Mathiơ 13:55 - Sơ̆p Hlabơar Nơ̆r 'Bok Kei-Dei

⁵⁵ Sư kon 'bok ot 'long đĕch lah, mĕ Sư Mari păng lu oh Sư Yakơ, Yôsep, Simôn, Jut.

Mathiơ 13:55 Iomraidhean Croise

Horiso 22:6

Mă-lei inh nhen thoi hơdrông ưh kơ trŏ kon bơngai. Inh jing tơmam pơm kơ kon bơngai pơjăm, Păng tơmam pơm ăn kơ kon pơlei hiĕk ăr.

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Mathiơ 27:56

Anăn lu sư mơ'nah: Mari đơ̆ng Pơlei Mađơla, Mari mĕ bre Yakơ hăm Yôsep păng minh 'nu mĕ bre Yakơ hăm Yôhan, 'bă bre sư Sêbêđê.

Markôs 15:40

Kư̆m đei lu bơngai drŏ-kăn oei tơ anih đe pơlôch Yêsu noh, lu sư lăng đơ̆ng ataih. Anăn lu sư noh: Mari đơ̆ng Pơlei Mađơla, Salômê păng Mari mĕ bre Jôsê hăm Yakơ mă oei tơdăm.

Markôs 15:47

Mari đơ̆ng Pơlei Mađơla păng Mari mĕ bre Jôsê hăm Yakơ, bre sư kư̆m 'bôh anih Yôsep 'măn atâu Yêsu.

Markôs 6:3

Bơngai âu Sư jang ot 'long đĕch lah. Sư kon Mari, 'nhŏng đe Yakơ, Jôsê, Jut, Simôn. Lu oh Sư drŏ-kăn oei tơ âu mơ̆n. Na lơliơ Sư gơh pơm dôm tơdrong noh?” Lu đe ei klai kơ Sư hơgei na jing kuă lui kơ Sư.

Luka 1:27

Linh jang 'lơ̆ng ei năm tơ minh 'nu adruh sơkơ̆t boih păng minh 'nu tơdăm, anăn sư Yôsep. Yôsep sư adrĕch adrung pơtao Đawit sơ̆. Na anăn adruh ei Mari.

Luka 24:10

Lu bơngai drŏ-kăn mă 'bôh tơdrong noh hei, anăn lu sư Mari đơ̆ng Pơlei Mađơla, Jôanna, hăm Mari mĕ bre Jôsê hăm Yakơ; păng kư̆m đei lu bơngai drŏ-kăn nai dơ̆ng mơ̆n kiơ̆ lu sư.

Luka 3:23

Kơplah Yêsu pơtơm wă jang tơdrong Sư, kơplah noh Sư dang pêng-jĭt sơnăm. Đe ngêh kơ Yêsu kon Yôsep. Yêsu kon sâu Hêli.

Luka 4:22

Na đĭ-đăng kơ lu sư lăp đon kơ Yêsu păng lu sư kư̆m sơleng kơ đon mơ̆n yua kơ Yêsu bơtho kơ lu sư 'bơ̆r đon hơgei tơpă. Na lu sư khan: “Bơngai âu kon Yôsep dah kiơ?”

Luka 8:20

Na đe khan kơ Yêsu: “Mĕ Ih hăm oh Ih dơ̆ng tơ 'ngoaih hnam to. Lu sư chă Ih.”

Yo 19:25

Jê̆ 'long pơglang đe pơ̆ng Yêsu 'noh đei mĕ Sư, duch Sư, Mari akăn Klôpas păng Mari Pơlei Mađơla.

Yo 6:42

Lu sư khan: “Bơngai âu ưh kơ trŏ Yêsu ôh hă, mă kon Yôsep? Bơ̆n băt kơ mĕ 'bă Sư. Mă-lei liơ Sư khan: ‘Inh jur đơ̆ng plĕnh?’ ”

Yo 9:29

Nhôn băt 'Bok Kei-Dei pơma păng Môis tơpă. Mă-lei bơngai noh nhôn ưh kơ băt Sư bơngai đơ̆ng yơ.”

Galati 1:19

Inh kư̆m tơ'bơ̆p Yakơ oh Yêsu mơ̆n, mă-lei inh ưh kơ đei tơ'bơ̆p jơ̆ng 'bang Yêsu nai ôh kơplah noh.

Ju 1:1

Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.