Mathiơ 13:43 - Sơ̆p Hlabơar Nơ̆r 'Bok Kei-Dei

⁴³ Gah lu bơngai mă 'lơ̆ng tơpăt, năr noh kơnh lu sư oei hiôk hơđơ̆ng tơ dêh char 'Bă bơ̆n, dang lu sư pơchrang hơdah thoi lĕ kơ măt 'năr. Bu đei đon athei tơchĕng kơdih bĕ.

Mathiơ 13:43 Iomraidhean Croise

Le 34:35

Lu kon pơlei pơla Isơrael lăng 'bôh muh măt Môis hơdah rang mơnhal na Môis klơ̆p dơ̆ng muh măt sư dĭng truh tơ sư mơ̆t pơma dơnuh hăm Kră Yang dơ̆ng.

Da 12:3

Lu bơngai hơgei gô thoi măt pơchră rang pơchrang hơdah đơ̆ng plĕnh; păng dôm lu bơngai mă đei chông anhăk brŏk gah tơdrong tơpăt gô hơdah thoi sơnglŏng ling-lang măng năr hlŏng hloi.

Mathiơ 11:15

Na bu đei đon athei mơ̆ng wă kơ kơtơ̆ng nhên.

Mathiơ 25:34

Na Inh pơm Pơtao pơgơ̆r lu sư, Inh khan kơ lu bơngai mă oei gah 'ma kơ Inh thoi âu: ‘'Bă Inh ăn kơ iĕm hiôk tơpă, năm mơ̆t oei tơ dêh Sư bĕ, Sư hơmet kơ iĕm anih đơ̆ng Sư pơjing plĕnh teh sơ̆ boih.

Mathiơ 25:36

Inh ưh kơ đei hơbĕn ao, iĕm tơgŭm; Inh jĭ jăn, iĕm ngôi hơpong; đe tah Inh tơ hnam phak, iĕm kư̆m năm ngôi.’

Mathiơ 26:29

Inh khan kơ iĕm tơpă, Inh ưh pă huch boih đak hơmu âu tơ̆p mă truh tơ năr 'Bă Inh pơgơ̆r ning-mônh 'mơ̆i, na Inh gô huch đak hơmu 'nao hơdai iĕm.”

Markôs 4:23

Bơngai bu đei đon, mơ̆ng mă nhên bĕ.”

Luka 12:32

“Ơ lu 'nhŏng oh, iĕm bơngai kơtuei ră, mă-lei iĕm 'nĕ kơ hli, yua kơ 'Bă bơ̆n 'Bok Kei-Dei wă ăn kơ iĕm gơh pơgơ̆r đe ning-mônh.

Luka 22:29

Thoi noh na Inh gô ăn kơ iĕm pơgơ̆r đe kư̆m thoi 'Bă Inh ăn kơ Inh pơgơ̆r iĕm mơ̆n.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.