Mathiơ 12:6 - Sơ̆p Hlabơar Nơ̆r 'Bok Kei-Dei

⁶ Inh khan kơ iĕm tơpă, tơdrong jang Inh kăl hloh kơ tơdrong jang đe noh jang lăm hnam akŭm.

Mathiơ 12:6 Iomraidhean Croise

II Ho 6:18

Hăm tơpă Kră Yang 'Bok Kei-Dei oei hơdai hăm kon bơngai tơ ala teh âu? Tơ plĕnh mă đĭ hơtăl plĕnh, kư̆m ưh kơmah kơ Ih, pơma kiơ hnam mă inh pơm boih 'nâu!

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Mathiơ 12:5

“Bĭ iĕm tam biơh đŏk lăng tơdrong juăt 'Bok Kei-Dei ôh hă? Rim năr pơdơh Sa'bat lu 'bok soi kư̆m pơm ưh kơ trŏ kơ tơdrong juăt thoi iĕm khan 'noh mơ̆n. Rim năr pơdơh Sa'bat lu sư jang tơdrong 'Bok Kei-Dei tơ lăm hnam akŭm tơm. Mă-lei, mă đe 'bôh, ưh kơ đei bu khă khan kơ̆m ôh, yua kơ trŏ kơ tơdrong jang lu sư.

Kôlôsê 2:9

'Bok Kei-Dei ăn kơ Yêsu Krist tôm tơdrong lei-lăi thoi Sư kơdih.