Mathiơ 13:47 - Sơ̆p Hlabơar Nơ̆r 'Bok Kei-Dei

⁴⁷ “'Bok Kei-Dei pơgơ̆r bơ̆n thoi âu: Pơtih gia thoi lu bơngai juăt kơ traih jal tơ đak dơsĭ sư đei ka lơ, ka đe gĭt, ka đe ưh,

Mathiơ 13:47 Iomraidhean Croise

Êsêkiên 47:10

Lu bơngai traih ka gô dơ̆ng 'bơ̆t jih krong; đơ̆ng pơlei Êngêđi truh tơ Ên Eglaim đei anih wă dăng hơnhuăl; tơ noh đei lơ ka tôm kơ adrĕch ka kư̆m thoi lăm đak Dơsĭ Tih.

Mathiơ 13:44

“Tơdrong 'Bok Kei-Dei pơgơ̆r bơ̆n kư̆m thoi tơmam đe gĭt 'bŭ ôn lăm teh. Đei minh 'nu bơngai nai 'bôh tơmam đe 'bŭ tơ mir noh na sư gơlơ̆p tơmam noh păng teh wă kơ hrĕp. Jơhngơ̆m sư hiôk dêh. Sư brŏk tơ hnam tĕch đĭ dôm mŭk tơmam sư na răt mir đe 'noh.

Mathiơ 13:46

Lăp sư 'bôh đe tĕch tơmam hu rang hloh kơ hu nai na sư brŏk tơ hnam tĕch đĭ mŭk tơmam sư na răt tơmam hu mă đe gĭt noh.

Mathiơ 13:48

'bĕnh kơ jal sư. Na sư hiot atŏk tơ kông tơoei rơih iŏk dôm lu ka đe gĭt tah lăm bai. Ka đe ưh sư tŭk.

Mathiơ 4:19

Na Yêsu khan kơ bre sư: “Bĕ bơ̆n kiơ̆ Inh na Inh pơchĕp ăn kơ biĕm tơdrong jang traih bơngai.”

Markôs 1:17

Na Yêsu khan kơ bre sư thoi âu: “Bĕ bơ̆n kiơ̆ Inh, na Inh pơchĕp ăn kơ biĕm tơdrong jang chă bơngai lui kơ 'Bok Kei-Dei.”

Luka 5:10

Bôl mă jang hơdai sư ei kư̆m sơleng kơ đon mơ̆n. Anăn bre sư ei Yakơ păng Yôhan, kon Sêbêđê. Na Yêsu khan kơ Simôn: “Ih 'nĕ pă hli. Đơ̆ng âu tơ anăp kơnh ih gô krao chă kon bơngai wă kơ sư lui kơ 'Bok Kei-Dei.”

Yo 15:2

Na dôm lu bơngai lui kơ Inh thoi lĕ dơng, tơ'bla, sơdrai mă chăt đơ̆ng Inh. Dơng mơ'nah ưh kơ đei plei, 'Bă Inh chre tŭk. Đei dơng mơ'nah plei mơ̆n, mă ưh kơ trem, Sư sơleh tŭk lu tơ'bla iĕ, wă kơ sư plei trem păng plei tih.

Yo 15:6

Bơngai bu ưh kơ oei lăm Inh, 'Bă Inh gô tŭk lê̆ sư, kư̆m thoi đe tŭk dơng 'long, na dơng 'noh jing kro. Klaih kơ noh đe dônh lu dơng kro noh klơ̆m tŭk lăm ŭnh, na ŭnh gô sa sư.

Jang 20:30

Đơ̆ng lăm lu iĕm kơdih kư̆m gô đei bơngai bơtho tơdrong 'Bok Kei-Dei ưh kơ tơpăt wă kơ lu bơngai lui tơklah dih băl păng kiơ̆ sư.

I Kor 11:19

Iĕm ling-lang juăt kơ tơklah dih băl đon thoi noh iĕm tơchĕng lăng, bu kơ iĕm pơm đon 'lơ̆ng đon kơnê̆.

II Kor 11:26

Inh bơngai juăt kơ brŏk năm ataih, hơmơt hli kơ glơ̆k tơ đak krong, hơmơt hli kơ lu bơngai brơ̆t răp tơtông, hli kơ tơduă lu bôl nhôn kơdih bơngai Juđê hil areh, hli kơ lu bơngai nai kư̆m hil areh, hli kơ lu bơngai oei lăm pơlei tih păng hơmơt kơ yak rok trong bri brah, hơmơt kơ glơ̆k tơ đak dơsĭ, hơmơt kơ lu bơngai ưh kơ lui hơlĕnh pơm bơngai lui.

Galati 2:4

Đei mơ̆n lu bơngai nai đĕch athei nhôn kăt tơdra akar Tĭt. Mă-lei lu bơngai noh ưh kơ trŏ bơngai lui tơpă ôh. Lu sư mơ̆t akŭm hơdai hăm nhôn, lăng sư thoi bơngai lui mơ̆n, mă tơpă lăm to sư ưh ôh. Bơ̆n bơngai rơngei yua kơ bơ̆n lui kơ Yêsu Krist. Bơ̆n ưh kơ kăl kiơ̆ dôm tơdrong juăt lu bơngai Juđê mă đơ̆ng Môis pơkă kơ sư. Lu sư mơ̆t akŭm hơdai nhôn wă chă lăng tơdrong bơ̆n lui thoi yơ, lu sư wă kơ bơ̆n kiơ̆ dôm tơdrong juăt lu bơngai Juđê. Tơdrong juăt bơngai Juđê anat tơpă, dah bu wă kiơ̆, bơngai 'noh sư dang jing đĭch.

Tơdrông Tơ'bôh 3:1

“Na dang ei dơ̆ng ih chih kơthơ ăn kơ kră wei-lăng hnam akŭm 'Bok Kei-Dei tơ Pơlei Sadis, ih chih kơ sư thoi âu: Âu boih 'Bok mă đei minh 'nu Yang Bơhngol 'Lơ̆ng mă dang tơpơh 'nu, mă Sư chĕp tơpơh tŏ sơnglŏng tơ tơpang ti Sư noh, na dang ei Sư wă pơma kơ iĕm thoi âu: ‘Inh băt mơ̆n dôm tơdrong lui iĕm thoi yơ. Đĭ-đăng bơngai ư-ang kơ iĕm khan iĕm bơngai lui kơjăp; mă tơpă iĕm rơdu dêh dang bơngai wă kơtĕch jơhngơ̆m wă lôch.