Mathiơ 13:51 - Sơ̆p Hlabơar Nơ̆r 'Bok Kei-Dei

⁵¹ Yêsu jet lu bơngai pơhrăm păng Sư: “Dôm tơdrong pơtih gia noh hei iĕm tam hlôh?” Lu sư khan: “Nhôn hlôh boih.”

Mathiơ 13:51 Iomraidhean Croise

Mathiơ 13:11

Yêsu khan: “'Bok Kei-Dei ăn kơ iĕm băt gah tơdrong Sư wă pơgơ̆r kon bơngai thoi yơ, mă-lei Sư ưh kơ ăn kơ lu bơngai tơpôl noh băt ôh.

Mathiơ 13:19

Lu bơngai mơ̆ng đe bơtho tơdrong 'Bok Kei-Dei wă pơgơ̆r bơ̆n, lu mơ'nah ưh kơ hlôh, lu sư thoi lĕ găr 'ba đe rei huŏng 'bơ̆t trong. Na yang kơnê̆ Satan năm tơbeh lê̆ kuă ăn iŏk nơ̆r đe bơtho 'noh.

Mathiơ 13:50

tơlơ̆ tŭk lu sư tơ dơnâu ŭnh, lê̆ lu sư nhơ̆m hmoi kăp sơnĕnh tơ noh.”

Mathiơ 13:52

Yêsu khan: “Thoi noh na lu iĕm bơngai mă pơhrăm păng Inh, iĕm gô jing thây bơtho đe tơdrong 'Bok Kei-Dei pơgơ̆r kon bơngai, na iĕm bơtho đe tơdrong 'nao tơdrong so kư̆m thoi 'bok tơ'ngla hnam chă asong kơ đe tơmam 'nao păng tơmam so sư, gô mơ̆ng kơ sư wă.”

Mathiơ 15:17

Đĭ dôm tơmam sa, bơ̆n sa mơ̆t lăm klak, klaih kơ noh lĕch đĭ.

Mathiơ 16:11

Na lơliơ iĕm tơchĕng khan Inh jô̆ kơ iĕm hiơt kơ chĕp 'bĕng mi? Ưh kơ sĭ Inh jô̆ tơdrong noh ôh. Inh athei iĕm kơchăng weh ataih kơ 'buih pông đe Pharisi păng Sađusê.”

Mathiơ 24:15

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Đaniel bơngai pơtruh nơ̆r 'Bok Kei-Dei sơ̆ sư kư̆m roi tơdrong noh mơ̆n. Na bu đŏk lăng hla bơar âu đon sư athei pơwao kơdih.

Markôs 4:34

Sư bơtho đe, Sư bơtho pơtih gia ngăl, mă-lei dah Sư oei păng lu bơngai pơhrăm păng Sư, Sư bơtho tơblang tôm tơdrong.

Markôs 7:18

Na Yêsu khan kơ lu sư: “Tơdrong pơtih gia 'noh hei iĕm kư̆m ưh kơ hlôh mơ̆n hă? Tơmam sa đơ̆ng 'ngoaih mơ̆t lăm klak kon bơngai ưh kơ gơh pơm kơ kon bơngai yoch ôh.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.