Mathiơ 13:27 - Sơ̆p Hlabơar Nơ̆r 'Bok Kei-Dei

²⁷ Na lu đĭch sư năm jet sư khan: ‘Ơ 'bok, sơnăm sơ̆ ih rei adrĕch 'lơ̆ng kư̆m thoi sơnăm âu, mă-lei 'nhĕt dă 'biơ̆, na liơ sơnăm âu 'nhĕt krênh kranh hloh kơ sơnăm sơ̆?’

Mathiơ 13:27 Iomraidhean Croise

Mathiơ 13:25

Na đei minh 'nu bơngai nai areh kơ sư, tơ kơmăng kơplah hnam dơnŏ sư oei tep minh 'nu bơngai mă areh kơ sư noh năm rei găr 'nhĕt tơ mir sư na weh tơ nai.

Mathiơ 13:26

'Ba păng 'nhĕt wơ̆ hơdai hơnơ̆ng truh huăt, na bơngai mă rei 'ba noh kơnăl kơ 'ba noh 'nhĕt krênh dêh.

Mathiơ 13:28

Yŏng sư khan: ‘Đei bơngai nai areh kơ inh na sư năm rei găr 'nhĕt tơ mir bơ̆n.’ Lu đĭch sư khan: ‘Ih hăm wă kơ nhôn buch pơđĭ 'nhĕt noh?’

Mathiơ 20:1

“Pơtih gia 'Bok Kei-Dei wă pơgơ̆r bơ̆n thoi âu: Thoi minh 'nu tơ'ngla mir đơ̆ng pơgê hrôih chă bơngai jang tơ mir hơmu sư.

Rom 16:17

Ơ 'nhŏng oh, iĕm athei kơchăng hli kơ iĕm lui jrok kiơ̆ lu bơngai lui ưh kơ tat, hli kơ iĕm achăng lê̆ tơdrong lui tơpăt mă đe juăt kơ bơtho; na iĕm athei weh 'biơ̆ đơ̆ng lu sư. Lu sư wă pơrăm lu bơngai lui bơ̆n, chă pơjah pơjăng păng bơ̆n.

I Kor 16:10

Lăp Timôthê năm tơ iĕm, iĕm athei sơng iŏk sư tơpă hŏ, wă kơ sư huay kơ hli dah mơlâu, yua kơ sư jang tơdrong Kră Yang Yêsu Krist kư̆m lei-lăi thoi inh mơ̆n.

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

II Kor 6:4

Mă nhôn đei tơdrong đe pơm kơnê̆ pơmat-tat kơ nhôn, nhôn kư̆m ưh kơ đei pơm kiơ kơ đe, yua kơ nhôn đĭch đam 'Bok Kei-Dei jang kiơ̆ thoi Sư wă, wă kơ đĭ-đăng bơngai lăng tơdrong jang nhôn 'lơ̆ng.

Ya 4:4

Iĕm pơm thoi noh, thoi lĕ kơ bơngai drŏ-kăn kơđang kơ̆l ako klo sư, na jing 'mêm kơ bơngai mă ayăt kơ klo sư dơ̆ng. Iĕm ưh tam băt ôh hă, dah iĕm 'mêm kơ tơdrong ala teh iĕm dang ayăt kơ 'Bok Kei-Dei? Thoi noh bơngai bu oei 'mêm kơ tơdrong ala teh, bơngai noh ayăt kơ 'Bok Kei-Dei boih.