Mathiơ 13:44 - Sơ̆p Hlabơar Nơ̆r 'Bok Kei-Dei

⁴⁴ “Tơdrong 'Bok Kei-Dei pơgơ̆r bơ̆n kư̆m thoi tơmam đe gĭt 'bŭ ôn lăm teh. Đei minh 'nu bơngai nai 'bôh tơmam đe 'bŭ tơ mir noh na sư gơlơ̆p tơmam noh păng teh wă kơ hrĕp. Jơhngơ̆m sư hiôk dêh. Sư brŏk tơ hnam tĕch đĭ dôm mŭk tơmam sư na răt mir đe 'noh.

Mathiơ 13:44 Iomraidhean Croise

Jop 28:13

Kon bơngai ưh kơ băt trong ba truh tơ tơdrong gĭt gơh hơgei.a Ưh kơ gơh chă tơdrong hơgei tơ kơpal teh âu.

Tơdrông Pơđơk 16:16

Iŏk tơdrong hơgei noh đei gĭt hloh kơ maih; 'Maih chă tơdrong hlôh wao noh kăl hloh kơ hu!

Tơdrông Pơđơk 17:16

Hăm yua kiơ bơngai kơwao chĕp jên hu, Sư ưh kơ 'maih răt tơdrong hơgei.

Tơdrông Pơđơk 18:1

Bu arih hơdrô̆ kuă kơ hơdai bơngai noh chơchă kiơ̆ kơdih wă, Kuă kơ chu kiơ̆ tơdrong tơchĕng trŏ.

Tơdrông Pơđơk 23:23

Răt bĕ tơdrong sĭt tơpă, 'nĕ kơ tĕch lê̆. Iŏk tơdrong hơgei wei nơ̆r bơtho pơhrăm păng hlôh wao,

Êsai 55:1

“Ơ lu bơngai mă rơhing kơ đak, năm bĕ tơ đak! Păng bơngai bu ưh kơ đei jên, năm bĕ răt na sa, năm bĕ răt tơdrô păng đak toh mă ưh kơ kăl hăm jên, ưh kơ đei huach kơ răt.

Mathiơ 13:24

Yêsu pơma pơtih gia dơ̆ng kơ đe tơdrong 'Bok Kei-Dei wă pơgơ̆r bơ̆n thoi âu: “Đei minh 'nu bơngai năm rei adrĕch 'ba 'lơ̆ng tơ mir sư.

Mathiơ 13:46

Lăp sư 'bôh đe tĕch tơmam hu rang hloh kơ hu nai na sư brŏk tơ hnam tĕch đĭ mŭk tơmam sư na răt tơmam hu mă đe gĭt noh.

Mathiơ 13:47

“'Bok Kei-Dei pơgơ̆r bơ̆n thoi âu: Pơtih gia thoi lu bơngai juăt kơ traih jal tơ đak dơsĭ sư đei ka lơ, ka đe gĭt, ka đe ưh,

Mathiơ 19:21

Yêsu khan kơ sư: “Dah ih wă kiơ̆ tôm tơdrong 'Bok Kei-Dei pơkă lei ih athei tĕch đĭ mŭk tơmam ih chă asong kơ lu bơngai dơnuh hin, na kiơ̆ hloi Inh. Thoi noh na ih gô đei mŭk tơmam tơ kơpal plĕnh ti ning-mônh.”

Mathiơ 19:27

Na Pêtrôs khan kơ Sư: “Lu nhôn âu achăng lê̆ tôm tơdrong yua kơ kiơ̆ Ih, na lu nhôn gô đei kiơ?”

Mathiơ 19:29

Na bu achăng hnam sư, 'nhŏng oh sư, mĕ 'bă sư, kon sư, mir 'ba sư, yua kơ jang tơdrong Inh, bơngai noh gô đei tơmam lơ hloh kơ sư đei sơ̆ păng ning-mônh sư gô arih ling-lang hơdai hăm 'Bok Kei-Dei ưh kơ layơ tôch.

Mathiơ 6:21

Dah iĕm đei mŭk tơmam tơ plĕnh ti, jơhngơ̆m đon iĕm kư̆m tơchĕng tơ noh mơ̆n. Dah iĕm đei mŭk tơmam tơ teh âu, jơhngơ̆m đon iĕm kư̆m tơchĕng tơ teh âu mơ̆n.

Luka 14:33

Kư̆m thoi noh mơ̆n, iĕm athei tơchĕng hơdrol 'mơ̆i, yua kơ bơngai bu ưh kơ tŭk dôm tơdrong sư kơdih, bơngai ei ưh kơ gơh jing bơngai kiơ̆ Inh ôh.

Yo 6:35

Yêsu khan kơ lu sư: “Inh boih jing tơmam sa mă ăn kon bơngai arih ei. Na bơngai bu năm tơ Inh, bơngai 'noh ưh kơ layơ pơngot; bơngai bu lui kơ Inh, bơngai 'noh ưh kơ layơ rơhing.

Rom 15:4

Dôm tơdrong đe chih roi lê̆ sơ̆ wă bơtho kơ đon bơ̆n dang ei, wă kơ bơ̆n gơh lui kơjăp oei hiôk kơplah bơ̆n chang gô 'Bok Kei-Dei wă tơgŭm bơ̆n ning-mônh.

Kôlôsê 2:3

Yua kơ bơ̆n lui kơ Yêsu Krist, na Yêsu Krist tơbăt ăn kơ bơ̆n tôm tơdrong noh mă tam mă tơbăt kơ đe đơ̆ng sơ̆.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

Hêbrơ 10:34

Iĕm băt mơnat kơ lu bôl iĕm đe tah lăm hnam phak, iĕm băt kơ năm ngôi hơpong tơ lu sư. Đe tơpleh iŏk mŭk tơmam iĕm, iĕm mơ̆ng đĕch huay kơ sơ'ngon tơdrong kiơ, yua kơ iĕm băt kơ iĕm gô đei mŭk tơmam tơ kơpal plĕnh ti 'lơ̆ng hloh păng ưh kơ băt hiong tăm.

Tơdrông Tơ'bôh 3:18

Thoi noh na Inh wă kơ iĕm răt iŏk maih mă đêl Inh pơlong 'buh tơ ŭnh boih, wă kơ iĕm mơdrŏng păng răt iŏk hơbĕn ao kok đơ̆ng Inh, hrŭk bĕ, wă huay mơlâu kơ đe yua kơ iĕm akâu hoh; răt pơgang jĭ măt pik wă kơ klaih gơh 'bôh hơdah.