Mathiơ 12:5 - Sơ̆p Hlabơar Nơ̆r 'Bok Kei-Dei

⁵ “Bĭ iĕm tam biơh đŏk lăng tơdrong juăt 'Bok Kei-Dei ôh hă? Rim năr pơdơh Sa'bat lu 'bok soi kư̆m pơm ưh kơ trŏ kơ tơdrong juăt thoi iĕm khan 'noh mơ̆n. Rim năr pơdơh Sa'bat lu sư jang tơdrong 'Bok Kei-Dei tơ lăm hnam akŭm tơm. Mă-lei, mă đe 'bôh, ưh kơ đei bu khă khan kơ̆m ôh, yua kơ trŏ kơ tơdrong jang lu sư.

Mathiơ 12:5 Iomraidhean Croise

Ne 13:17

Kơplah ei inh khă lu bơngai mơdrŏng lăm Juđa, khan kơ lu sư: Lu iĕm pơm tơdrong kơnê̆ kiơ âu? Mă pơm pơ'mê̆ kơ lăm năr Sa'bat.

Êsêkiên 24:21

Khan bĕ kơ adrĕch Isơrael: 'Nâu nơ̆r Kră Yang khan: Âu, Inh gô pơm 'mê̆-'mach kơ anih 'lơ̆ng rơgoh Inh, noh anih kơđông kơjăp lu iĕm gơnang, tơdrong chơt hiôk kơ măt lu iĕm. Jơhngơ̆m lu iĕm 'maih wă. Kon drŏ-nglo kon drŏ-kăn lu iĕm mă lê̆ bơih gô pơ̆k lôch kơ đao.

Lêwi 24:8

Rim wơ̆t năr pơdơh Sa'bat Arôn gô săp pơrĕng 'bĕng âu ling-lang 'bơ̆t anăp Kră Yang, tơmam âu đơ̆ng kon pơlei pơla Isơrael pơyơ̆r, noh jơ̆ minh tơdrong pơgơ̆p ling-lang.

Mathiơ 12:4

Lu sư mơ̆t tơ hnam 'Bok Kei-Dei tơm. Đawit sư ưh kơ pơm 'bok soi ră, mă-lei sư gơh iŏk sa 'bĕng đe pơyơ̆r kơ 'Bok Kei-Dei mơ̆n. 'Bĕng đe pơyơ̆r kơ 'Bok Kei-Dei pôm lu 'bok soi đĕch gơh iŏk sa, mă-lei lu bôl Đawit gơh iŏk sa mơ̆n.

Mathiơ 12:6

Inh khan kơ iĕm tơpă, tơdrong jang Inh kăl hloh kơ tơdrong jang đe noh jang lăm hnam akŭm.