Mathiơ 12:34 - Sơ̆p Hlabơar Nơ̆r 'Bok Kei-Dei

³⁴ Iĕm âu bơngai dang 'bih, iĕm ưh kơ layơ wă pơma 'lơ̆ng 'biơ̆ tŏ sĕt, yua kơ iĕm bơngai kơnê̆ dêh. Lăm to iĕm tơchĕng thoi yơ, 'bơ̆r iĕm pơma kiơ̆ thoi noh mơ̆n.

Mathiơ 12:34 Iomraidhean Croise

Horiso 53:1

Lu bơngai kơtul kơwao khan: “Lăm jơhngơ̆m sư, ưh kơ đei Kră Yang 'Bok Kei-Dei.” Lu sư răm-'băm, pơm kơnê̆ krưp. Ưh kơ đei bu pơm 'lơ̆ng.

Horiso 64:3

Lu sư pat hơpiĕt thoi pat đao. Lu sư prah 'brơ̆m wă khan nơ̆r pơma jĭ.

Horiso 64:5

Lu sư pơtơm băl pơm tơdrong kơnê̆ lu sư. Pơđâu băl wă hơ'năk hơđong hlơp, Na khan: “Bu 'bôh 'băi bơ̆n.”

Tơdrông Pơđơk 16:23

Jơhngơ̆m bơngai gơh hơgei đei bơtho kơ 'bơ̆r sư, Păng pơthim 'bơ̆r nơ̆r pơma đe lui.

Tơdrông Pơđơk 4:23

Kơchăng bĕ ling-lang wă kơ wei-lăng jơhngơ̆m ih, Yua kơ tơdrong arih tơm lĕch đơ̆ng noh.

Êsai 32:6

Na lu bơngai kơwao sư pơma lu nơ̆r kơtul kơwao; jơhngơ̆m đon sư pơm tơdrong yoch, 'maih pơm lu tơdrong kơnê̆, pơma tơdrong glăi gah Kră Yang, pơm kơ bơngai pơngot klak hoh, ưh kơ ăn đak nhă kơ lu bơngai rơhing.

Êsai 59:14

Tơdrong tơpăt rai kơdŭn, tơdrong 'lơ̆ng dơ̆ng tơ ataih. Tơdrong trŏ pơ̆k bơih 'bơ̆t trong tih pơlei păng tơdrong pơm tơpăt ưh kơ gơh mơ̆t.

Êsai 59:4

Chă tơkêng băl ưh kơ kiơ̆ tơdrong tơpăt. Pơjah băl kư̆m ưh kơ đei kiơ̆ tơdrong tơpăt hơnơ̆ng Đĭ-đăng tă kơ gơnang kơ tơdrong hiong răm, pơma hơlĕnh pơdăr, lu sư tơchĕng kơ tơdrong kơnê̆ păng pơm tơdrong răm.

Êsai 9:17

Yua kơ tơdrong kơnê̆ lu sư khơ̆ng thoi ŭnh sa 'nhĕt jơla hăm jơ'bôt jơla 'nhui sư kơdŭk hyôi tŏk kơjung.

Mathiơ 12:35

Bơngai 'lơ̆ng, sư đei jơhngơ̆m 'lơ̆ng, sư pơma kiơ̆ 'lơ̆ng. Bơngai kơnê̆, sư đei jơhngơ̆m kơnê̆, sư pơma kiơ̆ kơnê̆.

Mathiơ 15:18

Pôm nơ̆r pơma đĕch, lĕch đơ̆ng jơhngơ̆m đon kon bơngai, na pơm kơ kon bơngai jing yoch.

Mathiơ 23:33

Iĕm pơm thoi lĕ kơ klăn tih 'bih tur makkang, ning-mônh 'Bok Kei-Dei phak iĕm lăm dơnâu ŭnh tơpă.

Mathiơ 3:7

Yôhan 'bôh lu bơngai Juđê mă khan sư lui kơ 'Bok Kei-Dei kiơ̆ kơ tơdrong Pharisi păng lu mơ'nah dơ̆ng kiơ̆ kơ tơdrong Sađusê, lu sư năm tơ sư wă iŏk 'batem, na Yôhan khan kơ lu sư: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh, na iĕm mah năm tơ âu wă iŏk 'batem đĕch khan gơh klaih đơ̆ng tơdrong phak noh hă?

Luka 3:7

Na Yôhan khan kơ lu bơngai tơpôl wă năm iŏk 'batem ei thoi âu: “Iĕm âu dang lĕ kơ 'bih. Iĕm băt kơ 'Bok Kei-Dei wă phak iĕm ning-mônh na iĕm mah năm tơ âu wă iŏk 'batem đĕch khan gô klaih đơ̆ng tơdrong phak noh hă?

Luka 6:45

Bơngai bu đei jơhngơ̆m đon 'lơ̆ng, sư kư̆m pơm 'lơ̆ng mơ̆n. Bơngai bu đei jơhngơ̆m đon kơnê̆, sư kư̆m pơm kơnê̆ mơ̆n. Lăm jơhngơ̆m đon bơ̆n thoi yơ, bơ̆n kư̆m gô pơma thoi ei.

Yo 8:44

'Noh 'bă iĕm yang Satan, na iĕm pơm kiơ̆ kơ sư wă kơ sư lăp đon kơ iĕm. Đơ̆ng blŭng-a sơ̆ sư nŏng kơ chă pơlôch đe păng sư ưh kơ pơma tơpăt tŏ sĕt 'biơ̆, yua kơ sư ưh kơ layơ pơm tơpăt. Sư hơlĕnh ling-lang. Sư pơm yŏng pơjing gah tơdrong hơlĕnh.

Êphêsô 4:29

Iĕm 'nĕ kơ pơma kơnê̆, athei pơma mă 'lơ̆ng tơgŭm pơyua lu bơngai mă mơ̆ng iĕm.

Êphêsô 5:4

Bơ̆n ưh pă gơh pơma tơdrong kơnê̆, tơdrong kư̆ kă, tơdrong chroih tơ nai. Bơ̆n athei pơma ling-lang gah tơdrong ư-ang kơ 'Bok Kei-Dei đĕch.

Ya 3:2

Đĭ-đăng kơ kon bơngai bơ̆n tă kơ bơngai yoch ngăl. Pơtih gia, dah bơngai bu ưh kơ đei yoch lăm tơdrong sư pơma, bơngai noh bơ̆n băt kơ sư bơngai 'lơ̆ng 'biơ̆ mơ̆n păng lăm akâu sư gơh găt hăm bôl buăl tơpă.

I Yo 3:10

Bơ̆n gơh kơnăl tơduă bơngai bơ̆n, bơngai bu kon 'Bok Kei-Dei, bơngai bu kon yang Satan sư phara thoi âu: Bơngai bu ưh kơ pơm 'lơ̆ng tơpăt păng ưh kơ 'mêm kơ 'nhŏng oh sư, bơngai 'noh ưh kơ sĭ kon 'Bok Kei-Dei ôh.

I Sam 24:13

Đe đei nơ̆r khan: Tơdrong kơnê̆ lĕch đơ̆ng bơngai kơnê̆. Mă-lei tơpang ti inh ưh kơ đei layơ wă hơtŭt 'bơm akâu jăn ih.