Mathiơ 12:44 - Sơ̆p Hlabơar Nơ̆r 'Bok Kei-Dei

⁴⁴ Na sư tơchĕng khan: ‘Inh brŏk oei tơ bơngai đêl inh oei ki đĕch.’ Lăp sư brŏk, sư 'bôh bơngai đêl sư oei noh thoi hnam đe sơpuih hơmet lê̆ 'lơ̆ng boih mă-lei ưh kơ đei Yang Bơhngol 'Lơ̆ng oei.

Mathiơ 12:44 Iomraidhean Croise

Hôsia 7:6

Lu sư pơgơ̆p jơhngơ̆m lu sư wă pơm kơnê̆ tơtŏ thoi tơnuh ŭnh; lu bơngai 'buh 'bĕng, khưi prăt măng bơngai 'buh 'bĕng tep truh pơgê hrôih na tơnuh ŭnh khơ̆ng thoi pla ŭnh.

Mathiơ 12:29

Ưh kơ đei bu gơh mơ̆t tơtông tơmam bơngai pran, dah ưh kơ chô̆ jơ̆ng ti sư hơdrol; đe chô̆ jơ̆ng ti sư hơdrol 'mơ̆i na gơh mơ̆t tơtông tơmam sư lăm hnam. Na Inh tơblah hăm yŏng yang kơnê̆ kư̆m thoi noh mơ̆n.

Mathiơ 12:43

“Pơtih gia yang kơnê̆ lĕch đơ̆ng akâu bơngai, năm tơ char glă, sư chă anih pơdơh ră, sư chă ưh kơ đei.

Mathiơ 12:45

Na sư năm chă pơtơm buăl sư tơpơh 'nu mă kơnê̆ hloh kơ sư dơ̆ng mơ̆t oei tơ bơngai noh; na bơngai noh sư jing pơmat hloh kơ minh 'nu yang kơnê̆ mơ̆t ki. Na lu bơngai kơnê̆ jơhnơr ahrei kư̆m thoi noh mơ̆n, yua kơ lu sư ưh kơ wă lui kơ Inh.”

Luka 11:25

Lăp sư brŏk, sư 'bôh bơngai đêl sư oei noh thoi hnam đe sơpuih hơmet lê̆ 'lơ̆ng boih mă-lei ưh kơ đei Yang Bơhngol 'Lơ̆ng oei.

Yo 12:6

Juđa khan thoi noh ưh kơ sĭ sư mơnat kơ lu bơngai dơnuh hin tơpă ôh. Sư bơngai wei kơdŭng jên tơpôl lu sư păng sư bơngai tơtông mơ̆n. Phŏ phŏ sư tơtông iŏk jên đơ̆ng kơdŭng ei.

Yo 13:2

Yêsu hăm lu bơngai pơhrăm păng Sư sŏng sa hơdai. Yang Satan pơhlŭ Juđa Ikariôt, kon Simôn, na Juđa wă plơ̆ plĕch kơ Yêsu boih.

Yo 13:27

Lăp Juđa iŏk 'bĕng mi ei yang Satan mơ̆t lăm jơhngơ̆m sư hloi. Na Yêsu khan kơ Juđa: “Ih jah năm wăi, na ih jah pơm tơdrong ih wă pơm.”

I Kor 11:19

Iĕm ling-lang juăt kơ tơklah dih băl đon thoi noh iĕm tơchĕng lăng, bu kơ iĕm pơm đon 'lơ̆ng đon kơnê̆.

Êphêsô 2:2

Iĕm pơm kiơ̆ thoi lu bơngai tơ ala teh, hăm pơm kiơ̆ kơ yang Satan wă; yang Satan boih yŏng pơgơ̆r lu yang kơnê̆, sư boih pơgơ̆r lu bơngai mă ưh kơ chu 'Bok Kei-Dei.

I Yo 2:19

Lu bơngai ayăt kơ Yêsu Krist dang ei, tơm hmơm sơ̆ sư khan sư wă bôl lu bơngai lui tơpă, mă dang ei sư achăng tŭk lu bơ̆n bơngai lui. Dah sư bôl bơ̆n bơngai lui tơpă lei sư bôl bơ̆n ling-lang ưh kơ đei layơ tŭk. Na dang ei sư achăng tŭk bơ̆n tơpă boih, noh bơ̆n băt lơ̆m lu sư ưh kơ đei bu buăl bơ̆n.

I Yo 4:4

Ơ lu kon hơ'lơ̆p, gah iĕm kon 'Bok Kei-Dei tơpă, lu bơngai ayăt kơ Yêsu Krist thuơ kơ iĕm boih. Lu sư thuơ kơ iĕm kơlih kơ Yang Bơhngol 'Lơ̆ng oei lăm lu iĕm, Sư pran hloh kơ yang mă oei lăm lu bơngai ala teh âu.