7:34

Klaih kơ noh Yêsu ngoi tơ plĕnh na tơhôih hăm khan kơ bơngai ei păng nơ̆r Juđê: “Eppatha” wă khan: “Đon ih hơbăng boih.”

Luka 22:17

Klaih kơ noh Yêsu iŏk minh pôm kơchŏk đak hơmu, krao khan bơnê kơ 'Bok Kei-Dei na khan: “Iĕm iŏk kơchŏk đak hơmu âu asong dih băl huch.

Luka 22:19

Đơ̆ng rŏng kơ noh Yêsu iŏk 'bĕng mi krao khan bơnê kơ 'Bok Kei-Dei, na phĕ hloi 'bĕng mi noh asong kơ lu sư păng khan: “'Bĕng âu boih akâu Inh. Akâu Inh âu boih Inh ăn lôch tang kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

Luka 24:30

Na Sư tơoei hơdai păng bre sư wă sŏng sa. Na Yêsu iŏk 'bĕng mi krao khan bơnê kơ 'Bok Kei-Dei na phĕ asong kơ bre sư 'bĕng mi ei.

Luka 9:14

Lu đe ei đei dang pơđăm-rơbâu 'nu bơngai jô̆ gah drŏ-nglo đĕch. Na Yêsu khan kơ lu bơngai pơhrăm păng Sư dơ̆ng: “Iĕm athei lu sư tơoei akŭm hơdai, rim jơ'bôt dang pơđăm-jĭt 'nu.”

Luka 9:16

Na Yêsu iŏk pơđăm tŏ 'bĕng mi păng 'bar tŏ ka ei, ngoi tơ plĕnh krao khan bơnê kơ 'Bă Sư 'Bok Kei-Dei. Đơ̆ng noh Sư phĕ 'bĕng mi păng ka ei ăn kơ lu bơngai pơhrăm păng Sư chă asong kơ lu bôl buăl.

Yo 11:41

Lu sư pơih tơnglơ̆p tơmo ei. Na Yêsu ngoi tơ plĕnh krao khan kơ 'Bă Sư: “Ơ 'Bă, Inh bơnê kơ Ih kơlih kơ Ih mơ̆ng Inh krao khan kơ Ih boih.

Yo 6:23

Mă-lei năr đơ̆ng rŏng đei lơ thŏng-nan nai đơ̆ng Pơlei Tiberia năm truh tơ anih Kră Yang Yêsu krao khan bơnê kơ 'Bok Kei-Dei na asong kơ lu bơngai tơpôl tơmam sa.

Jang 27:35

Hlôi kơ pơma thoi noh, Pôl iŏk 'bĕng mi, krao khan bơnê kơ 'Bok Kei-Dei 'bơ̆t anăp đĭ-đăng lu sư, na phĕ hloi 'bĕng mi ei sa.

Rom 14:6

Bơngai mă oei kiơ̆ rim kơ năr giĕng, yua kơ sư 'mêm kơ 'Bok Kei-Dei na sư oei kiơ̆. Na tơdrong sa 'nhĕm 'nhot kư̆m thoi noh; bơngai mă tơchĕng gơh sa sư kư̆m 'mêm kơ 'Bok Kei-Dei mơ̆n; bơngai mă tơchĕng khan giĕng kơ sa, sư kư̆m 'mêm kơ 'Bok Kei-Dei. Bơngai mă gơh sa sư băt tôm tơdrong tơmam sa 'Bok Kei-Dei pơjing wă ăn kơ kon bơngai sa na sư bơnê kơ 'Bok Kei-Dei. Bơngai mă giĕng kơ sa sư kư̆m lei-lăi, sư giĕng kơ sa yua kơ sư wă kơkuh kơ 'Bok Kei-Dei na sư kư̆m bơnê kơ 'Bok Kei-Dei mơ̆n.

I Kor 10:16

Kơplah năr bơ̆n akŭm krao khan 'blŏk hơdơ̆r gah tơdrong Yêsu, bơ̆n iŏk kơchŏk đak hơmu huch, 'noh dang bơ̆n huch pham Yêsu; păng bơ̆n iŏk phĕ sa 'bĕng mi, 'noh dang bơ̆n iŏk sa akâu Sư.

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

I Kor 11:24

krao khan bơnê kơ 'Bok Kei-Dei na phĕ hloi 'bĕng mi 'noh păng khan: “'Bĕng âu boih akâu Inh. Akâu Inh âu boih wă pơchah yua kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

I Sam 9:13

Mưh mơ̆t lăm pơlei, măr iĕm tơ'bơ̆p sư ngei adrol kơ sư năm tơ groi wă et sa. Kon pơlei ưh kơ et sa ôh adrol kơ sư truh, yua kơ sư gô sơkat ăn pŭn hiôk kơ tơmam soi; đang bơih, na đe năm akŭm ei gơh et sa. Năm bĕ măr iĕm, măr iĕm gô tơ'bơ̆p sư.