Mathiơ 12:31 - Sơ̆p Hlabơar Nơ̆r 'Bok Kei-Dei

³¹ Thoi noh na Inh khan kơ iĕm thoi âu: Mă dôm tơdrong yoch, mă dôm 'măng pơjăm 'Bok Kei-Dei, dah bơ̆n apinh Sư 'nĕ jô̆ yo, 'Bok Kei-Dei huay kơ jô̆ yo ôh, Sư oei tơgŭm pơklaih đĕch. Mă-lei dah bu pơjăm Yang Bơhngol 'Lơ̆ng Sư, 'Bok Kei-Dei ưh pă wă pơklaih bơngai mă pơjăm Yang Bơhngol 'Lơ̆ng Sư ôh.

Mathiơ 12:31 Iomraidhean Croise

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Êsêkiên 33:11

Khan bĕ kơ lu sư, Thoi Inh mă arih Kră Yang khan: Inh ưh kơ hiôk ôh kơ tơdrong lu bơngai yoch lôch, Inh hiôk dah sư achăng lê̆ trong tơdrong yoch sư na đei tơdrong arih; wih bĕ, wih bĕ, weh đơ̆ng trong tơdrong yoch iĕm, ơ hnam Isơrael. Yua kơ kiơ iĕm wă lôch?.

Lêwi 24:16

Bu pơma blông kơ anăn Kră Yang; đe gô pơlôch sư, kon pơlei gô klơ̆m sư păng tơmo. Mă khan bơngai đơ̆ng tơmoi nai, dah bơngai kon pơlei sư kơdih, mưh pơma blông kơ Anăn Kră Yang đe gô pơlôch đĭ.

Luka 12:10

“Bu pơjăm Inh Kon Bơngai, 'Bok Kei-Dei kư̆m huay kơ jô̆ yo kơ sư ôh. Mă-lei bơngai bu pơma kơnê̆ kơ Yang Bơhngol 'Lơ̆ng, 'Bok Kei-Dei oei jô̆ khŏm khŏm.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Hêbrơ 10:26

Bơ̆n băt boih tơdrong Yêsu Krist, mă bơ̆n wih lê̆ tơdrong lui pơm yoch dơ̆ng, bơ̆n ưh pă đei tơdrong soi kiơ mă gơh pơklaih bơ̆n đơ̆ng tơdrong yoch,

Hêbrơ 10:29

Tơpă, iĕm tơchĕng lăng tơdrong lu bơngai mă pơjuă kơtĭt Kon pôm 'Bok Kei-Dei păng lăng pham Kon Sư đêl pơm kơ sư rơgoh, mă sư pơm pơhơi thoi ưh kơ yua. Păng Yang Bơhngol 'Lơ̆ng bơtho tơgŭm bơ̆n tôm tơdrong 'lơ̆ng mă sư pơjăm ngôi. Iĕm tơchĕng lăng bơngai noh hăm trŏ kơ phak? Phak tih tơpă ưh kơ băt tih dang yơ.

Hêbrơ 6:4

Mă-lei gah lu bơngai mă băt nhên boih tơdrong Yêsu, 'Bok Kei-Dei ăn kơ sư arih 'nao, ăn kơ sư Yang Bơhngol 'Lơ̆ng oei hơdai hăm sư,

I Yo 1:9

'Bok Kei-Dei pơm trŏ thoi Sư pơkă, Sư pơm tơpăt ling-lang. Kơlih kơ thoi noh na bơ̆n dah roi tơdrong yoch bơ̆n kơ Sư, na Sư gô pơklaih bơ̆n đơ̆ng tơdrong yoch tơpă păng 'nhao jơhngơ̆m bơ̆n đơ̆ng dôm tơdrong kơnê̆.

I Yo 5:16

Dah iĕm 'bôh 'nhŏng oh bơ̆n bơngai lui sư pơm yoch iĕm athei krao khan kơ 'Bok Kei-Dei kơ sư, na 'Bok Kei-Dei gô ăn kơ sư arih ling-lang. Sơmă đei 'bar khŭl tơdrong yoch. Minh khŭl noh bơ̆n 'bôh 'nhŏng oh bơ̆n pơm yoch, athei krao khan kơ 'Bok Kei-Dei tơgŭm sư. Minh khŭl dơ̆ng bơ̆n 'bôh 'nhŏng oh bơ̆n pơm yoch khŏm khŏm, inh ưh kơ đei athei iĕm krao khan tơgŭm sư dơ̆ng ôh. Bơngai bu pơm yoch thoi noh sư gô răm tơpă.