Mathiơ 12:41 - Sơ̆p Hlabơar Nơ̆r 'Bok Kei-Dei

⁴¹ Truh năr 'Bok Kei-Dei sek tơlang ning-mônh lu kon pơlei Ninêwơ jô̆ kơ lu jơhnơr iĕm dang ei bơngai yoch tih, yua kơ lu sư kơtơ̆ng Jôna bơtho athei tơbral kơdih tơdrong yoch, lu sư tơbral hloi, mă-lei iĕm âu đei bơngai bơtho hơgei hloh kơ Jôna ră pơm kuă kơ tơbral kơdih tơdrong yoch.

Mathiơ 12:41 Iomraidhean Croise

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

Je 3:11

Kră Yang khan kơ inh: “Ih pơting lăng tơdrong Isơrael pơm kơnê̆ oei dă 'biơ̆ kơ Juđa,

Jôna 1:2

Ih iung bĕ! Năm tơ pơlei tih Niniwe, pơma khă lu sư, yua kơ tơdrong yoch lu sư tih kơtơ̆ng truh tơ Inh.

Jôna 3:4

Năr mă mônh Jôna pơtơm mơ̆t lăm pơlei, na bơtho khan: Oei pă puăn-jĭt năr dơ̆ng, Niniwe gô pơchah!

Mathiơ 12:39

Yêsu khan: “Jơhnơr iĕm ahrei kơnê̆ dêh, na mă kuă kơ lui kơ 'Bok Kei-Dei. Iĕm pơm pơlong Inh tơ'bôh kơ iĕm tơdrong mơsêh wă kơ iĕm băt kơ Inh đơ̆ng 'Bok Kei-Dei tơpă dah ưh. Mă-lei Inh ưh kơ wă pơm tơdrong mơsêh thoi iĕm apinh noh ôh. Bĭ tơdrong Jôna sư bơngai pơtruh nơ̆r 'Bok Kei-Dei sơ̆, na ka luăn sư pêng măng pêng năr, noh kư̆m dang pơm tơdrong mơsêh tơ'bôh kơ iĕm boih.

Mathiơ 12:42

Truh năr 'Bok Kei-Dei sek tơlang ning-mônh kư̆m đei minh 'nu yă pơtao đơ̆ng dêh Sêba wang jô̆ kơ lu jơhnơr iĕm dang ei bơngai yoch, yua kơ sơ̆ sư đơ̆ng dêh ataih kư̆m adrin năm mơ̆ng pơtao Sôlômôn bơtho, mă-lei iĕm âu đei bơngai bơtho hơgei hloh kơ pơtao Sôlômôn bơtho ră pơm kuă kơ tơbral kơdih tơdrong yoch.

Mathiơ 12:45

Na sư năm chă pơtơm buăl sư tơpơh 'nu mă kơnê̆ hloh kơ sư dơ̆ng mơ̆t oei tơ bơngai noh; na bơngai noh sư jing pơmat hloh kơ minh 'nu yang kơnê̆ mơ̆t ki. Na lu bơngai kơnê̆ jơhnơr ahrei kư̆m thoi noh mơ̆n, yua kơ lu sư ưh kơ wă lui kơ Inh.”

Mathiơ 12:6

Inh khan kơ iĕm tơpă, tơdrong jang Inh kăl hloh kơ tơdrong jang đe noh jang lăm hnam akŭm.

Mathiơ 16:4

Jơhnơr iĕm ahrei kơnê̆ dêh, na mă kuă kơ lui kơ 'Bok Kei-Dei. Iĕm pơm pơlong Inh tơ'bôh kơ iĕm tơdrong mơsêh wă kơ iĕm băt Inh đơ̆ng 'Bok Kei-Dei tơpă dah ưh. Mă-lei Inh ưh kơ wă pơm tơdrong mơsêh thoi iĕm apinh noh ôh. Bĭ tơdrong Jôna sư bơngai pơtruh nơ̆r 'Bok Kei-Dei sơ̆, ka luăn sư pêng măng pêng năr, na ning-mônh 'Bok Kei-Dei kư̆m tơ'bôh kơ iĕm tơdrong mơsêh thoi noh mơ̆n, wă kơ iĕm băt Inh đơ̆ng Sư tơpă.” Đang kơ Sư pơma thoi noh Sư năm hloi tơ nai.

Mathiơ 17:17

Na Yêsu khan: “Ơ lu iĕm mă oei lui rơdu hơnơ̆ng kư̆m oei pơm yoch, iĕm wă kơ Inh oei hơdai iĕm đunh dang yơ 'mơ̆i na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm”

Mathiơ 23:36

Inh khan kơ iĕm tơpă, yua kơ dôm lu bơngai mă yă 'bok iĕm pơlôch noh 'Bok Kei-Dei kư̆m wă phak iĕm hơgop hăm lu sư mơ̆n.

Luka 11:32

Truh năr 'Bok Kei-Dei sek tơlang ning-mônh lu kon pơlei Ninêwơ kư̆m jô̆ kơ lu jơhnơr iĕm dang ei bơngai yoch mơ̆n, yua kơ lu sư kơtơ̆ng Jôna bơtho athei tơbral kơdih tơdrong yoch, lu sư tơbral hloi. Iĕm âu đei bơngai bơtho hơgei hloh kơ Jôna ră mă-lei kuă kơ tơbral kơdih tơdrong yoch.

Yo 3:31

“Bơngai mă jur đơ̆ng plĕnh ti, bơngai 'noh tih hloh kơ đĭ-đăng bơngai. Bơngai bu đơ̆ng ala teh âu, sư 'noh bơngai mơnglang đĕch păng sư băt pơma gah tơdrong ala teh âu đĕch. Bơngai mă jur đơ̆ng plĕnh ti 'noh tih hloh kơ đĭ-đăng bơngai tơpă.

Yo 4:12

Bĭ Ih hăm tih hloh kơ 'bok bơ̆n Jakôp mă ăn kơ nhôn đak sơlŭng âu? Sư, lu kon sư păng sem dơrong sư nhă hơdai minh pôm sơlŭng đak âu sơ̆.”

Rom 2:27

Lu iĕm bơngai Juđê, 'Bok Kei-Dei chih pơkă ăn tơdrong juăt Sư đơ̆ng sơ̆ boih păng iĕm kư̆m kăt tơdra akar thoi 'Bok Kei-Dei pơkă mơ̆n. Mă-lei iĕm ưh kơ kiơ̆ tơdrong juăt Sư pơkă kơ iĕm noh ôh. Tă tơ lu bơngai nai dơ̆ng ưh kơ kăt tơdra akar, mă-lei lu sư mơ'nah kiơ̆ tơdrong juăt 'Bok Kei-Dei pơkă hloh loi kơ iĕm dơ̆ng. Thoi noh ning-mônh lu sư gô jô̆ kơ iĕm bơngai yoch tơpă.

Hêbrơ 11:7

'Bok Nôê sơ̆ kư̆m yua kơ sư lui, na lăp sư kơtơ̆ng 'Bok Kei-Dei khan kơ sư ning-mônh gô đei tơdrong truh na sư lui hloi. Sư pơm minh pôm duk tih wă dŏng pơklaih hnam dơnŏ sư. Sư chu 'Bok Kei-Dei, thoi noh na sư tơbăt kơ bơ̆n 'Bok Kei-Dei jô̆ đĭ-đăng kon bơngai nai yoch ngăl. Pôm 'bok Nôê đĕch 'Bok Kei-Dei jô̆ bơngai 'lơ̆ng, yua kơ sư đei đon lui kơ 'Bok Kei-Dei kơjăp.