Mathiơ 12:30 - Sơ̆p Hlabơar Nơ̆r 'Bok Kei-Dei

³⁰ “Iĕm kơchăng hŏ, bu ưh kơ wă kiơ̆ Inh, sư dang ayăt kơ Inh; bu ưh kơ pôm đon hăm Inh, sư gô tơklah tơklang.

Mathiơ 12:30 Iomraidhean Croise

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Horiso 94:16

Bu gô iung blah lu bơngai pơm kơnê̆ Ăn kơ inh? Bu gô dŏng inh pơm kơ lu bơngai pơm kơnê̆?

Tơdrông Pơđơk 11:24

Bơngai bu đei đon hơmrah, gô rai mơdrŏng dêh. Bơngai bu kret pơ'met rai kơmah kơ'bah rai dêh.

Hôsia 1:11

Kon sâu Juđa păng kon sâu Isơrael gô pơgơ̆p băl; păng gô pơjing pôk minh 'nu pơm yŏng pơgơ̆r đĭ-đăng lu sư đơ̆ng noh lu sư gô rai lơ lăm teh đak noh, yua kơ năr Jêsreel noh năr tih tơpă.

Mathiơ 12:29

Ưh kơ đei bu gơh mơ̆t tơtông tơmam bơngai pran, dah ưh kơ chô̆ jơ̆ng ti sư hơdrol; đe chô̆ jơ̆ng ti sư hơdrol 'mơ̆i na gơh mơ̆t tơtông tơmam sư lăm hnam. Na Inh tơblah hăm yŏng yang kơnê̆ kư̆m thoi noh mơ̆n.

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Markôs 9:40

Bơngai bu huay kơ ayăt kơ bơ̆n, bơngai 'noh kiơ̆ đon bơ̆n.

Luka 11:23

“Iĕm kơchăng hŏ, bơngai bu ưh kơ wă kiơ̆ Inh, bơngai noh dang ayăt kơ Inh. Bơngai bu ưh kơ tơgŭm Inh, sư dang pơrăm tơdrong Inh.

Luka 9:50

Mă-lei Yêsu khan kơ Yôhan: “'Nĕ pă khă sư yua kơ bơngai bu huay ayăt kơ bơ̆n, bơngai noh kiơ̆ đon bơ̆n.”

Yo 11:52

Mă tơpă ưh kơ sĭ Sư lôch tang lu bơngai Juđê đĕch ôh. Sư lôch tang đĭ-đăng dôm lu kon 'Bok Kei-Dei oei jơ̆p-jang ala teh âu.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”

Jôsuê 5:13

Kơplah Jôsuê năm jê̆ pơlei Jêrikô, wă sư ngơk lăng, blư 'bôh hloi minh 'nu bơngai chĕp đao dơ̆ng tơklă 'bơ̆t anăp sư, Jôsuê năm tơ sư păng jet: Ih bơngai gah nhôn dah gah bơngai ayăt kơ nhôn?

I Yo 2:19

Lu bơngai ayăt kơ Yêsu Krist dang ei, tơm hmơm sơ̆ sư khan sư wă bôl lu bơngai lui tơpă, mă dang ei sư achăng tŭk lu bơ̆n bơngai lui. Dah sư bôl bơ̆n bơngai lui tơpă lei sư bôl bơ̆n ling-lang ưh kơ đei layơ tŭk. Na dang ei sư achăng tŭk bơ̆n tơpă boih, noh bơ̆n băt lơ̆m lu sư ưh kơ đei bu buăl bơ̆n.