Mathiơ 13:21 - Sơ̆p Hlabơar Nơ̆r 'Bok Kei-Dei

²¹ Kư̆m đei ră tơnơm 'ba mă-lei rơh sư chăt ưh kơ jrŭ sư jing jô lôch hloi, 'noh wă khan lu sư đei ră đon lui mă-lei ưh kơ đunh lu sư jing achăng lê̆ yua kơ đe areh kơ lu sư lui kơ 'Bok Kei-Dei.

Mathiơ 13:21 Iomraidhean Croise

Jop 19:28

Kơplah lu iĕm chă đon khan: “Bơ̆n wă pơm kơnê̆ kơ sư liơ 'nâu?” Păng khan, tơm tơdrong pơmat 'nâu lĕch đơ̆ng sư đĕch.

Horiso 36:3

Lu nơ̆r lĕch đơ̆ng 'bơ̆r sư tă kơnê̆ hơlĕnh ngăl ưh pă pơm tơdrong tơpăt pơm 'lơ̆ng trŏ.

Tơdrông Pơđơk 12:12

Lu bơngai kơnê̆ ham 'maih chă tơgar đơ̆ng đe, Mă-lei bơngai tơpăt chăt rơh đei plei yua.

Tơdrông Pơđơk 12:3

Kon bơngai bơ̆n kơjăp ưh kơ sĭ đơ̆ng pơm tơdrong kơnê̆. Mă-lei bơngai tơpăt gô chăt rơh kơjăp.

Hôsia 6:4

Inh wă pơm liơ kơ lu iĕm, ơ bơngai Êphraim? Inh wă pơm liơ kơ lu iĕm, ơ bơngai Juđa? Iĕm 'mêm thoi tŭk pơgê hrôih, thoi đak ngom 'bônh kơ hrĕng.

Mathiơ 10:22

Đĭ-đăng bơngai gô areh arĕnh kơ iĕm yua kơ tơdrong jang Inh. Thoi noh bu wă adrin lui kơ Inh truh tôch, bơngai 'noh gô klaih.

Mathiơ 11:6

Lu bơngai mă lui kơ Inh khŏm khŏm ưh kơ achăng lê̆ Inh, lu sư hiôk dêh.”

Mathiơ 13:20

Lu bơngai mă thoi lĕ găr 'ba huŏng 'bơ̆t tơmo trêl, lu sư kơtơ̆ng đe bơtho tơdrong 'Bok Kei-Dei, lu sư hưch hanh păng iŏk hloi mơ̆n.

Mathiơ 13:57

Lu đe noh 'nhĕng Sư hơgei na jing kuă lui kơ Sư. Yêsu khan kơ lu sư: “Lu bơngai pơtruh nơ̆r 'Bok Kei-Dei sơ̆, mưh tơ pơlei đe, lơ bơngai lăp đon 'maih mơ̆ng dêh dôm nơ̆r lu sư bơtho. Mă-lei lu bơngai oei pôm pơlei hăm lu sư, hnam dơnŏ lu sư, ưh kơ 'maih wă mơ̆ng tơdrong bơtho ôh. Na truh tơ Inh dang ei kư̆m lei-lăi.”

Mathiơ 13:6

Lăp 'năr tŏ boih sư jô na lôch hloi, yua kơ rơh sư chăt ưh kơ jrŭ.

Mathiơ 24:13

Mă-lei dah bu adrin lui kơ Inh truh năr tôch, bơngai 'noh gô klaih.

Mathiơ 26:31

Yêsu roi kơ lu bơngai pơhrăm păng Sư: “Đĭ-đăng kơ iĕm măng kơnh kơdâu achăng lê̆ Inh, yua kơ đei nơ̆r chih roi lê̆ hơdrol boih thoi âu: ‘'Bok Kei-Dei gô pơlôch tơ'ngla wei triu, triu kơdâu tơklah đơ̆ng tơ'ngla Sư.’

Mathiơ 26:33

Na Pêtrôs khan kơ Sư: “Mă lu đe âu achăng lê̆ Ih, gah Inh kuă kơ achăng Ih ôh.”

Markôs 4:17

Kư̆m đei ră tơnơm 'ba, mă-lei rơh sư chăt ưh kơ jrŭ, sư jing jô lôch hloi. 'Noh wă khan lu sư dang đei ră đon lui, mă-lei ưh kơ đunh, lu sư jing achăng lê̆ yua kơ đe areh kơ lu sư lui kơ 'Bok Kei-Dei.

Luka 8:13

Lu găr mă huŏng tơ kơpal tơmo trêl wă pơtih gia kơ lu bơngai kơtơ̆ng đe bơtho tơdrong 'Bok Kei-Dei. Lu sư hưch hanh păng iŏk hloi mơ̆n. Kư̆m đei ră tơnơm 'ba mă-lei rơh sư chăt ưh kơ jrŭ, sư jing jô lôch hloi, 'noh wă khan lu sư đei ră đon lui mă-lei ưh kơ đunh lăp đei tơdrong pơlong lăng lu sư jing achăng lê̆.

Yo 6:26

Yêsu khan kơ lu sư: “Inh khan tơpăt kơ iĕm, iĕm chă Inh ưh kơ sĭ yua kơ iĕm 'bôh Inh pơm tơdrong mơsêh mơyang wă tơbăt kơ iĕm Inh đơ̆ng 'Bok Kei-Dei ôh. Iĕm chă Inh yua kơ iĕm sŏng sa phĭ mah đơ̆ng Inh ăn kơ iĕm tơmam sa.

Rom 2:7

Bơngai bu adrin pơm 'lơ̆ng hăm 'Bok Kei-Dei wă kơ 'Bok Kei-Dei lăp đon ăn kơ sư arih hiôk chơt păng wă kơ akâu sư huay kơ lôch hiong, bơngai noh 'Bok Kei-Dei gô ăn kơ sư đei tơdrong arih ling-lang tơpă.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Galati 6:12

Lu bơngai wă pơang akâu kơdih, sư wă kơ đe jô̆ sư bơngai 'lơ̆ng, mă tơpă sư boih wă pơgŏ iĕm kăt tơdra akar. Sư pơgŏ iĕm thoi noh sư wă kơ đe huay kơ areh păng pơm kơnê̆ kơ sư. Dah sư khan bơ̆n ưh kơ kăl kăt tơdra akar, athei lui kơ Yêsu Krist lôch tang bơ̆n tơ 'long pơglang đĕch, lei sư hli kơ đe nai pơm kơnê̆ kơ lu sư dơ̆ng.

Galati 6:15

Tơdrong kăt tơdra akar ưh kơ đei kăl kiơ ôh. Tơdrong Yang Bơhngol 'Lơ̆ng ăn kơ bơ̆n jing bơngai 'nao, 'noh đĕch kăl.

Êphêsô 3:17

Păng inh kư̆m apinh Yêsu Krist mơ̆t oei lăm jơhngơ̆m iĕm yua kơ iĕm lui kơ Sư. Păng inh apinh Sư ăn kơ iĕm đei đon 'mêm mơnat kơ bôl buăl lăm tôm tơdrong,

Philip 1:6

'Bok Kei-Dei jô̆ iĕm jing bơngai 'lơ̆ng boih, na inh băt tơpă Sư gô tơgŭm iĕm ling-lang truh tơ năr Yêsu Krist jur ning-mônh.

II Tim 1:15

Ih băt boih bre Phigelus păng Hêrmôgen păng đĭ-đăng bơngai dêh Asi achăng lê̆ inh boih.

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

Tơdrông Tơ'bôh 2:13

‘Inh băt mơ̆n tơ pơlei iĕm noh đei yang Satan pơgơ̆r pơm pơtao. Mă-lei iĕm oei lui kơ Inh khŏm khŏm ưh kơ đei sơngah khan ưh kơ lui kơ Inh ôh. Na sơ̆ đe pơlôch buăl iĕm Antipa tơ pơlei iĕm, pơlei mă Satan pơgơ̆r. Antipa sư bơngai ră roi kơ đe tơdrong Inh tơpăt ling-lang ưh kơ layơ achăng lê̆ Inh. Na kơplah đe mă pơlôch sư sơ̆, iĕm kư̆m ưh kơ sơngah kơ Inh.