Mathiơ 12:32 - Sơ̆p Hlabơar Nơ̆r 'Bok Kei-Dei

³² Bu pơjăm Inh Kon Bơngai, 'Bok Kei-Dei kư̆m huay kơ jô̆ yo kơ sư ôh, Sư oei tơgŭm pơklaih đĕch. Mă-lei dah bu pơjăm Yang Bơhngol 'Lơ̆ng Sư, 'Bok Kei-Dei ưh pă wă pơklaih boih bơngai noh, mă đơ̆ng dang ei truh tơ ning-mônh.

Mathiơ 12:32 Iomraidhean Croise

Jop 36:13

Jơhngơ̆m lu bơngai ưh kơ lui răk mong tơdrong hil blĕk Kră Yang phak lu sư Kŭm oei ưh kơ krao apinh dŏng pơklaih.

Mathiơ 11:19

Na gah Inh Kon Bơngai jur tơ teh âu, sŏng sa mơh 'nhot hơdai kon bơngai, na đe jô̆ kơ Inh khan bơngai sa bơlŭk, et dư, tơbôl hăm bơngai iŏk jên thuê̆, lu bơngai yoch mơ̆n. Mă-lei dah bơ̆n 'bôh đe jang 'lơ̆ng, bơ̆n băt kơ đe jang trŏ jang hơgei.”

Mathiơ 12:31

Thoi noh na Inh khan kơ iĕm thoi âu: Mă dôm tơdrong yoch, mă dôm 'măng pơjăm 'Bok Kei-Dei, dah bơ̆n apinh Sư 'nĕ jô̆ yo, 'Bok Kei-Dei huay kơ jô̆ yo ôh, Sư oei tơgŭm pơklaih đĕch. Mă-lei dah bu pơjăm Yang Bơhngol 'Lơ̆ng Sư, 'Bok Kei-Dei ưh pă wă pơklaih bơngai mă pơjăm Yang Bơhngol 'Lơ̆ng Sư ôh.

Mathiơ 12:8

Inh Kon Bơngai, Inh gơh tơblang ăn kơ iĕm tơdrong kơ̆m lăm năr pơdơh Sa'bat.”

Mathiơ 13:22

Lu mơ'nah thoi lĕ kơ găr 'ba huŏng 'bơ̆t 'nhĕt jơla. Lu sư kơtơ̆ng đe bơtho tơdrong 'Bok Kei-Dei ră mă-lei lu sư wă tơchĕng tơdrong arih sư kăl hloh, sư wă kơ mơdrŏng; thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Mathiơ 13:39

Bơngai mă rei găr 'nhĕt noh wă khan yŏng pơgơ̆r yang kơnê̆. Bơyan 'ba noh wă khan năr tôch ning-mônh. Lu bơngai kĕch noh wă khan lu linh jang 'lơ̆ng.

Mathiơ 13:40

Lu bơngai mă chô̆ akŭm 'nhĕt mă tung tŭk tơ ŭnh noh wă khan gô truh năr tôch ning-mônh Inh Kon Bơngai gô wơh lu linh jang kơ Inh năm rôp dôm lu bơngai mă pơtuah lu bơngai mă lui kơ Inh păng dôm lu bơngai mă pơm kơnê̆ đơ̆ng lăm dêh char Inh pơgơ̆r,

Mathiơ 13:55

Sư kon 'bok ot 'long đĕch lah, mĕ Sư Mari păng lu oh Sư Yakơ, Yôsep, Simôn, Jut.

Mathiơ 8:20

Yêsu khan kơ sư: “Mơja đei anih tep, sem păr kư̆m đei tơpu. Inh Kon Bơngai ră mă-lei ưh kơ đei anih tep ôh.”

Markôs 10:30

bơngai 'noh dang ei 'Bok Kei-Dei tơgŭm sư hloh loi kơ sư tam mă lui sơ̆, mă hnam, mă 'nhŏng oh, mă mĕ 'bă, mă kon, mă mir 'ba, sư gô đei lơ hloh kơ sơ̆ tơpă. Sư kư̆m đei tơdrong anat anot yua kơ jang tơdrong Inh kơplah dang ei mơ̆n. Mă-lei ning-mônh sư gô arih ling-lang ưh kơ đei layơ tôch.

Markôs 3:28

“Inh khan kơ iĕm tơpă, mă dôm tơdrong yoch, mă dôm 'măng pơjăm 'Bok Kei-Dei, dah bơ̆n apinh Sư 'nĕ jô̆ yo, 'Bok Kei-Dei kư̆m huay kơ jô̆ yo ôh, Sư oei tơgŭm pơklaih đĕch.

Markôs 3:29

Mă-lei dah bu pơjăm Yang Bơhngol 'Lơ̆ng Sư, 'Bok Kei-Dei Sư ưh kơ layơ wă pơklaih bơngai mă pơjăm Yang Bơhngol 'Lơ̆ng Sư 'noh, mă-lei bơngai noh tơdrong yoch oei oei khŏm khŏm ưh kơ đei layơ tôch.”

Luka 12:10

“Bu pơjăm Inh Kon Bơngai, 'Bok Kei-Dei kư̆m huay kơ jô̆ yo kơ sư ôh. Mă-lei bơngai bu pơma kơnê̆ kơ Yang Bơhngol 'Lơ̆ng, 'Bok Kei-Dei oei jô̆ khŏm khŏm.

Luka 16:8

Bơngai đam kơiĕng ei pơm ưh kơ tơpăt ră, mă-lei yŏng sư kư̆m ngơnh kơ sư chă gơh găi pơm tơdrong arih akâu, yua kơ lu bơngai ala teh âu, lu sư hơgei hloh kơ bơngai lui gah tơdrong tơgŭm dih băl chă 'me akâu jăn wă kơ arih akâu.

Luka 18:30

bơngai noh gô đei tôm tơdrong hloh kơ sư đei sơ̆ dơ̆ng. Păng ning-mônh sư gô arih ling-lang hăm 'Bok Kei-Dei tăm.”

Luka 23:34

Na Yêsu khan kơ 'Bă Sư 'Bok Kei-Dei thoi âu: “Ơ 'Bă, apinh Ih 'nĕ jô̆ yo kơ lu sư, yua kơ lu sư ưh kơ băt lu sư oei pơm kiơ ôh.” Na lu linh ei pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Luka 7:34

Na gah Inh Kon Bơngai âu jur tơ teh âu, sŏng sa hơdai lu sư, na iĕm kư̆m jô̆ kơ Inh khan bơngai sa bơlŭk, et dư, tơbôl hăm bơngai iŏk jên thuê̆, lu bơngai yoch mơ̆n.

Yo 7:12

Lu kon pơlei pơla pơma 'bơm gah tơdrong Yêsu. Lu mơ'nah khan Sư bơngai 'lơ̆ng tơpăt; lu mơ'nah khan Sư ưh kơ 'lơ̆ng ôh, khan Sư chă hơlĕnh kơ kon pơlei pơla đĕch.

Yo 7:39

Sư khan thoi noh dang khan kơ lu bơngai lui kơ Sư gô đei Yang Bơhngol 'Lơ̆ng đơ̆ng 'Bok Kei-Dei ăn jur oei păng lu sư. Mă-lei kơplah noh 'Bok Kei-Dei tam mă ăn Yang Bơhngol 'Lơ̆ng ôh, kơlih Yêsu tam mă lôch iung arih tŏk tơ plĕnh.

Yo 7:52

Na lu bôl buăl sư khan kơ sư: “Ih bơngai đơ̆ng dêh Galilê mơ̆n hă? Ih đŏk lăng lăm sơ̆p hla bơar 'Bok Kei-Dei bĕ, na ih gô băt đe ưh kơ đei chih roi khan bơngai mă pơtruh nơ̆r 'Bok Kei-Dei lĕch đơ̆ng dêh Galilê ôh, mă Sư âu lĕch đơ̆ng dêh Galilê.”

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Êphêsô 1:21

na ăn kơ Sư pơgơ̆r tôm lu 'bok pơgơ̆r, lu linh jang, lu yang nai, tôm kơ lu Sư pơgơ̆r mă pơgơ̆r dang ei, mă pơgơ̆r ning-mônh dah layơ tă Yêsu pơgơ̆r ngăl.

I Tim 1:13

Mă inh pơma kơnê̆ kơ Sư sơ̆, inh pơjăm Sư păng pơm kơnê̆ kơ lu bơngai lui kơ Sư, mă-lei Sư rơih iŏk inh mơ̆n. 'Bok Kei-Dei mơnat kơ inh sơ̆ kơlih kơ inh tam mă lui kơ Kră Yang Yêsu, na inh ưh kơ tơtĭnh dôm tơdrong 'noh kơnê̆.

I Tim 1:15

Tơdrong âu trŏ tơpă, bơ̆n gơh lui tơpă: Kră Yang Yêsu Krist jur oei tơ ala teh âu wă kơ pơklaih lu bơngai yoch. Inh boih bơngai mă pơm yoch lơ hloh kơ đĭ-đăng bơngai nai.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

Tit 2:12

Thoi noh na 'Bok Kei-Dei athei bơ̆n hŭt đĭ dôm tơdrong kơnê̆, 'nĕ pă kiơ̆ đon lu bơngai ưh kơ lui. Đon lu bơngai ưh kơ lui sư 'maih pơm lơ tơdrong kư̆ kă đĕch. 'Bok Kei-Dei athei bơ̆n pơm jơhngơ̆m đon dim 'lơ̆ng tơpăt kơ Sư hăm bôl buăl ala teh âu mơ̆n,

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.